Aizaya 42:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Nighere, odibo mẹ, re me vwẹ obọ mẹ yọnre, ọ re me jereyọ, ọ re erhi mẹ guọnọre; Mi phi erhi mẹ phihọ oma, kọye che brorhiẹ rẹ ọsoso kẹ ẹgborho na.

Aizaya 42:1 ပူးပေါင်းရင်းမြစ်များ

Jẹnẹsis 49:10

Ọkpọ na rhe se ni Juda-a, eye ọkpọ rẹ osun na rhe se nẹ agada rọyee, bẹsiẹ ro che vwo te obọ rẹ ohwo ro viri, kọye ihwo na ejobi che mu ọghọ ke.

Une rẹ Ejiro 72:4

Jẹn ọ chochọ rẹ ivwiogbere rẹ ihwo na, vwẹ esivwo kẹ ohwo rọ bẹn, re wọ ghwọrọ ọ ro shenyẹ ihwo na!

Une rẹ Ejiro 89:4

Me vwẹ owọ re uvwiẹ wẹn muotọ bẹdẹ, Me bọn ekete wẹn na phihọ kẹ orua na ejobi bẹdẹ.

Aizaya 2:4

Ko che guẹdjọ rẹ orere vẹ orere, ko che brorhiẹ rẹ ihwo buebu kẹ ayen che duvwu oda rayen phihọ ighwro, ibiri rayen phihọ egbage, orere gbe cha kparo oda vwọ so orere, eyẹ ayen gbe cha kpare ofovwi ọfa-a.

Aizaya 32:16

Osọsọ kọ cha dia evun re aghwa na ọvwata kọ cha dia udju rọ yọvwe emu.

Aizaya 41:8

Ẹkẹvuọvo we, Izrẹl. odibo mẹ, Jekọp, re me jẹreyọ na, uvwiẹ rẹ Ebraham, ugbeyan mẹ.

Aizaya 41:9

Wẹ re me reyọ nẹ oba rẹ akpọ na rhe, ri mi se nẹ ibienyẹ oshesheri na rhe, ta kẹ owẹ nẹ, wẹ odibo mẹ, me jẹ wẹ reyọ nure mi rhe se ku we kufia-a,

Aizaya 42:2

O che kperi-i, eyẹ o che rhie unu-u, e che nyo umri rẹ ekpere rọye vwẹ evun rẹ urhuvwu-u,

Aizaya 43:10

Ovwan iseri mẹ, eriyin Ọrovwohwo tare, kugbe odibo mẹ re me jẹreyọ na, wo vwọ riẹn vwo se vwẹ gbuyota wọ vwọ mrẹ vughe nẹ Mẹvwẹ ọye Tavwe Me ke herọ ya je ma eghẹnẹ vuọvo-o, eye ọfa ra je cha ma vwe ọbuko mẹ herọ-ọ.

Aizaya 50:10

Ono vwẹ usun rẹ ovwan na re dje oshọ rẹ Ọrovwohwo ro mu ọghọ kẹ urhuru rẹ idibo rọye, re yan vwẹ evun rẹ ebri ri vwo urhukpẹ-eẹ, dede na yẹ ayen vwẹ ẹro so odẹ rẹ Ọrovwohwo re vwẹ oma da Ọghẹnẹ rọye?

Aizaya 52:13

Nighe, odibo Mẹ ko che yovwi, ke muo kpenu phelephele, ko kpenu gangan.

Aizaya 53:11

kọ cha mrẹ omamọ rẹ uvwiẹ ẹchuẹ rẹ erhi rọye evun kọ vọn, vwẹ erianriẹn rọye ọye ọvwata mẹ na, odibo mẹ, vwo ru ihwo buebu phihọ ọvwata; ko mu oghwa rẹ orukuruku rayen.

Aizaya 59:21

Vwọ kẹ vwẹ, Ọnana ọphọ re Me, vẹ ayen rere, eriyin Ọrovwohwo tare: erhi Mẹ rọ hẹ enu wẹ, kugbe eta Mẹ ri mi phi họ unu wẹn, che se nẹ unu wẹ-ẹn, eyẹ unu rẹ emọ wẹ-ẹn, eyẹ vwo nẹ unu rẹ ivwrọmọ wẹ-ẹn, eriyin Ọrovwohwo tare, nẹ ọke nana yanran rhiri bẹdẹ.

Aizaya 61:1

Erhi rẹ Ọrovwohwo Ọghẹnẹ ọ he oma mẹ, fikiridie ọ vwẹ evwri ghworo uvwe Me vwọ ghwẹ ikun esiri na rhe ihwo re kpokpo, o ji vwe rhe gba udu ro vwirhiri koko, rhi ghwoghwo egbemọphẹ kẹ ighuvwu, esiobọno kẹ ihwo re hẹ uwodi;

Aizaya 63:1

Ona ono ro ne Idọm cha na, rọ vẹ iwun rẹ ododo gbe nẹ Bozrah cha, ro muẹ urinrin vwe evun rẹ irhuo rọye, ro chiyẹ cha vwe evun rẹ ogangan rọye rode? Mẹvwẹ, ri ghwoghwo ase ẹriọ, kugbe ẹgba rẹ esivwo.

Hegae 2:23

Vwẹ ẹdẹ yena, eriyin Ọrovwohwo rẹ otuofovwi na tare, ke me reyọ owẹ, E Zerubabẹl odibo mẹ, ọmọ ri Shealtiẹl eriyin Ọrovwohwo tare, ki nu ru we kerẹ ubiosa, kidie Me jẹ wẹ reyọ nure, eriyin Ọrovwohwo rẹ otuofovwi na tare.

Zekaraya 3:8

Gbe nyo asakiephana, E Joshua orherẹn ro kpenu na, wọwẹ vẹ igbeyan wẹn ri tidia obaro wẹn, kidie ayen ihwo ri vwẹ oka esiri; nighe, Me Oghọn rọ dia odibo mẹ na rhe.

Malakae 1:11

Kidie nẹ evacha rẹ ọnre re te eshe kpotọ rọye odẹ mẹ re cha rho vwẹ ohri rẹ ẹgborho na ejobi, vwi kasan kasan ejobi ọye a da torhẹ insẹns kẹ odẹ mẹ, kugbe omamọ rẹ ẹkpẹvwẹ rọ fonrọ; kidie odẹ mẹ ọrhuarho vwẹ ohri rẹ ẹgborho na, eriyin Ọrovwohwo rẹ otuofovwi na tare.

Matiu 17:5

Rọ je vwọ ta ota na, egho de rhi rhurhn ayen; urhuru ọvo de nẹ evun rẹ egho na rhe ta nẹ, Ọnana hẹ ọmọ mẹ ro je vwe na, rẹ ivun rọye vwerha ovwẹ na; we nyo ota rọye.

Iyẹnrẹ Esiri ri Luk 3:22

Erhi Ọfuanfon de wo rhe vẹ ugboma kerẹ inekuku, o de she muo, urhuru ọvo de nẹ odjuvwu rhe, Wẹ ọmọ mẹ ro je vwe; rẹ ivun rọye vwerha ovwẹ.

Iyẹnrẹ Esiri ri Luk 4:18

Erhi rẹ Ọrovwohwo ọ hẹ oma mẹ, fikiridie ọ vwẹ evwri ghworo uvwe mi vwo gbe ikun esiri na kẹ ivwiogbere. O ji vwe rhi ghwoghwo obọesiono kẹ ighuvwu Orẹmrẹ kẹ otu ri rhuẹro, ufuoma ke otu re shenyẹ,

Iyẹnrẹ Esiri ri Luk 4:19

vwo ghwoghwo ukpe rẹ ẹreyọ rẹ Ọrovwohwo.

Iyẹnrẹ Esiri ri Luk 9:35

Urhuru ọvo de nẹ evun rẹ egho na rhe, tanẹ, Ọnana Ọmọ mẹ, Ajẹreyọ mẹ; kerhọn rọye.

Iyẹnrẹ Esiri ri Jọn 16:32

Ọke cha, o rhe nu dede re, ra cha vwọ hra ovwan, kpo dohwo duwevwi rọye, ku we che ji vwe ọvo vwo, kidie Ọsẹ na vẹ ovwẹ herọ.

Iyẹnrẹ Esiri ri Jọn 3:34

Kidie ohwo rẹ Ọghẹnẹ jiri ta ota rẹ Ọghẹnẹ, kidie Ọghẹnẹ vwanvwẹ Erhi na vwọ kẹ;

Iyẹnrẹ Esiri ri Jọn 6:27

Ovwan wian owian fiki rẹ emuọre rọ ghwọrọ-ọ; ẹkẹvuọvo fiki rẹ emuọre rọ tọn re te arhọ ri bẹdẹ, rẹ Ọmọ rẹ ohwo cha vwọ kẹ ovwan; kidie enu rọye ọye Ọghẹnẹ Ọsẹ na ka oka rọye phihọ.

Iruo rẹ Iyinkọn na 10:38

Obo rẹ Ọghẹnẹ vwọ vwẹ evwri ghworo Jesu ri Nazarẹt vwẹ Erhi Ọfuanfon kugbe ogangan obo ro yanrhe yankpo ro ruẹ emu esiri jo sivwi ihwo ejobi rẹ idẹbono shenyẹ, kidie Ọghẹnẹ vẹ ọye herọ.

Iruo rẹ Iyinkọn na 11:18

Ọke rẹ ayen vwo nyo ọnana ayen da fọ. Ayen de jiri Ọghẹnẹ, tanẹ, Kẹ Ọghẹnẹ je kẹ ayen otu ri Keferi ekuorhẹrie rẹ esivwo rẹ arhọ rhe.

Iruo rẹ Iyinkọn na 28:28

Gbe jẹn ovwan riẹn ọnana nẹ esivwo rẹ Ọghẹnẹ na e vwiro rhe otu ri Keferi nure, ayen cha kerhọn.

Iruo rẹ Iyinkọn na 9:15

Ẹkẹvuọvo Ọrovwohwo da ta kẹ, Yanran, kidie o hirhe ohwo re me jẹreyọ nure rere ọ ghwa odẹ mẹ bru otu ri Keferi kugbe ivie kugbe emọ rẹ Izrẹl.

Ẹfesọs 1:4

mrẹmrẹ kirobo rọ jẹ avwanre reyọ vwẹ evun rọye nẹ ẹtuọhọ rẹ akpọ na rhe, nẹ avwanre fon rere avwanre vwo jẹ abe ẹriọ vwẹ obaro rọye.

Ẹfesọs 1:6

vwọ kẹ ejiro rẹ urinrin rẹ ẹserọphẹ rọye rọ de vwọ kẹ avwanre ọphọphẹ vwẹ evun rẹ Ọrọguọnọre na.

Ẹfesọs 3:8

Mẹvwẹ, dede nẹ mẹvwẹ re ma hanvwe vwẹ usun rẹ ihwo efuanfon na ejobi, ọye a vwẹ ẹserọphẹ kẹ, vwo ghwoghwo kẹ ihwo ri Keferi efe ri Kristi rẹ otọ rọye bẹn ẹguọnọ.

Filipae 2:7

ẹkẹvuọvo ọ da vwẹ oma kpotọ, ọ da reyọ oma rẹ odibo, e de vwiẹ họhọ ohwo.

Kolose 1:13

Ohwo ro si avwanre nẹ obọ rẹ ogangan rẹ ebri, o de wene avwanre vwo kpo akpọ rẹ uvie rẹ ẹguọnọ rẹ Ọmọ rọye.

1 Pita 2:4

Bro rhe, bru oragha ro jeghwo na rhe, rẹ ihwo senre na ẹkẹvuọvo ra jẹreyọ ghaghare vwẹ obaro rẹ Ọghẹnẹ.

1 Pita 2:6

Kidie e siro phihọ ọbe ọfuanfon na: Nighe, me ra vwẹ oragha ọvo vi vwi Zayọn, oragha rẹ ubienyẹ ra jẹreyọ rọ ghare, ohwo ro sere gbuyota oma gbe vuọ-ọ.