Aizaya 42:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Ke me guọghọ igbenu rẹ itete vẹ iride, ke me ya ẹbe rayen mu, ki mi hirhe irhie rayen phihọ ibrotọ, etẹrhe rayen ejobi ke yamu.

Aizaya 42:15 ပူးပေါင်းရင်းမြစ်များ

Une rẹ Ejiro 18:7

Etiyin akpọ na de yeghe o de kpogho, ichivwo rẹ igbenu na de zie i de zie zighi zighi, kidie ophu muro.

Aizaya 41:15

Nighere, Me cha kare uwuye kẹ wẹ, ọkpokpọ, dandan, re bru ako phihọ, ku wọ kporo igbenu na wọ me ghwọrọ ayen, ku wo ru igbenu itete na kerẹ iphopho,

Aizaya 44:27

onọ re ta kẹ ikokodo na nẹ, Kpọ, yamu, ki mi ru irhie wẹn na kpọ fiotọ,

Aizaya 49:11

Ki mi che ru igbenu Mẹ ejobi phihọ idjerhe, idjerhe ride Mẹ ejobi ka vọnrhọn ayen kpenu.

Aizaya 50:2

Mavọ, ọke Me vwọ rhe, ohwo gbe herọ-ọ? Ọke Mi vwo se, o rhe vwo ohwo ro nyori-i? Obọ Mẹ krẹnọ, ro vwo je ohwo ẹtan? Gbine Mi vwo ogangan re vwo sivwẹ-ẹ? Nighere, vwẹ ẹghwọ re unu mẹ abadi na kọ kpọ, Mi ru urhie na phihọ aton, iyeri rayen ki gbo kidie ame herọ-ọ i mu ghwu fiki r;pe urhuru rẹ ame.

Jerimaya 4:24

Mi vwo ni igbenu na, me vwọ mrẹ ayen ki kpogho, igbenu itete na herọ kpo uko kpo aro.

Izikiẹl 38:19

Kidie vwẹ omẹriọ mẹ kugbe evun rẹ ophu ọtuatua mẹ, me da ta, Vwẹ ẹdẹ yena ekpogho rode kọ cha dia otọ rẹ Izrẹl.

Izikiẹl 38:20

Eri rẹ abadi, kugbe emephran rẹ obenu, kugbe eranvwe rẹ aghwa, kugbe obo ri kpono ejobi ri kpono vwẹ otọ na, kugbe ihwo ejobi re hẹ enu rẹ akpọ na, cha phariẹ vwẹ irharo mẹ, kugbe igbenu na ejobi ka cha vwẹ ayen phiotọ, enu rẹ igbenu na ki che she, igbẹhẹ kigbẹhẹ ejobi ki che rhurie she te otọ.

Hegae 2:6

Kidie enẹ Ọrovwohwo rẹ otuofovwi na tare: Chekọ esiẹvo, vwẹ ọmọke krẹ emerha, ki mi che kpogho odjuvwu na kugbe akpọ na kugbe abadi na kugbe otọ ọyaya na;

Zekaraya 10:11

Ayen cha wan urhie rẹ Ijipt vrẹn, ka teye ọgbogho rẹ urhie na, ru ikokodo rẹ Nile ejobi yamu. A vwẹ eheri rẹ Asiria totọ, ọkpọ rẹ uvie rẹ Ijipt gbe dia-a.

Ẹvwọphia 11:13

Vwẹ ọke yena otọ de mu kpogho gangan, ẹkẹne rẹ orere na de ghwie she; ihwo uriori ighwrẹ de ghwu vwẹ otọ ro kpoghori na, uguegue da ro i ri chekọ oma ayen da vwẹ urinrin kẹ Ọghẹnẹ rẹ Odjuvwu.

Ẹvwọphia 16:12

Amakashe resan de ku udjokpo rọye phihọ urhie rode na Yufretis, ame rọye da kpọ yamu, rere ivie re hẹ obaro ọnre vwọ mrasan wan.

Ẹvwọphia 16:18

Enu da nyavwaro, urhuru de kperi, agbrara da van, otọ de rhi mu kpogho gangan ra je mrẹ oghẹre rọye vwẹ akpọ na dẹvo-o, ọtiọye otọ na kpogho rho te.

Ẹvwọphia 20:11

Etiyin me da mrẹ ekete ọfuanfon rode ọvo kugbe ohwo ro tidia enu rọye; opharo rẹ ohwo ro tidia na da nẹrhẹ akpọ vẹ odjuvwu va djẹ, a gbe mrẹ asan vwọ kẹ aye-en.