Aizaya 43:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ ihwo re Me mare kẹ oma mẹ rere ayen vwo ghwoghwo ejiro mẹ phia

Aizaya 43:21 ပူးပေါင်းရင်းမြစ်များ

Une rẹ Ejiro 102:18

Jẹ si ọnana phihọ otọ kẹ uvwiẹ rọ cha, ọtiọye na ihwo re che vwiẹ vwobọ ki jiri Ọrovwohwo na

Une rẹ Ejiro 102:19

rere ọ wotọ nẹ obenu ọfuanfon rọye na rhe, nẹ ọbo odjuvwu rhe Ọrovwohwo de nẹ otọ na,

Une rẹ Ejiro 4:3

Ẹkẹvuọvo gba riẹn nẹ Ọrovwohwo phi ohwo esiri vwọ akakọ kẹ oma rọye, Ọrovwohwo nyo vwe ọke mi de kperi se.

Une rẹ Ejiro 79:13

Etiyin avwanre ihwo wẹn, Igegede rẹ egbri wẹn, ke sa vwẹ ẹkpẹvwẹ kẹ wẹ bẹdẹ; nẹ uvwiẹ re te uvwiẹ avwanre ki se kere ejiro wẹn.

Isẹ 16:4

Ọrovwohwo ma emu na ejobi vwọ kẹ iruo rọye, ekpuyovwi rẹ ohwo umwemwu na ọ marọ vwọ kẹ ẹdẹ rẹ ukpokpogho

Aizaya 42:12

Jẹn ayen vwẹ urinrin kẹ Ọrovwohwo, wo ghwoghwo ejiro rọye vwẹ erhuru na ejobi.

Aizaya 43:1

Ẹkẹvuọvo Asakiephana enẹ Ọrovwohwo tare, ọ rọ ma wẹ, E Jekọp, ọ rọ mama owẹ, E Izrẹl. Wọ dje oshọ-ọ, kidie Me tan wẹ nure, Mẹvwẹ ri mu odẹ se we, wọwẹ ọmẹ.

Aizaya 50:7

Kidie Ọrovwohwo Ọghẹnẹ cha vwẹ uko, fiki rẹ ọtiọye na oma gbe vo vwẹ-ẹ, fiki rẹ ọtiọye na ke Me tọn opharo Mẹ vi kerẹ umomo, Me riẹnre nẹ a gbe cha sa phọphọ ovwẹ-ẹ,

Aizaya 60:21

Ihwo wẹn ejobi ke cha dia evwata; ayen ki che vwo otọ na bẹdẹ, eyoro cha rẹ ekankọn Mẹ, iruo re abọ Mẹ, rere a mrasan vwe urinrin kẹ vwẹ.

Aizaya 61:3

ra rhọvwe kẹ ihwo ri muomahọ vwi Zayọn– ra kẹ ayen ovwẹ vwẹ ẹdia rẹ iwurhie, evwri rẹ aghọghọ vwẹ ẹdia rẹ omaemuohọ, ukpo re ejiro vwẹ ẹdia rẹ erhi ro sherua, rere e vwo se ayen ehahe rẹ evwata, ekankọn rẹ Ọrovwohwo, rere e vwo jiro.

Jerimaya 13:11

Kidie obo rẹ otehun ta muẹ ehun rẹ ohwo ye, ọtiọye mi ru uwevwi rẹ Izrẹl ejobi kugbe uwevwi ri Juda ejobi ne tamu uvwe, eriyin Ọrovwohwo tare, rere ayen vwọ dia ihwo mẹ vwẹ odẹ, ejiro, kugbe urinrin, ẹkẹvuọvo ayen kerhọ-ọn.

Jerimaya 33:9

O nana kọ dia odẹ rẹ aghọghọ kẹ vwẹ, kugbe ejiro vẹ urinrin vwẹ obaro rẹ irere rẹ akpo na ri che nyo erhuvwu ri mi che ru kẹ ayen, oshọ ko mu ayen rẹ ayen de kpogho vwi fiki rẹ erhuvwu vẹ oyovwe ejobi re me rhuẹrẹ hẹrhẹ na.

Malakae 3:17

Ayen cha dia ọmẹ, eriyin Ọrovwohwo rẹ otuofovwi na tare, ayen ke cha dia oghere rẹ ihwo kẹ vwẹ vwẹ ẹdẹ ri mi de che ru obo re me ta na, ke me cha vwẹ obọ pẹpẹ kirobọ rẹ ohwo da vwẹ obọ pẹpẹ ọmọ rọ ga.

1 Kọrẹnt 10:31

Ọtiọye na, owenẹ wọ rere eyẹ wọ dare, eyẹ kemu kemu wo ruru, ru ayen ejobi vwọ kẹ urinrin rẹ Ọghẹnẹ.

Ẹfesọs 3:21

ọye a vwẹ urinrin kẹ vwẹ evun rẹ ishọshi kugbe vwẹ evun ri Jesu Kristi ra ro uvwiẹ rẹ akpọ na ejobi, bẹdẹ bẹdẹ. Isẹ.

Kolose 1:16

Kidie oma rọye a wan ma kemu kemu ejobi, re hẹ obo odjuvwu kugbe re hẹ otọ rẹ akpọ na, emu ra mrẹ kugbe irejẹmrẹ owenẹ o dia obenu rẹ ekete rẹ ivie eyẹ ubrakpọ re suẹn, eyẹ ihwo ride eyẹ ogangan; obọ rọye a wa ma kemu kemu ejobi, ọye a je ma ayen kẹ.

Taitọs 2:14

Ohwo rọ vwẹ oma rọye kẹ avwanre rọ vwọ tan avwanre nẹ orukuruku ejobi kugbe ro vwo ru avwanre fon kẹ oma rọye ihwo rẹ obọ rọye ri vwo oruru kẹ iruo esiri.

Hibru 13:15

E gbe jẹn avwanre wan oma rọye gọ iye rẹ ejiro kẹ Ọghẹnẹ kọke kọke, kọye hẹ, ẹbẹrunu rẹ avwanre re vwo jiri odẹ rọye.

1 Pita 2:9

Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.