Aizaya 42:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ọ cha bẹ-ẹn eyẹ ke ofu dje-e bẹsiẹ rọ vwẹ ọsoso vwo chivwi akpọ na, erhuru na ejobi ke cha hẹrhẹ urhi rọye.

Aizaya 42:4 ပူးပေါင်းရင်းမြစ်များ

Jẹnẹsis 49:10

Ọkpọ na rhe se ni Juda-a, eye ọkpọ rẹ osun na rhe se nẹ agada rọyee, bẹsiẹ ro che vwo te obọ rẹ ohwo ro viri, kọye ihwo na ejobi che mu ọghọ ke.

Une rẹ Ejiro 22:27

Oba rẹ akpọ na ejobi cha karohọ ri de rhivwi bru Ọrovwohwo; uvwiẹ rẹ ẹgborho na cha ga vwẹ obaro rọye.

Aizaya 40:22

Ọye ri tidia phihọ usikẹ rọ hẹ obenu rẹ akpọ na, ihwo re dia ejobi họhọ ebaka; ohwo rọ vwẹ odjuvwu tan kerẹ amwa, rọ vwe rọ tan kerẹ utughẹ ra dia;

Aizaya 40:28

Wọ je riẹ-en? Wọ ji nyo-ọ? Ne Ọrovwohwo na ọye Ọghẹnẹ ri bẹdẹ na, ọye Ọmema rẹ oba rẹ akpọ na. Oma rhọ-ọ eyẹ oma ghwọrọ-ọ, ẹruọ rọye ọ bẹn evughe.

Aizaya 41:5

Erhuru na ejobi mrẹre oshọ de mu ayen, oba rẹ akpọ na ki muẹ phariẹ, ayen si kerẹ ayen da rhe.

Aizaya 42:10

So ine kẹ Ọrovwohwo une ọkpokpọ, ejiro rọye nẹ oba rẹ akpọ rhe! Jẹn urhie kperi kugbe obo re yọnrọn ejobi, erhuru na vẹ ihwo re dia ayen.

Aizaya 42:12

Jẹn ayen vwẹ urinrin kẹ Ọrovwohwo, wo ghwoghwo ejiro rọye vwẹ erhuru na ejobi.

Aizaya 42:21

Ivun vwerhe Ọrovwohwo fiki rẹ ọvwata rọye, ro ru urhi rọye rho ro nu urinrin.

Aizaya 49:1

Kerhọn mẹ, E erhuru na, wa kerhọn, ovwan ihwo ri nẹ ogboko rhe na. Ọrovwohwo ri se vwe nẹ evun rhe, nẹ obo evun rẹ oni Mẹ o de mu odẹ kẹ vwẹ.

Aizaya 51:4

Kerhọn Mẹ, ihwo Mẹ, rhie erhọn wẹ kẹ vwẹ, egborho mẹ, kidie urhi che nẹ obọ Mẹ rhe ọsoso Mẹ kọ dia urhukpẹ kẹ ihwo na.

Aizaya 51:5

Esivwo Mẹ re siẹ kẹrẹ okpokpakpa, esivwo Mẹ yan phiare, igbabọ Mẹ ro sun ihwo na, erhuru na ra hẹrhẹ ovwẹ, igbabọ Mẹ kọye ayen phi ẹro phihọ.

Aizaya 55:5

Nighere, wo che se ẹgborho ru wọ je riẹ-ẹn, ẹgborho ru wọ riẹnre-e ke djẹ bru uwe rhe, fiki re Ọrovwohwo Ọghẹnẹ wẹn, kugbe Ọfuanfon Ọvuọvo rẹ Izrẹl, kidie ọ vwẹ urinrin kẹ we nure.

Aizaya 60:9

Kidie erhuru na cha hẹrhẹ ovwẹ, ekpo ri Tarshish re dia ẹsosuọ, re cha reyọ emọ wẹn nẹ ogboko rhe, cha reyọ idọnọ vẹ iro boma rhe, fiki rẹ odẹ rẹ Ọrovwohwo Ọghẹnẹ wẹn, kugbe Ọfuanfon Ọvuọvo rẹ Izrẹl na, kidie ọ vwẹ urinrin kẹ wẹ.

Aizaya 66:19

ke Me cha vwẹ oka vi vwẹ uherevie rẹ ayen. Vwẹ uherevie rẹ ayen ri ghwu chekọ na mi de ji ihwo kpo ẹgborho na, kpo Tarshish, Put, kugbe Lud, ri siẹ umurhabọ, kpo Tubal kugbe Javan, re te erhuru re hẹ ogboko na, ri ji nyo usi mẹ-ẹ eyẹ mrẹ urinrin mẹ-ẹ; ayen ki che ghwoghwo urinrin mẹ vwẹ ohri re ẹgborho na.

Aizaya 9:7

Obuebu rẹ isuesun rọye vẹ ufuoma rọye se vwo oba-a vwe enu rẹ ekete ri Devid, kugbe enu rẹ uvie rọye, rọ tọn phihọ, rọ yọnrọn vwẹ ọsoso vẹ ọvwata ne ọke nana yanran rhiri bẹdẹ. Oruru rẹ Ọrovwohwo rẹ otuofovwi na yi ri ru ọna.

Daniẹl 9:24

E bru ẹdidjana ujorha gbẹ ihwe rẹ ukpe vwọ kẹ ihwo wẹn vẹ orere ọfuanfon wẹn, re ogbeku na vwo re, re umwemwu ji vwo re, ra vwọ rhuẹrẹ arhuẹrẹ fiki rẹ orukuruku, bẹsiẹ ra vwọ reyọ ọvwata ri bẹdẹ vwọ rhe uwevwi bẹsiẹ re vwo rhurhu evwerhẹ vẹ aruẹmrẹ, bẹsiẹ ra vwọ vwẹ evwri te asan rọ ma fọn na,

Zekaraya 2:11

Ẹgborho buebu che kuoma rayen gbe Ọrovwohwo vwẹ ẹdẹ yena, ke cha dia ihwo Mẹ; ke Me dia uherevie wẹn ko wọ riẹn nẹ Ọrovwohwo rẹ otuofovwi na re cha vwe ji uvwe bru uwe rhe.

Matiu 12:21

Odẹ rọye Ikeferi na ejobi cha vwẹ ẹro so.

Iyẹnrẹ Esiri ri Mak 3:3

Ọ da ta kẹ ohwo rẹ obọ rọye ghwuru na, Vrẹn mudia vwẹ uherevie.

Ọbe ri Pọl si rhe Ihwo ri Rom 16:26

ẹkẹvuọvo ra rhe vwọ phia vwẹ asakiephana vwẹ oma rẹ isiesi rẹ emraro na ẹgborho rẹ akpọ na ejobi riẹnre na, kirobo re urhi rẹ Ọghẹnẹ ro jeghwo epha, ro nẹrhẹ e mu ọghọ kẹ esegbuyọta na–

1 Kọrẹnt 9:21

Vwọ kẹ ihwo rẹ hẹ otọ rẹ urhi-i mi de ru oma mẹ kerẹ ohwo rọ hẹ otọ rẹ urhi-i, ọ dianẹ kẹ otọ rẹ urhi rẹ Ọghẹnẹ mi jẹ dia-a ẹkẹvuọvo otọ rẹ urhi ri Kristi– rere mi vwo ku ihwo ri jẹ otọ rẹ urhi ẹdia rhẹriẹ.