Aizaya 43:28 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁸ Ọtiọye na Mi de gbe isun rẹ ẹshẹ na ẹgua, Mi de siobọ nẹ Jekọp kẹ ẹghwọrọ Izrẹl vwọ ehwẹjẹ.

Aizaya 43:28 ပူးပေါင်းရင်းမြစ်များ

2 Samuẹl 1:21

Ovwanvwan igbenu ri Gilboa, e jẹn ọphogho yẹrẹ osio dia enu wẹ-ẹn, eyẹ ogbugbu rẹ ame-e! Kidie etiyin a da tẹn ekpọfia rẹ ọgba fia, ekpọfia ri Sọl, ra vwẹ evwri ghworo-o.

1 Ikun rẹ Ivie 24:5

E mu ama vwọ gharẹ ayen, ọtiọye e ru ayen ejobi, fikiridie ihwo re vwẹ ẹro te ẹshẹ na vẹ iruiruo rẹ Ọghẹnẹ vwẹ ohri rẹ emọ rẹ Eleaza, vẹ Itama.

2 Ikun rẹ Ivie 36:17

Fiki rẹ ọtiọye na ọ da reyọ ovie ri Kaldia rhe vwọ so ayen, rọ vwẹ oda nyavwe imighene rayen hwe vwẹ evun rẹ ẹshẹ rayen, o rhe nẹ arodọvwẹ kẹ imighene na-a emeshare eyẹ emetobẹ, ekpako eyẹ emare; o de phi ayen ejobi phihọ obọ rọye.

Une rẹ Ejiro 79:4

Avwanre rhe rhoma hirhe phihọ ehwẹjẹ kẹ irivẹ rẹ avwanre, ophọphọvwe vẹ ohare kẹ otu re riariẹ avwanre phihọ.

Une rẹ Ejiro 89:39

Wọwẹ re pha ọphọ ru wọ vẹ odibo wẹn gba re, wọwẹ ri gbe erhu rẹ uvie rọye ẹgua phiphọ otọ.

Aizaya 24:6

Fiki rẹ ọtiọye na ekan kọ ghwọrọ akpọ na, ihwo re dia ke re oja fiki rẹ abe rayen; fiki rẹ ọtiọye na ihwo re dia akpọ na ejobi yamu, imihwo tutuno keye chekọ.

Aizaya 34:5

Kidie ọlọkọ Me da evun vọn vwẹ obo Idjuvwu, nighere, o wotọ rhe ri gu ẹdjọ kpahe Idọm, vwọ kpahe ihwo ri mi brorhiẹ re ughwu hwe nure

Aizaya 47:6

Ivun re ihwo Mẹ miovwo uvwe, Mi gbe ọriuku Mẹ ẹgua; Mi de phi ayen phihọ owẹ obọ, wo nẹ arodọvwẹ kẹ aye-en, wo de mu urhekpe ọhọhọhọ nye emare.

Aizaya 65:15

Wọ cha yan jẹ odẹ wẹn vwo kẹ ọ re Me jẹreyọ na vwọ harhe ekan, Ọrovwohwo rẹ Ọghẹnẹ ko ghwie we hwe, ẹkẹvuọvo idibo rọye ko mu odẹ ọfa kẹ ayen.

Jerimaya 24:9

Mi che ru ayen vwọ dia ometuo rode kẹ ivie re akpọ na, ayen ke dia ehwẹjẹ, ayen ke dia ọhare, ra mienuhọ vẹ ekan vwẹ asan kasan me cha djẹ ayen ra ejobi.

Jerimaya 52:27

Ovie ri Babilọn de hwe ayen, o de hwe ayen ghwu vwẹ Ribla vwẹ evun rẹ otọ ri Hamat, eriyin na e de mu Juda ighuvwu nẹ otọ rẹ obọ rọye na.

Uvwerhe 2:2

Ọrovwohwo rhe vwo arodọvwẹ vwẹ ọke rọ vwọ guọghọ ẹdia ri Jakọp ejobi-i; vwẹ ọphu rọye ọ da guọghọ te otọ ogba ọgangan rẹ ọmọtẹ ri Juda, o siro ghwiotọ vẹ ophọphọvwe uvie kugbe isun rọye.

Uvwerhe 4:20

Ẹnwẹn rẹ inwe rẹ avwanre ọ rẹ Ọrovwohwo vwẹ ọri ghworo na e de muo vwẹ ukpotọ rayen, ọ re avwanre ta kpahe nẹ, Otọ rẹ uhoho rọye avwanre cha dia vwẹ ohri rẹ ẹgborho na.

Izikiẹl 5:15

Ku wọ cha dia ohwo rẹ ehwẹjẹ vẹ oharebro, okpaẹkpa vẹ ometuo vwọ kẹ ẹgborho re riariẹ owẹ phihọ na, vwẹ ọke me da vwẹ owẹ gu ẹdjọ vwẹ evun rẹ ophu mẹ vẹ ivuemiovwo mẹ, kugbe efafa rẹ ivuemiovwo mẹ–Mẹvwẹ, Ọrovwohwo na, re tarọ–

Daniẹl 9:11

Izrẹl ejobi gbe urhi wẹn ku, ayen bi oma phihọ akakọ, ayen mu ọghọ kẹ urhuru wẹ-ẹn. Te ekan te iyori re duvwuru phihọ urhi ri Mosis odibo rẹ Ọghẹnẹ, keye rhi mu avwanre na, fikiridie avwanre ru umwemwu kpahọ.

Daniẹl 9:12

O ru eta rọye na gba, rọ ta kpahe avwanre vẹ isun ri suẹn avwanre, rọ vwọ reyọ ukpokpogho rode vwo rhe avwanre, kidie vwẹ otọ rẹ ọnre na ejobi obọ re ru ke Jerusalẹm na e ji ruo dẹvo-o.

Daniẹl 9:14

Fiki rẹ ọtiọye na, Ọrovwohwo vwọ rhuẹrẹ ukpokpogho na phihọ otọ o de kron nyẹ avwanre kidie Ọrovwohwo Ọghẹnẹ rẹ avwanre ọvwata o ruẹ vwẹ iruo ro ruẹ ejobi, avwanre ji nyo urhuru rọye-e.

Zekaraya 5:3

Etiyin ọ da ta kẹ vwẹ, Ọnana ekan ro mu nene otọ na ejobi rhe; kidie kohwo kohwo ro cho uji ke etinẹ, yanran ke sio nẹ otu kerẹ obo rọ epha, kohwo kohwo ro ji duvwu iyori re efian ke ji sio nẹ otu kirobo rọ epha.

Zekaraya 8:13

Kirobo wọ vwọ dia ehwẹjẹ vwe ohri rẹ ẹgborho na, E uwevwi ri Juda vẹ uwevwi rẹ Izrẹl, eriyin mi che sivwi uwe ku wọ dia ebruba. Wọ djẹ oshọ-ọ, ẹkẹvuọvo jẹn abọ wẹn gan.

1 Tẹsalonaika 2:16

Ayen da dje avwanre nẹ a gbe ta ota kẹ otu ri Keferi-i ayen da rha rhọ–ọtiọye na kọke kọke kọye ukoko rẹ umwemwu rayen vwọ vọn. Ẹkẹvuọvo ophu rẹ Ọghẹnẹ rhe tua kpahe ayen vwẹ ukuko na re.