Aizaya 42:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Enẹ Ọghẹnẹ tare, Ọrovwohwo na, rọ ma idjuvwu rọ da nabọ riẹn phihọ na, rọ riẹn akpọ na phihọ vẹ obo re djẹ no rhe ejobi, rọ vwẹ ẹnwẹn kẹ ihwo re dia evun rọye kugbe erhi kẹ ihwo re yan vwẹ evun rọye.

Aizaya 42:5 ပူးပေါင်းရင်းမြစ်များ

Jẹnẹsis 1:1

Nẹ otọ rhe Ọghẹnẹ vwọ ma odjuvwu vẹ akpọ.

Jẹnẹsis 2:7

kọye Ọrovwohwo Ọghẹnẹ da vwẹ ekpẹn rẹ otọ na vwọ ma ohwo, ọ da wẹn ẹwẹn rẹ arhọ na phihọ iwen rọye, ohwo de hirhe ohwo ọkpokpọ.

ỌBE RẸ JOB 12:10

Obọ rọye arhọ ri kemu kemu epha kugbe ẹnwẹn rẹ ihwo na ejobi.

ỌBE RẸ JOB 27:3

kirobo rẹ ẹnwẹn mẹ dia evun mẹ krite na, rẹ ẹnwẹn rọ Ọghẹnẹ da je hẹ inwe mẹ na,

ỌBE RẸ JOB 33:4

Erhi rẹ Ọghẹnẹ re ma vwẹ, ẹnwẹ rẹ Ọrovwoẹgba na re kẹ vwẹ arhọ.

ỌBE RẸ JOB 34:14

Ọ da dianẹ ọ rhoma reyọ erhi rọye kẹ oma rọye, ro de koko ẹnwẹ rọye kẹ oma rọye,

Une rẹ Ejiro 136:6

vwọ kẹ ohwo rọ riẹn akpọ na phihọ enu rẹ ame na, kidie ẹguọnọ rọye rọ jẹ rhẹriẹ na dia rhiri bẹdẹ,

Une rẹ Ejiro 33:6

Vwẹ ota rẹ Ọrovwohwo na ọye odjuvwu na vwọ mama, obo re vọnrọ ejobi kẹ ẹnwẹ rẹ unu rọye.

Une rẹ Ejiro 96:5

Kidie ẹdjọ ri chekọ na ejobi na oma re, ẹkẹvuọvo Ọrovwohwo na re ma idjuvwu

Aizaya 37:16

E Ọrovwohwo rẹ otuofovwi na, Ọghẹnẹ rẹ Izrẹl, wẹ ro tidia ekete vwẹ obenu ri chẹrobim, wọwẹ Ọghẹnẹ na; wẹ ọvo sogono, vwẹ usun rẹ ivie rẹ akpọ na; wẹ re ma odjuvwu vẹ akpọ.

Aizaya 40:12

Ọ rọ vwanvwọn ame na phihọ okokodo rẹ obọ rọye ọ da vwẹ isabọ vwọ ma odjuvwu na, o da ghwẹ iwurhie rẹ akpọ na phihọ uchunu, ọ da vwẹ uwan vwọ vwanvwọn igbenu na, igbenu rẹ itete na kẹ uwan?

Aizaya 40:22

Ọye ri tidia phihọ usikẹ rọ hẹ obenu rẹ akpọ na, ihwo re dia ejobi họhọ ebaka; ohwo rọ vwẹ odjuvwu tan kerẹ amwa, rọ vwe rọ tan kerẹ utughẹ ra dia;

Aizaya 40:26

Kpare ẹro wẹn kpenu re wọ mrẹ, ono ma enana? Ọye ohwo rọ reyọ ayen rhe gbidiki, ro mu odẹ kẹ ayen ejobi, vwẹ orhuarho rẹ ẹgba rọye, kidie ọ ganre vẹ egba ọvuọvo rọye se ghwru-u

Aizaya 40:28

Wọ je riẹ-en? Wọ ji nyo-ọ? Ne Ọrovwohwo na ọye Ọghẹnẹ ri bẹdẹ na, ọye Ọmema rẹ oba rẹ akpọ na. Oma rhọ-ọ eyẹ oma ghwọrọ-ọ, ẹruọ rọye ọ bẹn evughe.

Aizaya 44:24

Enẹ Ọrovwohwo tare, Ọtan wẹn, rọ mama owẹ nẹ evun rhe: Mẹvwẹ Ọrovwohwo, rọ ma emu ejobi rẹ ọye ọvo vwẹ idjuvwu na tan, rọ riẹn akpọ na phihọ–Kono vẹ ovwẹ gba herọ

Aizaya 45:12

Mẹvwẹ re ma akpọ na, Me da ma ohwo phihọ enu rọye, obọ mẹ me vwọ riẹn idjuvwu na phihọ, Mẹvwẹ re vwẹ urhi kẹ otu rẹ herọ ejobi.

Aizaya 45:18

Kidie enẹ Ọrovwohwo tare, rọ ma idjuvwu na (ọye Ọghẹnẹ) rọ mama otọ na rọ maro (ọye muro vi) ọ vwẹ ozighi ma-a, o marọ ra vwọ dia. Mẹvwẹ Ọrovwohwo na, o gbi vwo ọfa-a.

Aizaya 48:13

Obọ Mẹ Me vwọ tọn uchivwo rẹ otọ na, obọrhe Mẹ re riẹn idjuvwu na phihọ ọke Mi vwọ sa ayen ayen de mudia kugbe.

Aizaya 57:16

Kidie mi dje ẹghwọ ẹghwọ bẹdẹ-ẹ, eyẹ ivunvun ri miovwo uvwe bẹdẹ-ẹ; kidie obọ Mẹ erhi nẹ cha, Mẹvwẹ re ma ẹnwen rẹ arhọ na.

Jerimaya 10:12

Ọye vwẹ ogangan rọye ma akpọ na ohwo rọ vwẹ aghwanrc rọye mu akpọ vi, je vwẹ ọhọ rọye riẹn idjuvwu na phihọ.

Jerimaya 27:5

Mẹvwẹ ohwo rọ vwẹ ọrho mẹ rode na vẹ ogangan rẹ obọ mẹ ma akpọ na, kugbe ihwo vẹ eranvwe re hẹ enu rẹ akpọ na, me vwọ kẹ ohwo kohwo ro jevwe nẹ me vwọ ke.

Jerimaya 32:17

E Ọrovwohwo Ọghẹnẹ! Wọwẹ vwẹ ogangan wẹn rode na vẹ ẹgba rẹ obọ wẹn ma odjuvwu vẹ akpọ na! Emu ọvuọvo bẹn kẹ wẹ-ẹ.

Jerimaya 38:16

Ọye Ovie Zedikaya da bẹbẹ ve kẹ Jerimaya, kirobo rẹ Ọrovwohwo herọ na, rọ ma ẹnwẹn ejobi, mi che hwe we-e, me je reyọ o wẹn kẹ ihwo nana re guọnọ arhọ wẹn na-a.

Izikiẹl 18:4

Nighe, erhi ejobi eme, erhi ro ru umwemwu ko ghwu.

Daniẹl 5:23

ẹkẹvuọvo wo de mu oma kpenu Ọrovwohwo ro vwo odjuvwu na; ekuakua rẹ uwevwi rọye a ghwa ayen rhe obaro wẹn, te owẹ, te ehọnvwọre wẹn, eya vẹ ense wẹn da vwẹ ayen da udi; wo de ji jiri eghẹnẹ rẹ idọnọ efuanfon vẹ oro, ẹrovwo, utehru, urhe vẹ oragha rẹ mrorẹ-ẹ, i ji nyo ẹme-e e ji vwo eriariẹ-ẹn, ẹkẹvuọvo Ọghẹnẹ rẹ arhọ wẹn hẹ obọ rọye; rẹ idjerhe wẹn ejobi rheri, wọ je vwẹ ọghọ kẹ-ẹ.

Emọs 9:6

Ohwo rọ bọn uvun rọye kpenu vwẹ obi irharheghe, rọ nẹrhẹ ẹmwa dia obotọ rẹ akpọ na; rọ se ame rẹ abadi na reyọ, o mi kuo phihọ enu rẹ akpọ na–-Ọrovwohwo na ọye odẹ rọye.

Zekaraya 12:1

Ota rẹ Ọrovwohwo kpahe Izrẹl: Enẹ Ọrovwohwo tare, ohwo rọ ma enu rọ mama akpọ na ro phi erhi phihọ ohwo oma.

Iruo rẹ Iyinkọn na 17:24

Ọghẹnẹ rọ mama akpọ na kugbe kemu kemu rọ herọ, rọ vwọ dia Ọrovwohwo ro vwo odjuvwu vẹ akpọ na, ọ sa dia evun rẹ ẹshẹ rẹ ohwo vwẹ obọ ru-u,

Iruo rẹ Iyinkọn na 17:25

eyẹ kẹ abọ rẹ ohwo rẹ akpọ a vwọ ga-a, kerẹsiẹ ra da mrẹ nẹ ọ guọnọ emu-u, kidie ekpuyovwi rọye re kẹ ihwo ejobi arhọ kugbe ẹnwẹn kugbe kemu kemu.

Hibru 1:2

vwẹ asakiephana unu rẹ Ọmọ rọye kọye ọ wan ta ota kẹ avwanre, ọye o ve phihọ nẹ ọ reuku ri kemu kemu ejobi re hẹ akpọ na; oma rọye ọ wan mama akpọ na.