Aizaya 42:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ Ono ri siobọ nẹ Jekọp ke Ofurhie na, Izrẹl keẹ ogbọrhi gborho na? O dia Ọrovwohwo, rẹ ayen ru umwemwu kpahe na, rẹ ayen sa yan phihọ idjerhe rọye-e na rẹ urhi rọye ayen ji se mu ọghọ kẹ-ẹ na?

Aizaya 42:24 ပူးပေါင်းရင်းမြစ်များ

2 Ikun rẹ Ivie 15:6

Ayen da rhe hra ẹkuẹko, ẹgborho vwọ so ẹgborho orere vwọ so orere, kidie Ọghẹnẹ da vwẹ oghẹre koghẹre rẹ emiavwe vwo mu ayen.

2 Ikun rẹ Ivie 36:17

Fiki rẹ ọtiọye na ọ da reyọ ovie ri Kaldia rhe vwọ so ayen, rọ vwẹ oda nyavwe imighene rayen hwe vwẹ evun rẹ ẹshẹ rayen, o rhe nẹ arodọvwẹ kẹ imighene na-a emeshare eyẹ emetobẹ, ekpako eyẹ emare; o de phi ayen ejobi phihọ obọ rọye.

Une rẹ Ejiro 81:12

Ọtiọye mi de siobọ nẹ ayen kẹ udu ọgangan rayen, re ayen nene iroro rẹ udu rayen.

Une rẹ Ejiro 81:13

E manẹ kẹ ihwo mẹ sa kerhọn mẹ vwonẹ, rere Izrẹl yan vwẹ idjerhe mẹ!

Aizaya 30:15

Kidie enẹ Ọrovwohwo rẹ Ọghẹnẹ tare, Ọfuanfon Ọvuọvo rẹ Izrẹl na, Vwẹ omaẹrha kugbe omaerovwo ọye ovwan da rhọ, vwẹ oma ehwemuẹ kugbe ẹro ẹvwọ suọ ọye ogangan rẹ ovwan epha. Yẹ ovwan rhọvwa-a,

Aizaya 42:23

Ono vwẹ usun rẹ ovwan na re sa kerhọn rẹ Ọnana, ro hwe oma mu vwọ kerhọn vwo ọke rọ cha?

Aizaya 45:7

Mẹvwẹ re ma orẹmrẹ kugbe ebri, Mẹvwẹ rẹ ma efe mẹvwẹ re ma okpetu, Mẹvwẹ Ọrovwohwo na, rọ ma imu nana ejobi na Ọrovwohwo hẹ Ọmẹna

Aizaya 47:6

Ivun re ihwo Mẹ miovwo uvwe, Mi gbe ọriuku Mẹ ẹgua; Mi de phi ayen phihọ owẹ obọ, wo nẹ arodọvwẹ kẹ aye-en, wo de mu urhekpe ọhọhọhọ nye emare.

Aizaya 48:18

E ọ dianẹ ke wọ kerhọn rẹ irhi Mẹ! Mane ufuoma wẹn ka dia kerẹ urhie, ọvwata wẹn ka dia kerẹ omimi rẹ urhie,

Aizaya 57:17

Fiki rẹ orukuruku rẹ ubiupho rẹ imu rẹ ihwo efa ọye ivun vwo miovwo uvwe, Me da ghwiẹ, Mi si opharo nu kẹ ivun de miovwo uvwe, ẹkẹvuọvo o jiji siẹ hẹ obuko vwẹ idjerhe re udu rọye.

Aizaya 63:10

Ẹkẹvuọvo ayen gbe ozighi ayen da nẹrhẹ ophu mu Erhi ọfuanfon na, fiki rẹ ọtiọye na ọ da rhoma rhe dia ọvweghre rayen, ekpuyovwi rọye da họnre ayen.

Jerimaya 44:10

Ayen je vwẹ oma rayen kpoto rhi te nonẹ na-a, ayen je djẹ osho-o, ayen je yan phihọ evun rẹ urhi vẹ iji ri mi phihọ obaro rẹ ovwan vẹ obaro rẹ esẹ rẹ ovwan na-a.

Jerimaya 5:15

Nighe, mi che ji orere nẹ ogboko rhe E uwevwi rẹ Izrẹl, eriyin Ọrovwohwo na tare. Orere na kri otọ re orere rẹ awanre oruẹ, orere ru wọ riẹn ephẹrẹ rọye-e, eyẹ wọ se nyo obo rẹ ayen ta-a.

Uvwerhe 1:14

Ogbeku mẹ da họhọ urhekpe ra gba mu vwe, obọ rọye a vwọ gba koko; e de mu ayen nyẹ ohọre mẹ; Ọ da nẹrhẹ ogangan mẹ lọhọ, Ọrovwohwo phi vwe hẹ abọ rẹ otu re gan nọ vwẹ.

Uvwerhe 1:18

Ọrovwohwo re riẹ ase, kidie mẹvwẹ ri mu kpahe ota rọye, ẹkẹvuọvo nyo, ovwan ihwo ejobi, re we ni oja re me ria, emetẹ mẹ kugbe emeshare mẹ kpo ighuvwu re.

Daniẹl 1:2

Eriyin Ọrovwohwo de phi Jehoiakim, ovie ri Juda phihọ obọ rọye, vẹ ekuakua evo rẹ uwevwi rẹ Ọghẹnẹ, ọ da ghwẹ ayen kpo otọ ri Shina, vwọ kpo uwevwi rẹ ẹdjọ rọye, ọ da ghwẹ ekuakua na phihọ uwevwi rẹ efe rẹ ẹdjọ rọye.

Emọs 3:6

E hworo owanre vwẹ orere re oshọ de jẹ ihwo emuọ? okpetu di she vwẹ orere, rẹ Ọrovwohwo de jẹ obọ evwo vwọ?

Matiu 22:7

Ẹkẹvuọvo ivun de miovwi ovie na; o de ji usun rẹ ofovwi rọye nẹ i re hwe izighẹ na, rere ayen torhẹ orere rayen na.

Urhi Rivẹ 28:49

Ọrovwohwo cha reyọ ẹgborho ọfa nẹ ogboko rhe ri mu kpahe ovwan, nẹ oba rẹ akpọ na rhe kpata kpata kerẹ ugo rọ rhan, ẹgborho ro wa riẹn ephẹrẹ rọye-e

Urhi Rivẹ 32:30

Mavọ ohwo ọvo ru djẹ uriori, ihwo ivẹ da sa nẹrhẹ uriori ihwe djẹ, jokpa nẹ Oragha rayen shẹ ayen, rẹ Ọrovwohwo na da sen ayen?

Iguẹdjọ 10:7

Ophu rẹ Ọrovwohwo na da gan kpahe Izrẹl, ọ da shẹ ayen phihọ obọ ri Philitia kugbe obọ rẹ ihwo rẹ Ammọn.

Iguẹdjọ 2:14

Fiki rẹ ọtiọye na Ọrovwohwo de mu ophu ọgangan kpahe Izrẹl, o de phi ayen phihọ abọ re igbunegbu ri gborhe emu rayen; ọ da shẹ ayen vwọ kẹ ogangan rẹ ivwighrẹn re yariẹ ayen phihọ, ọtiọye na ayen rhe vwo ogangan vwẹ oma rẹ ivwighrẹn rẹ aye-en.

Iguẹdjọ 3:8

Eriyin na ophu rẹ Ọrovwohwo na da rhe gan phihọ kpahe Izrẹl, ọ da shẹ ayen phihọ obọ ri Kushanrishataim ovie ri Mẹsopotemia; ihwo re Izrẹl da ga Kushanrishataim ikpe erẹnrẹn.