Aizaya 43:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ Wọ vwe ighọ dẹ uhwerhe ọvwevwerhe kẹ vwe-e, eye ivwri rẹ izobo wẹn vọn vwe evu-un Ẹkẹvuọvo wo kru oghwa re imwemwu wẹ nyẹ vwẹ, wọ vwe imwemwu wẹn ghwọrọ ovwẹ oma

Aizaya 43:24 ပူးပေါင်းရင်းမြစ်များ

Une rẹ Ejiro 95:10

Kidie ikpe ujuvẹ mi tuoma re uvwiẹ yena Me da ta, Ayen ihwo ri ghwruru vwe udu rayen, ayen se idjerhe mẹ gbe emu-u.

Ẹyano 30:34

Ọrovwohwo da ta kẹ Mosis, reyọ irienrien, ishasha evẹvwe, vẹ irhe, irienrien ri gbo vwevwerhe vẹ adjija (ọ dia abavo).

Ẹyano 30:7

Erọn kọ torhẹ ugboduma ri gbo ọnrhe ororo vwẹ enu rọye, kirhiọke kirhiọke ọke rọ da rhuẹrẹ irhukpẹ na kọye ọ vwọ torhẹ.

Aizaya 1:14

Otuphro rẹ emeranvwe rẹ ovwan kugbe ẹdẹ rẹ erẹ re ovwan bruru i tu erhi mẹ oma; ayen rhoma rhe dia oghwa kẹ vwẹ, ofu rẹ ayen dje vwe.

Aizaya 1:24

Fiki re ọtiọye na Ọrovwohwo tare, Ọrovwohwo rẹ ofovwi na, Ọgba Ọvuọvo rẹ Izrẹl na E, Mi che won ophu mẹ ku ivwighrẹ mẹ, Me cha vwẹ ivwighrẹ mẹ re ihri

Aizaya 63:10

Ẹkẹvuọvo ayen gbe ozighi ayen da nẹrhẹ ophu mu Erhi ọfuanfon na, fiki rẹ ọtiọye na ọ da rhoma rhe dia ọvweghre rayen, ekpuyovwi rọye da họnre ayen.

Aizaya 7:13

O da ta, Gbe nyo E uwevwi ri Devid! Emu otete re wọ vwọ lagha ihwo, rere wọ je lagha Ọghẹnẹ me rhe?

Jerimaya 44:22

Ọrovwohwo gbi se chiri uruemu omiomiovwi rẹ ovwan kugbe ẹgua rẹ ovwan na ọfa-a, fiki rẹ ọtiọye na otọ rẹ ovwan rhi vwo hirhe phihọ ofefe vẹ ẹghwọrọ kugbe ekan, ihwo gbe herọ-ọ, kirobo rọ epha nonẹ na.

Jerimaya 6:20

Adjija ri nẹ Sheba bru vwe cha na die ifiri, eyẹ uhwerhe ọ miẹmiẹmiẹ rọ nẹ ogboko cha na? Izobo rẹ ẹtorhẹ wẹn na a reyọ aye-en eye izobo wẹn na je vwe-e.

Izikiẹl 16:43

Fikiridie wọ gbe karohọ ọke-emọ wẹ-ẹn, ẹkẹvuọvo wọ da kpare ophu mẹ vwẹ oma rẹ imu nana ejobi, ọtiọye na, me cha reyọ osa rẹ uruemu wẹn ejobi vwẹ uyovwi wẹn, eriyin Ọrovwohwo Ọghẹnẹ tare. Wọ rha vwẹ ẹbẹban djoko wẹ na vwọ ba ẹgua egbe wẹn na?

Izikiẹl 6:9

Etiyin ovwan ihwo re vaba na ke karohọ ovwẹ vwẹ ohri rẹ ẹgborho re mu ayen ighuvwu ra na, vwẹ ọke mi de vwirhi udu rẹ evwan rayen ro bo ju vwe vwo na, ro rhu ẹro rayen rọ vwẹ evwan rayen hirhe ku ema rayen, kẹ ayen che hirhe phihọ ometuo kẹ omaobọ rayen vwẹ irharo rayen fiki rẹ uruemu rẹ ẹgua rẹ ayen ejobi.

Livitikọs 3:16

Orherẹn na kọ torhẹ ayen vwẹ enu rẹ agbada na kọye emu re vwo ze izobo rẹ erhanre ro gbo ọnrhen ororo. Ivwri re eranvwe ejobi e rẹ Ọrovwohwo.

Livitikọs 4:31

O mi si ivwri rẹ eranvwe na ejobo no ọtiobo re ruẹ ọ rẹ izobo rẹ ufuoma na, Orherẹn na kọ torhẹ ayen vwẹ enu rẹ agbada na rere o gbo ọnrhen ororo kẹ Ọrovwohwo, Orherẹn na kọ gọ ẹgua rọye no oma, ke vwo ghovwo.

Emọs 2:13

Nighe, Me nyẹ ovwan muotọ vwẹ asan wẹn kerẹ idjighere re kru oghwa nyẹ rọ tan muotọ.

Malakae 1:14

Ekan kẹ ohwo rọ ghwa ihwo ria ro vwo egbo vwẹ ohri rẹ igode rọye, rọ nabọ ve ive nu, ọ da ra reyọ eranvwe ro vwo ẹgua vwo ze izobo kẹ Ọrovwohwo na; kidie mẹvwẹ Ovie rode, eriyin Ọrovwohwo rẹ otuofovwi na tare, ihwo rẹ akpọ na ejobi djẹ oshọ kẹ odẹ mẹ.