Aizaya 43:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Nighere, Mi ro ruẹ emu ọkpokpọ; Asakiephana ọ va phiare, wo rhe roro-o? Me cha fan idjerhe phiyọ evun rẹ aghwa irhie ke cha va nẹ aton rhe

Aizaya 43:19 ပူးပေါင်းရင်းမြစ်များ

Une rẹ Ejiro 105:41

O de rhie oragha, ame da mwavwe no rhe; ọ da dje ọkẹre wan aton na kerẹ urhie.

Une rẹ Ejiro 126:4

Rhan ughwẹ rẹ avwanre rhivwi rhe, E Ọrovwohwo, kerẹ urhie rẹ ọkẹre vwẹ obi Negẹb!

Ẹyano 17:6

Nighe, Mi che mudia vwẹ obaro wẹn vwẹ asan oragha vwẹ obi Horẹb; ku wọ teye oragha na, ame ko che nẹ evun rọye rhe, rere ihwo na da. Mosis de ru ọtiọye, vwẹ irharo rẹ ekpako rẹ Izrẹl na.

Aizaya 30:25

Vwi kenu kenu rẹ ugbenu rọ kpenu gangan kugbe igbenu itete na ejobi ke cha vọn ve etẹrhe re dje ve ame, vwẹ ẹdẹ rẹ ehwe rode na, re eherhe na de che she.

Aizaya 32:2

Ovuọvo ko dia kere asan odjahọ vwọ ke aphọpho, Urhurho vw ọ ọke re ọgiribọ, kere uto re ame vwe otọ oyaya, kerẹ uhoho re oragha rode vwe otọ ophephe

Aizaya 33:21

Ẹkẹvuọvo Ọrovwohwo na ro vwo ọrho ọ vẹ avwanre obọ asan rọ vọnre ve irhie eliehere vẹ itọ ride, asan re ọkọ re inaweri je se te, eye ekpo re erhanre ride je sa wan.

Aizaya 35:1

Aghwa na kugbe otọ ọyaya na ke cha ghọghọ, aton na cha ghọghọ rọ de di ẹbe gbidigbidi, kerẹ igbodigbo,

Aizaya 41:18

Ki mi rhie urhie rẹ ame vwẹ ugbenu oyaya na, ogbugbu ke varhe vwẹ iyara na, ki mi hirhe aghwa na phihọ oku rẹ ame, otọ ọyaya na ko hirhe phihọ ogbugbu rẹ ame.

Aizaya 41:19

Ki mi phi igẹdu phihọ evun rẹ aghwa, te ighwẹrughẹ, te ihophe, kugbe oliv, ki Mi che phi owangha phihọ evun rẹ atọn, tẹ iriẹ te egọrọ.

Aizaya 42:9

Nighere, imu rẹ awanre na e wanvrẹn nure, imu ekpokpọ keye me vwọ phia na, tavwe re ke re phia, ye me ta ayen kẹ ovwan nure.

Aizaya 48:5

Mi dje ayen kẹ wẹ nẹ awanre rhe, tavwe re ke phia yi Mi ghwoghwo ayen keẹ wẹ nure, eyẹ wo da rha tanẹ, Oma mẹ ri ru ayen, oma re bru ona phihọ kugbe oma ra wranre ri ji urhi na kẹ ayen.

Aizaya 48:6

Wo nyori; Asakiephana gba mrẹ enana ejobi; wo gbi se dje phia-a? Ne ọke nana yanran Mi ru we vwo nyo imu ekpokpọ, imu re djahere ru wọ je riẹ-ẹn.

Aizaya 49:10

owẹvwe eye urhuru rẹ ame che hwe aye-en, eye uvo gbaegbae vẹ odju che mu aye-en, kidie ohwo rọ re ehrọre kẹ ayen ko sun ayen, vwẹ oma rẹ ova rẹ ame kẹ etiyin e de sun ayen.

Aizaya 51:3

Kidie Ọrovwohwo se bru Zayọn uche, ko bru asan ra ghwọre ejobi na uche, ko ru aghwa rọye kerẹ Idẹn, aghọghọ vẹ omavwerhe keye a mrẹ vwọ, ẹkpẹvwẹ kugbe urhuru rẹ ine.

Jerimaya 23:7

Ọtiọye na, gbe nighe, ẹdẹ cha, Ọrovwohwo tare, rẹ ihwo gbe cha ta ọfa-a, kirobo rẹ Ọrovwohwo herọ rọ reyọ ihwo rẹ Izrẹl nẹ otọ rẹ Ijipt rhe na,

Jerimaya 31:22

Mavọ wo sioma uko krite, E ọmọtẹ rẹ o mudiagaa na? Kidie Ọrovwohwo ma emu ọkpokpọ vwẹ akpọ na, aye esivwo kẹ ọshare.

Jerimaya 31:9

Ayen che rhivwi cha, vẹ oviẹ ji kugbe uchebro mi vwo sun ayen rhivwi. Mi che ru ayen yan vwẹ orhoma rẹ ame, vwẹ idjerhe ọphiọnphiọn rẹ ayen de je she, kidie mẹvwẹ ọse kẹ Izrẹl, Ifrem ji ọmọkpako mẹ.

Ukeri 20:11

Etiyin Mosis da kpare obọ rọye kpenu ọ da vwẹ ọkpọ rọye na teyọ oragha na abivẹ; ame da mwavwe no rhe buebu, ukoko na da da, kugbe uchuru rayen.

2 Kọrẹnt 5:17

Vwẹ ọtiọye na, ọ da dianẹ ohwo hẹ evun ri Kristi, ohwo yena kẹ ẹma ọkpokpọ; ọ rẹ awanre wanvrẹn re, nighere ọkpokpọ na rhire.

Urhi Rivẹ 8:15

ohwo ro sun we wan aghwa rode ro mu oshọ na, asan rẹ eredekọ rẹ erhanre vẹ ekpakpasimagha vọnre na, ji otọ rẹ urhuru rẹ ame de hwe ohwo rẹ ame kare na; ọ ro siẹ ame nẹ oragha rhe na,

Ẹvwọphia 21:5

Ọ ro tidia vwẹ enu rẹ ekete na da ta, Nighe, mi ru emu na ejobi ọkpokpọ. Ọ da je ta rhe, Si ọnana, kidie eta nana omamọ ota.