Aizaya 43:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Eranvwe re djoma na se mu na ọghọ kẹ vwẹ, te erha te ogomugorọ, kidie Mi phi ame phiyọ evun rẹ aghwa, irhie phiyọ evun rẹ aton, re ihwo Me jẹreyọ vwọ mrẹ da,

Aizaya 43:20 ပူးပေါင်းရင်းမြစ်များ

1 Ikun rẹ Ivie 16:13

Uvwiẹ rẹ Abraham odibo rọye, emọ ri Jekọp, rọ jẹreyọ!

Une rẹ Ejiro 104:21

Upene rẹ okpohrokpo kperẹ kẹ emu rayen, re guọnọ emuọre rayen nẹ obọ rẹ Ọghẹnẹ cha.

Une rẹ Ejiro 148:10

Eranvwe vẹ uchuru, obo ri kpono vẹ ephran re rhan!

Une rẹ Ejiro 33:12

Ebruba kẹ orere rẹ Ọghẹnẹ rọye dia Ọrovwohwo, ihwo rọ jẹreyọ nẹ e dia ireuku rọye!

Aizaya 13:22

Ẹrha ki che kperi vwẹ uwevwi rẹ ẹhẹrhẹ rọye ehwa ke cha gọnọ vwẹ ighe esiri rayen; ọke rọye si kerire edẹ rọye gbi che kri-i.

Aizaya 30:25

Vwi kenu kenu rẹ ugbenu rọ kpenu gangan kugbe igbenu itete na ejobi ke cha vọn ve etẹrhe re dje ve ame, vwẹ ẹdẹ rẹ ehwe rode na, re eherhe na de che she.

Aizaya 32:2

Ovuọvo ko dia kere asan odjahọ vwọ ke aphọpho, Urhurho vw ọ ọke re ọgiribọ, kere uto re ame vwe otọ oyaya, kerẹ uhoho re oragha rode vwe otọ ophephe

Aizaya 33:21

Ẹkẹvuọvo Ọrovwohwo na ro vwo ọrho ọ vẹ avwanre obọ asan rọ vọnre ve irhie eliehere vẹ itọ ride, asan re ọkọ re inaweri je se te, eye ekpo re erhanre ride je sa wan.

Aizaya 35:7

ehavwo re rhorha ki hirhe phihọ oku, igbughu rẹ ame ke van nẹ otọ ọyaya rhe, asan rẹ erha da kọn ko che hirhe phihọ ighroghro, eghri ki hirhe phihọ ẹgo vẹ eghọrọgbọdọ

Aizaya 41:17

Ọke rẹ ovwiogbere vẹ ọ re akpọ bẹn da guọnọ ame, ye ame herọ-ọ, re ẹrenvwe rọye da yamu vẹ urhuru rẹ ame, Mẹvwẹ rẹ Ọrovwohwo re sa kpahe kẹ ayen, Mẹvwẹ Ọrovwohwo rẹ Izrẹl na sa sen aye-en

Aizaya 41:18

Ki mi rhie urhie rẹ ame vwẹ ugbenu oyaya na, ogbugbu ke varhe vwẹ iyara na, ki mi hirhe aghwa na phihọ oku rẹ ame, otọ ọyaya na ko hirhe phihọ ogbugbu rẹ ame.

Aizaya 43:19

Nighere, Mi ro ruẹ emu ọkpokpọ; Asakiephana ọ va phiare, wo rhe roro-o? Me cha fan idjerhe phiyọ evun rẹ aghwa irhie ke cha va nẹ aton rhe

Aizaya 48:21

Ro vwo sun ayen wan aton na urhuru rẹ ame si aye-en; ọ da vwẹ ame nẹ oragha kẹ ayen da; ọ bẹre oragha na ame da mwavwe no rhe.

Aizaya 49:10

owẹvwe eye urhuru rẹ ame che hwe aye-en, eye uvo gbaegbae vẹ odju che mu aye-en, kidie ohwo rọ re ehrọre kẹ ayen ko sun ayen, vwẹ oma rẹ ova rẹ ame kẹ etiyin e de sun ayen.

Aizaya 65:15

Wọ cha yan jẹ odẹ wẹn vwo kẹ ọ re Me jẹreyọ na vwọ harhe ekan, Ọrovwohwo rẹ Ọghẹnẹ ko ghwie we hwe, ẹkẹvuọvo idibo rọye ko mu odẹ ọfa kẹ ayen.

Jerimaya 31:9

Ayen che rhivwi cha, vẹ oviẹ ji kugbe uchebro mi vwo sun ayen rhivwi. Mi che ru ayen yan vwẹ orhoma rẹ ame, vwẹ idjerhe ọphiọnphiọn rẹ ayen de je she, kidie mẹvwẹ ọse kẹ Izrẹl, Ifrem ji ọmọkpako mẹ.

Joẹl 3:18

Vwẹ ẹdẹ yena udi ọvwevwerhe ko che sun nẹ igbenu na rhe, ame-ivie ki che sun nẹ igbenu itete na rhe, ukpọkẹre ri Juda ejobi ke cha djẹ ọkẹre rẹ ame, ogbugbu ọvo kọ cha djẹ nẹ uwevwi rẹ Ọrovwohwo rhe kọ cha kpọrhọ iyara ri Shitim.

Iyẹnrẹ Esiri ri Mak 13:20

Ọ dianẹ kẹ Ọrovwohwo gbi bru ẹdẹ na krẹ-ẹ, ohwo rọ rhọ gbe dia-a; ẹkẹvuọvo vwi fiki rẹ otu ra jẹreyọ na, ọye o vwo ru ẹdẹ na krẹ.

Iyẹnrẹ Esiri ri Jọn 4:10

Jesu da kpahe kẹ, Ọ da dianẹ wo riẹn ẹse rẹ Ọghẹnẹ, wo de rhe vughe ohwo rọ ta ota kẹ wẹ nẹ, Kẹ vwẹ ame da na, ku wa rhoma nọ ekpẹn rẹ ame rẹ arhọ, ka vwọ kẹ wẹ.

Iyẹnrẹ Esiri ri Jọn 4:14

ẹkẹvuọvo kohwo kohwo rọ da ame re me cha vwọ kẹ na urhuru rẹ ame gbi che hwe ọfa-a; ame re me cha vwọ kẹ na ko che hirhe phihọ ogbugbu rẹ ame ro duvwẹ cha re te arhọ ro vwo oba-a.

1 Pita 2:9

Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.

Ẹvwọphia 17:14

ayen ke cha vwẹ ofovwi so Omogodẹ na, Omogodẹ na ko phi ayen kua, kidie ọye hẹ Ọrovwohwo ro vwo ihwo ejobi kugbe Ovie ro vwo ivie ejobi, ayen otu re vẹ ọye gba herọ ayen o seri rọ jẹreyọ ri segbuyota.

Ẹvwọphia 21:6

Ọ da ta kẹ vwẹ, Ọ rere! Mẹvwẹ Ẹsosuọ kugbe Oba, ẹtuọhọ kugbe ure. Ke me vwẹ ame rẹ ọphẹ ri mi vo nẹ ogbugbu rẹ arhọ na kẹ ohwo kohwo rẹ urhuru rẹ ame hwe.

Ẹvwọphia 22:17

Erhi na kugbe Ọpha na ta, Yanrhe. E jẹn ohwo ro nyori ta, Yanrhe. E jẹn ohwo rẹ urhuru rẹ ame hwe yanrhe, e jẹn ohwo rọ guọnọre da ame rẹ arhọ na ọphẹ.