Aizaya 42:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ki mi sun irhuẹro wan idjerhe rẹ ayen je riẹn dẹvo-o, vwe ada rẹ ayen jẹ rie-ẹn ki Mi sun ayen. Me rhẹriẹ ebri rọ hẹ obaro rayen phihọ urhukpẹ, asan chochohri ki mi ruo riẹriẹriẹ Enana keye imu ri mi che ru, Me gba cha sen aye-en.

Aizaya 42:16 ပူးပေါင်းရင်းမြစ်များ

Une rẹ Ejiro 94:14

Kidie Ọrovwohwo cha sen ihwo rọye-e ọ cha djẹ je ireuku rọye vwọ-ọ,

Aghwoghwo 1:15

Emu ro gunuru nure asan phiọ-ọ, obo re karo ohwo epha buebu.

Aghwoghwo 7:13

Roro iruo rẹ Ọghẹnẹ; ono re sa phiọn emu rọ ma gẹre nu?

Aizaya 26:7

Idjerhe rẹ ọvwata nabọ ghọriẹ, wẹ yi ru idjerhe rẹ ọvwata riẹriẹriẹ.

Aizaya 29:18

Vwẹ ẹdẹ yena idierhọn ki che nyo eta rẹ ọbe, vwẹ evun rẹ oma emuophihọ kugbe ebri rayen ẹro rẹ orhuẹro cha mrẹ.

Aizaya 29:24

Otu ri ghwruru vwẹ erhi ki che vwo eruọ, otu ri guẹ huhuhu ke cha rhọvwe uyono.

Aizaya 30:18

Fiki rẹ ọtiọye na Ọrovwohwo vwọ hẹrhẹ rọ vwọ ni arodọvwẹ wẹ kọye ọ da vwẹ oma rọye kpenu ro vwo dje aruẹdọn rọye kẹ wẹ. Kidie Ọrovwohwo ọye Ọghẹnẹ rẹ ọsoso ebruba kẹ ayen ihwo re hẹrhereẹ.

Aizaya 30:21

Erhọn wẹn ki che nyo ota vwẹ obuko wẹn, tanẹ. Ọnana he Idjerhe na, yan nene, vwe ọke wọ da rhẹriẹ oma kpo obọrhe kugbe ọke wọ da rhẹriẹ oma kpọ ọhọhwere.

Aizaya 32:3

Ọke yena ẹro re ihwo re mrẹ gbi se rhurhu-u kugbe erhọn ri nyoro ke kerhọn.

Aizaya 35:5

Etiyin ẹro rẹ orhuẹro ko rhie, erhọn rẹ odierhọn ko phẹ ghwroro,

Aizaya 35:8

Idjerhe rode kọ cha dia etiyin, ke che se nẹ Idjerhe Ọfuanfon, emu ogbegbe cha sa wanvrẹ-ẹn, ẹkpa gbi che se ghwru vwọ-ọ.

Aizaya 40:4

Iyara kiyara na ejobi vọn kpenu, igbenu ride vẹ itete na ke kporo ayen te otọ, asan ogugunu ka phio kpọvi, otọ chochohri ka riẹriẹ kugbe.

Aizaya 41:17

Ọke rẹ ovwiogbere vẹ ọ re akpọ bẹn da guọnọ ame, ye ame herọ-ọ, re ẹrenvwe rọye da yamu vẹ urhuru rẹ ame, Mẹvwẹ rẹ Ọrovwohwo re sa kpahe kẹ ayen, Mẹvwẹ Ọrovwohwo rẹ Izrẹl na sa sen aye-en

Aizaya 41:3

Ọ vwọ tua ayen ọ me djẹ vrẹn ayen gbẹrhẹnẹdẹ vwẹ idjerhe rọ je nene dẹvo-o

Aizaya 45:2

Me ka obaro kẹ wẹ re Me riẹriẹ igbenu na, Mi vwirhi ẹchẹ rẹ ẹrovwo na ibribro, ki Mi vwirhi egbẹ re itehru na,

Aizaya 45:7

Mẹvwẹ re ma orẹmrẹ kugbe ebri, Mẹvwẹ rẹ ma efe mẹvwẹ re ma okpetu, Mẹvwẹ Ọrovwohwo na, rọ ma imu nana ejobi na Ọrovwohwo hẹ Ọmẹna

Aizaya 48:17

Enẹ Ọrovwohwo tare, Ọtan wẹn, Ọfuanfon Ọvuọvo rẹ Izrẹl na. Mẹvwẹ Ọrovwohwo Ọghẹnẹ wẹn, ro yono uwe vwọ mrẹ erere, ro sun we vwẹ idjerhe ru wọ cha wan na.

Aizaya 52:12

Kidie wo bru okpakpa ro otafe-e, ọ je dia ugbonẹ-ẹ, kidie Ọrovwohwo cha ka obaro kẹ wẹ, Ọghẹnẹ rẹ Izrẹl na ka obuko kẹ wẹ.

Aizaya 54:13

Emọ wẹn ejobi kẹ Ọrovwohwo ri yono ayen, erhuvwu rọ emọ wẹn ke cha rho gangan.

Aizaya 58:10

ọ da dianẹ wọ ku oma wẹn phihọ otọ kẹ ihwo rẹ owẹvwe hwe rẹ evun da vọn ẹguọnọ re otu re hẹ ukpokpogho, ọke yena urhukpẹ wẹn ko che vrẹn vwẹ ẹvun rẹ ebri egho wẹn kọ cha dia kerẹ oghẹruvo.

Aizaya 62:12

Ke se ayen ihwo efuanfon na, re Ọrovwohwo tan hirhe, ke se we nẹ Aguọnọ phia, orere re jẹ siọ.

Izikiẹl 14:23

Ayen ki bru we uche, vwẹ ọke wọ da mrẹ idjerhe rayen kugbe uruemu rayen, ko wọ riẹn nẹ mi ruro ghevweghe-e, eriyin Ọrovwohwo Ọghẹnẹ na tare.

Hosia 2:14

Fiki rẹ ọtiọye na, ki mi ruo re urhuru sio, ke me riẹriẹ kpo ivuaghwa, ke me vwẹ aghẹghẹ ta ota kẹ.

Hosia 2:6

Fiki rẹ ọtiọyẹ na kẹ mẹ vwẹ inwe gba idjerhe rọye me tọn igbẹhẹ phihọ ghẹnẹ, ọtiọye na ọ gbe mrẹ idjerhe rọye-e.

Emọs 5:8

Ohwo rọ ma Emetasa vẹ Oniọhọvikẹ rọ rhẹriẹ ebri hwi phihọ urhiọke, ọ Me rha rhẹriẹ uvo kpo ason, ro se ame rẹ abadi ejobi kpọ o mi rhe won ayen phihọ enu rẹ akpọ na, Ọrovwohwo na ọye odẹ rọye.

Iyẹnrẹ Esiri ri Luk 3:5

Iyara na ejobi ke ru ayen vọn, Igbenu ride te itete ejobi ke kporo ayen te otọ, idjerhe ri gunuru ke ru ayen phiọn, idjerhe chohri chohri ke ruo riẹriẹriẹ;

Iruo rẹ Iyinkọn na 26:18

Wo che rhie ẹro rayen, rere ayen kurhẹriẹ nẹ ebri kpo urhukpẹ vwo nẹ ogangan rẹ Idẹbọnọ vwo bru Ọghẹnẹ, rere ayen mrẹ evwoghovwo rẹ imwemwu kugbe ẹdia vwẹ ohri rẹ ihwo rẹ esegbuyota ru fon vwẹ evun mẹ.

Ẹfesọs 5:8

Kidie ebri ovwan epha jovwo, ẹkẹvuọvo vwẹ asakiephana ovwan kẹ urhukpẹ vwẹ evun rẹ Ọrovwohwo; wa gba yan kerẹ emọ rẹ Urhukpe.

Hibru 13:5

Si oma wẹn nẹ urhuru si vwe rẹ igho, jẹn obo ru wo vwori da wẹ ẹro; kidie ọ tarọ nure nẹ, Me sa phiẹn wẹ-ẹ eyẹ me sa sen wẹ-ẹ.

Joshua 3:4

rere wa vwọ riẹn idjerhe ru wa cha yan wan, kidie wa je wan idjerhe nana dẹvo-o. Dede na uvwre cha dia usun rẹ ovwan vẹ ọrọye, uvwre ro sheri te kubit uriori ivẹ; we biẹ kẹrẹ-ẹ

1 Pita 2:9

Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.