Aizaya 43:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Mẹvwẹ, Mẹvwẹ Ọye ri vwi fiki mẹ phoro orukuruku wẹ nu, Me gbe karohọ imwemwu wẹ-ẹ.

Aizaya 43:25 ပူးပေါင်းရင်းမြစ်များ

2 Ikun rẹ Ivie 6:21

Gba kerhọn rẹ oyare rẹ odibo wẹn kugbe ihwo wẹn Izrẹl, rẹ ayen da nẹ ẹrhovwo vwẹ etinẹ; E, nyo vwẹ obo odjuvwu asan ro wọ dia; wo de nyo nu, biko vwo ghovwo.

Une rẹ Ejiro 103:12

Kirobo rẹ obaro ọnre sheri te kẹ obuko ọnre na, ọtiọye o ji si ogbeku re avwanre nu sheri te kẹ avwanre.

Une rẹ Ejiro 103:3

ọ rọ vwẹ orukuruku wẹn vwo ghovwo uwe, ọ ro sivwi ọga wẹn ejobi,

Une rẹ Ejiro 25:11

Fiki re odẹ wẹn na, E Ọrovwohwo, vwẹ abe mẹ ghovwo uvwe, kidie ọ rhoro gangan.

Une rẹ Ejiro 25:7

Wọ karọhọ umwemwu rẹ ọkeemọ mẹ-ẹ, eyẹ ọgbeku mẹ na-a; kirobo re ẹguọnọ wẹn rọ rhẹriẹ-ẹ epha karohọ ovwẹ, fiki rẹ erhuvwu wẹn, E Ọrovwohwo!

Une rẹ Ejiro 51:3

Kidie me riẹn ogbeku mẹ umwemwu mẹ ọ he obaro mẹ.

Une rẹ Ejiro 51:4

Wọwẹ ọvo, mi ru imwemwu kpahe, mi ru obo re brare vwẹ obaro wẹn, wọ vwọ re ase vwẹ ẹdjọeguo wẹn rere wọ vwọ je abe ẹriọ vwẹ orhiebro.

Une rẹ Ejiro 51:9

Si opharo wẹn nu ke imwemwu mẹ, ru wo phoro orukuruku mẹ nu.

Aizaya 1:18

Mọ vwo ọke na re avwanre jẹn iroro kugbe; ọtiọye Ọrovwohwo tare ọ da dianẹ imwemwu wẹn họhọ isene, e cha họhọ ẹton rẹ ogegede owenẹ evwanre kerẹ ododo e cha họhọ ukpọyibo.

Aizaya 37:35

Kidie mẹvwẹ ọvo re cha chochọ rẹ orere na vwo sivwo, fiki rẹ odẹ mẹ kugbe fiki re odibo mẹ Devid.

Aizaya 38:17

Nighe, fiki rẹ erhuvwu mẹ ọye mi vwo vwẹ ivuemiovwo rode na, ẹkẹvuọvo we re da erhi mẹ ji ro vwo jẹ ọgọdọ rẹ ughwu e sheruọ, kidie wẹ ri geri umwemwu ejobi phihọ obuko.

Aizaya 43:11

Mẹvwẹ, Mẹvwẹ Ọrovwohwo na, Osivwi ọfa gbe herọ nọ vwẹ-ẹ.

Aizaya 44:22

Mi hwerhe orukuruku wẹn kerẹ ikoro, umwemwu wẹn kerẹ evwru, rhivwi rhe, kidie me tan wẹ nure.

Aizaya 48:11

Fiki rẹ odẹ Mẹ, fiki rẹ odẹ mẹ, Mi ruo. kidie e vwo gbe odẹ mẹ ẹgua? Urinrin mẹ Me sa vwọ kẹ ohwo ọfa-a.

Aizaya 55:7

Jẹn oruimwemwu je imwemwu rọye vwo, re ohwo umwemwu jẹ iroro ọbrabra rọye vwo, jẹn o rhivwi bru Ọrovwohwo, rere o ni arodọvwẹ rọye, bru Ọrovwohwo, kidie evwoghovwo rhere buebu.

Aizaya 64:8

Yẹ ẹkẹvuọvo, E Ọrovwohwo, wẹ hẹ Ọsẹ rẹ avwanre; avwanre ophiẹn, wẹ kẹ ọmema re avwanre; avwanre ejobi ke iruo rẹ obọ wẹn.

Aizaya 64:9

Wo jẹ ophu mu we ganga-an, E Ọrovwohwo, wọ gbe karophihọ orukuruku bẹdẹ-ẹ. Nighe, roro nẹ, avwanre ihwo wẹn.

Jerimaya 31:34

Ohwo rhe se yọnọ ọrivẹ eyẹ omoni rọye ọfa-a, nẹ, Riẹn Ọrovwohwo na, kidie ayen ejobi cha riẹn vwẹ, nẹ otete rayen re te ọrode rayen, eriyin Ọrovwohwo tare, kidie me cha vwẹ orukuruku rayen vrẹn ayen, me gbe cha karohọ umwemwu rayen ọfa-a.

Jerimaya 50:20

Vwẹ ẹdẹ yena vẹ ọke yena, eriyin Ọrovwohwo tare, a cha guọnọ orukuruku vwẹ Izrẹl, a gbe mrẹ vwọ-ọ, kugbe umwemwu vwi Juda a gbe rnrẹ ọvuọvo vwọ-ọ, kidie umuku ri mi che jovwo mi che vwo ghovwo ayen.

Izikiẹl 18:22

A gbe sa karohọ ogbeku rọye ọvuọvo ro ruru-u, kidie fiki rẹ ọvwata rọ ruru na kọ rhọ.

Izikiẹl 20:14

Ẹkẹvuọvo mi ruro vwi fiki rẹ odẹ mẹ, rere e vwo je gbe ẹgua vwẹ obaro rẹ ẹgborho na, re me dia irharo rẹ ayen de si ayen nu na

Izikiẹl 20:22

Ẹkẹvuọvo me da da obọ mẹ ji, mi de ru fiki rẹ odẹ mẹ, rere e vwo je ẹgua egbe vwẹ obaro rẹ ẹgborho na, re me dia irharo rẹ ayen da reyọ ayen rhe na.

Izikiẹl 20:9

Ẹkẹvuọvo mi ruro fiki rẹ odẹ mẹ, rere ayen vwo jẹ ẹphọphọ vwẹ obaro rẹ ẹgborho na rẹ ayen dia ohri rẹ ayen na. Me da vwẹ oma mẹ kẹ ayen riẹn vwẹ obaro rẹ ayen re me vwọ reyọ ayen nẹ otọ rẹ Ijipt rhe.

Izikiẹl 33:16

A gbe karophihọ umweniwu rọye ọvuọvo ro ru kpahọ-ọ, o ru obo re wan urhi vẹ obo re gbare, kọ ghene rhọ.

Izikiẹl 36:22

Vwẹ ọtiọye na gba ta kẹ uwevwi rẹ Izrẹl, E nẹ Ọrovwohwo Ọghẹnẹ tare: O dia fiki wẹ-ẹn, E uwevwi rẹ Izrẹl, ọye mi che vwo ru ọnana-a, ẹkẹvuọvo fiki rẹ odẹ ọfuanfọn mẹ, ru wọ gbe ẹgua vwẹ ohri rẹ ẹgborho ru wọ ra re na.

Izikiẹl 36:32

Ọ dia ifiki wẹn mi che vwo ruo na-a, eriyin Ọrovwohwo tare; nabọ riẹn ọyena. Jẹ oma vo wẹ re wọ harhe idjerhe wẹn, E uwevwi rẹ Izrẹl.

Iyẹnrẹ Esiri ri Mak 2:7

Die sorọ rẹ ọshare nana vwọ ta ota ọtiọye? Ọ ta ota rẹ ẹgha. Ono sa vwẹ imwemwu ghovwo jokpa rẹ Ọghẹnẹ ọvo?

Iyẹnrẹ Esiri ri Luk 5:21

Isiẹbe kugbe Farisi na ke nọ, tanẹ, Ọna ono rọ ta ogbeta na? Ono sa vwẹ imwemwu ghovwo jokpa rẹ Ọghẹnẹ ọvo?

Iruo rẹ Iyinkọn na 3:19

Ovwan gbe kurhẹriẹ rere ephoro imwemwu rẹ ovwan nu, rere omamọ rẹ eyere rẹ arhọ na vwo nẹ obọ rẹ Ọrovwohwo na bru ovwan rhe.

Ọbe ri Pọl si rhe Ihwo ri Rom 5:20

Ukuko rọye urhi da rhe, rhi ru urhi ẹchọ na bu phihọ; ẹkẹvuọvo asan rẹ umwemwu de bu, etiyin ẹserọphẹ de me buẹ.

Ẹfesọs 1:6

vwọ kẹ ejiro rẹ urinrin rẹ ẹserọphẹ rọye rọ de vwọ kẹ avwanre ọphọphẹ vwẹ evun rẹ Ọrọguọnọre na.

Ẹfesọs 1:8

rọ de raphiẹ kẹ avwanre.

Hibru 10:17

ọ ke rha je ta ba, me gbe karohọ imwemwu rayen kugbe oruchọ rayen ọfa-a.

Hibru 8:12

Kidie mi ni arodọvwẹ kẹ imwemwu rayen, me gbe karohọ imwemwu rayen ọfa-a.