Aizaya 42:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Nighere, imu rẹ awanre na e wanvrẹn nure, imu ekpokpọ keye me vwọ phia na, tavwe re ke re phia, ye me ta ayen kẹ ovwan nure.

Aizaya 42:9 ပူးပေါင်းရင်းမြစ်များ

1 Ivie 11:36

Dede na ọmọ rọye na ke me vwẹ uvwiẹ ọvo kẹ, rere Devid odibo mẹ se vwo vwo urhukpẹ vwẹ obaro mẹ vwi Jerusalẹm, orere re me jẹre nẹ odẹ mẹ dia.

Aizaya 43:19

Nighere, Mi ro ruẹ emu ọkpokpọ; Asakiephana ọ va phiare, wo rhe roro-o? Me cha fan idjerhe phiyọ evun rẹ aghwa irhie ke cha va nẹ aton rhe

Aizaya 48:3

Emu ri jovwo na Me tare rhabae rhe, i nẹ unu mẹ rhe Me da vwẹ ayen phia, kpregede na Mi de ru ayen i de ghine rhi ru.

Aizaya 48:5

Mi dje ayen kẹ wẹ nẹ awanre rhe, tavwe re ke phia yi Mi ghwoghwo ayen keẹ wẹ nure, eyẹ wo da rha tanẹ, Oma mẹ ri ru ayen, oma re bru ona phihọ kugbe oma ra wranre ri ji urhi na kẹ ayen.

Aizaya 48:6

Wo nyori; Asakiephana gba mrẹ enana ejobi; wo gbi se dje phia-a? Ne ọke nana yanran Mi ru we vwo nyo imu ekpokpọ, imu re djahere ru wọ je riẹ-ẹn.

Iyẹnrẹ Esiri ri Jọn 13:19

Me ta ọnana kẹ ovwan vwẹ asakiephana, tavwe rọ ke rhe phia, rere ọke rọ da rhe phiare ovwan vwo segbuyota nẹ mẹvwẹ hẹ ọye.

Iruo rẹ Iyinkọn na 15:18

Ọrovwohwo na re tarọ, ọ rọ nẹrhẹ a riẹn ọnana nẹ awanre rhe.

Joshua 21:45

Ọvuọvo rẹ ive esiri rẹ Ọrovwohwo veri kẹ uwevwi rẹ Izrẹl ro je ruo gba herọ-ọ, ayen ejobi ru ghare kpae.