Aizaya 43:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Karo phihọ ovwẹ, jẹn avwanre phraphro kugbe, gu ẹdjọ wẹn rhe, re vughe ase wẹn.

Aizaya 43:26 ပူးပေါင်းရင်းမြစ်များ

Jẹnẹsis 32:12

Ẹkẹvuọvo wọ tare nẹ, Mi ru we yovwi, ki mi ru uvwiẹ wẹn kiri ehavwo rẹ urhie, re je se kere fikiridie o bunọ.

ỌBE RẸ JOB 16:21

manẹ kọ sa yọnre obọ ro te ohwo vwẹ obọ rẹ Ọghẹnẹ vwonẹ, kirobo rẹ ohwo yọnra vwọ kẹ ọrivẹ rọye.

Une rẹ Ejiro 141:2

Jẹn e kere ẹrhovwo mẹ kerẹ insẹns vwẹ obaro wẹn, abọ ẹkparọ kpenu mẹ kerẹ izobo rẹ ovwọnvwọn!

Une rẹ Ejiro 74:22

Vrẹn, E Ọghẹnẹ, mie vwe unu vwo gu, karohọ obo ri jẹfuọn na vwe owẹ jehwẹ vwe ẹdẹ na ejobi na!

Aizaya 1:18

Mọ vwo ọke na re avwanre jẹn iroro kugbe; ọtiọye Ọrovwohwo tare ọ da dianẹ imwemwu wẹn họhọ isene, e cha họhọ ẹton rẹ ogegede owenẹ evwanre kerẹ ododo e cha họhọ ukpọyibo.

Aizaya 41:1

Fo riẹi re wọ kerhọn mẹ, E etọ rẹ erhuru na, jẹn ihwo na rhiọ ogangan rayen, jẹn ayen bi kẹrẹ, jẹn ayen ta ota, jẹn avwanre ejobi si kerẹ vwe ẹdjọeguo.

Aizaya 43:9

Jẹn ẹgborho na ejobi si koko, re ihwo na rhe ghwẹ koko. Ono vwẹ usun rayen na ri se dje Ọnana, Ono ri se dje imu re awanre? Jẹn ayen vwẹ iseri rayen rhe ro muẹro, re ayen nyo re ayen ta, Uyota o ruẹ.

Aizaya 50:8

ohwo ro brorhiẹ Mẹ o bi kẹrẹ ovwẹ. Kono ri nene uvwe pharhe? Jẹn avwanre vrẹn mudia kugbe. Kono re dia ukọn Mẹ? E jọ yan bru vwe rhe.

Izikiẹl 36:37

“E nẹ Ọrovwohwo Ọghẹne tare: Ọnana me je cha uphẹ kẹ uwevwi rẹ Izrẹl nẹ ayen nọ vwẹ rere mi ru kẹ ayen, re mi ru ihwo rọye bu kerẹ igọde.

Iyẹnrẹ Esiri ri Luk 10:29

Ẹkẹvuọvo, rọ vwọ guọnọ brorhiẹ kẹ oma rọye, ọ da ta kẹ Jesu, Kono hẹ ọrivẹ mẹ?

Iyẹnrẹ Esiri ri Luk 16:15

Ẹkẹvuọvo ọ da ta kẹ ayen, Ovwan hẹ ihwo ri brorhiẹ kẹ oma rẹ ayen vwẹ obaro rẹ ihwo, ẹkẹvuọvo Ọghẹnẹ riẹn udu rẹ ovwan; kidie obo rẹ ihwo kpara kpenu yẹ ẹgua vwẹ obaro rẹ Ọghẹnẹ.

Ọbe ri Pọl si rhe Ihwo ri Rom 10:3

Kidie, rẹ ayen vwọ dia ogbori rẹ ọvwata ro nẹ obọ rẹ Ọghẹnẹ rhe na, rẹ ayen vwọ guọnọ ọ robọ rẹ ayen ruẹ na, ayen rha vwẹ oma kpotọ kẹ ọvwata rẹ Ọghẹnẹ-ẹ.

Ọbe ri Pọl si rhe Ihwo ri Rom 11:35

Eyẹ kono ru ẹse kẹ ro de jẹ ẹkpẹvwẹ?

Ọbe ri Pọl si rhe Ihwo ri Rom 8:33

Kono se kere oruchọ ba ihwo rẹ Ọghẹnẹ sanọre obọ? Ọghẹnẹ ri se brorhiẹ.