Aizaya 43:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ọke wọ da wan ame vrẹn ye Me vẹ owẹ herọ, Ọ da dia evun rẹ urhie dede, o che re we-e, wọ da yan erhanre vrẹn ọ cha torhẹ owẹ-ẹ, ogidi erhanre na cha ghwọrọ owẹ-ẹ.

Aizaya 43:2 ပူးပေါင်းရင်းမြစ်များ

ỌBE RẸ JOB 5:19

O che sivwi uwe nẹ okpetu esan, vwẹ ighwrẹ umiovwo ọvuọvo che te we oma-a.

Une rẹ Ejiro 23:4

Owenẹ me yan vrẹn iyara rẹ uhoho rẹ ughwu, Me djẹ oshọ rẹ emu umwemwu-u; kidie wọ vẹ ovwẹ herọ ọkpọ kugbe ugbọphogho wẹn sa vwẹ ufuoma kẹ vwẹ.

Une rẹ Ejiro 32:6

Fiki rẹ ọtiọye na kohwo kohwo esiri kọ nẹ ẹrhovwo kẹ wẹ, vwẹ ọke rẹ ukpokpogho, vwẹ ọke rẹ oghwe da mwavwa cha, ayen gbe se si kere owẹ-ẹ.

Une rẹ Ejiro 66:10

Kidie wẹ, E Ọghẹnẹ, re davwẹ avwanre wọ davwẹ avwanre kirobo ra wran idọnọ.

Une rẹ Ejiro 66:12

Wẹ re nẹrhẹ ayen gua vwẹ enu rẹ uyovwi rẹ avwanre; avwanre wan erhanre vrẹn je wan ame vrẹn; dede na wọ da je vwẹ avwanre rhi vwo te asan ophephẹ.

Une rẹ Ejiro 91:15

Ọke ro de se vwe, ke me kpahe kẹ, Mi nene dia vwẹ ọke rẹ ukpokpogho, ki mi yoro no ri mi de mu ọghọ kẹ.

Ẹyano 14:29

Ẹkẹvuọvo ihwo rẹ Izrẹl da wan otọ ọyaya vrẹn vwẹ abadi na, ame na da dia igbẹhẹ kẹ ayen vwẹ ẹbẹre nana te ẹbẹre yena.

Ẹyano 3:12

Ọ da kpahe kẹ nẹ, “Mi che mi nene uwe ra; ọnana kọ dia oka kẹ wẹ, nẹ Mẹvwẹ ri ji we; ọke wọ da rọye ihwo na nẹ otọ rẹ Ijipt rhe nu, ku wọ cha gọ Ọghẹnẹ vwẹ ugbenu nana.

Aizaya 29:6

Ọrovwohwo rẹ otuofovwi na kọ vwẹriẹ akuọrha wẹn vẹ agbrara te otọ ro kpogho kugbe edo rode, vẹ ogiribo kugbe odju vẹ erhanre rọ la rọ ghwọrọ.

Aizaya 30:27

Nighe, odẹ rẹ Ọrovwohwo che ne ogboko rhe, ọtorhẹ vẹ ophu rọye, vwe evun rẹ ọkpan rẹ ivwirhi, ẹbẹrunu rọye vọnre vẹ ophu, ẹrenvwe kerẹ ẹkuerhanre rọ torhẹ;

Aizaya 41:10

wọ dje oshọ-ọ, kidie me vẹ owẹ herọ, wo jẹ ofu dje we-e, kidie Mẹvwẹ Ọghẹnẹ wẹn, Me kẹ wẹ ogangan, Me cha wẹ uko, Me vwẹ obọrhe mẹ rẹ ephiokparobọ na vwọ yọnrọn owẹ.

Aizaya 41:14

Wọ djẹ oshọ-ọ, we ri Jekọp re ohori, ovwan ihwo rẹ Izrẹl! Me sa cha we uko, eriyin Ọrovwohwo tare, Ọtan wẹn ọye Ọfuanfon Ọvuọvo rẹ Izrẹl na.

Aizaya 43:5

Wọ djẹ oshọ-ọ, kidie Me vẹ owẹ herọ, Me cha vwẹ uvwiẹ wẹn nẹ obaro ọnre rhe, obuko ọnre kẹ oboyi Me reyọ ovwan nurhe,

Jerimaya 42:11

Wa djẹ oshọ rẹ ovie ri Babilọn na-a, ohwo rẹ oshọ rọye mu ovwan na, wa djẹ oshọ rọye-e, eriyin Ọrovwohwo tare, kidie me vẹ ovwan herọ, ki mi sivwi ovwan mi ji si ovwan nẹ obọ rọye rhe.

Jerimaya 46:28

Wọ djẹ oshọ-ọ, E Jekọp odibo mẹ, eriyin Ọrovwohwo tare, kidie me vẹ owẹ herọ. Mi che furhie ẹgborho na ejobi re me cha djẹ ovwan ra na, ẹkẹvuọvo mi che furhie ovwa-an, ẹfa me cha fa wẹ mi che je ovwan vwo riẹrieriẹ-ẹ.

Daniẹl 3:23

Etiyin eshare erha na, Shadrak, Mẹshak vẹ Abẹdnigo de re she teye evun rẹ ogidi erhanre na.

Hegae 1:13

Etiyin Hegae, ọyinkọ rẹ Ọrovwohwo na da vuẹ ihwo na ovuẹ rẹ Ọrovwohwo na nẹ, Me vẹ owẹ herọ, eriyin Ọrovwohwo na tare.

Zekaraya 13:9

Ki mi che phi ẹkẹn rerha nana phihọ erhanre, re ruo fon kirobo re ru idọnọ fuan ye, ka davwe ayen kirobo ra davwe oro na. Ayen se odẹ Mẹ, ki mi nyo ke ayen. Ke Me ta nẹ, Ayen ihwo mẹ, Kẹ ayen ta nẹ, Ọrovwohwo na Ọghẹnẹ Mẹ.

Malakae 4:1

Gbe nighe, ẹdẹ cha, ọ tuabọ kerẹ enyerhanre, ọke yena ihwo ri herẹ vẹ i ri ruẹ umwemwu ejobi ke cha dia kerẹ ehẹbẹ; ẹdẹ ro cha na kọ cha torhẹ ayen ejobi, eriyin Ọrovwohwo rẹ otuofovwi na tare, ọtiọye na o gbi che jẹ o vwo owọ eyẹrẹ eghọ-ọn.

Matiu 1:23

Nighe, ọmọtobẹ cha mrevun, ko vwiẹ ọmọshare, ke se odẹ rọye Immanuẹl, otọ rọye Ọghẹnẹ vẹ avwanre herọ.

2 Timoti 4:17

Ẹkẹvuọvo Ọrovwohwo de mudia cha vwẹ ọ da kẹ ogangan mi vwo ghwoghwo ota na gbagba, rere ihwo ri Keferi na ejobi vwo nyo. Vwẹ ọtiọye na e vwo sivwi uvwe nẹ unu rẹ okpohrokpo na.

2 Timoti 4:22

Ọrovwohwo nene erhi wẹn dia. Ẹserọphẹ nene nwe dia.

Hibru 11:29

Vwẹ esegbuyota ọye ihwo na vwọ wan Abadi Ọvwavware na vrẹn vwẹ otọ ọyaya; ẹkẹvuọvo otu rẹ Ijipt na, re vwẹ ẹro kere ayen ruọ, de divwi ghwu.

Joshua 1:5

O vwo ohwo ọvuọvo ro che yivwi hirhe opharo ku we vwẹ ẹdẹ rẹ akpọ wẹn ejobi-i; kirobo mi vi Mosis diarọ, ọtiọye me vẹ owẹ je cha dia; me cha phiẹn wẹ-ẹn eyẹ me cha sẹn wẹ-ẹn.

Joshua 1:9

Ọ dia omẹvwẹ ri ji urhi na kẹ wẹ-ẹ? Goma wo yivwaro gangan, wọ phariẹ-ẹ, wo jẹ ofu dje we-e, kidie Ọrovwohwo Ọghẹnẹ wẹn vẹ owẹ herọ vwi kasan kasan wọ ra ejobi.