Aizaya 41:29 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁹ Nighere, ayen ejobi ophiẹvwe, iruo rayen odiodi, oma ra wranre na odju ofefe.

Aizaya 41:29 ပူးပေါင်းရင်းမြစ်များ

Une rẹ Ejiro 96:5

Kidie ẹdjọ ri chekọ na ejobi na oma re, ẹkẹvuọvo Ọrovwohwo na re ma idjuvwu

Aizaya 17:8

ayen gbi che se agbada rẹ izobo gbe emu-u, iruo rẹ obọ rayen, ayen gbi che ni obo rẹ obọ rayen ruru-u, ọ dia ighriki eye agbada rẹ egẹ-ẹn.

Aizaya 2:8

Otọ rayen vọnre vẹ ema ayen diguẹ kẹ iruo rẹ obọ rayen, kẹ obo rẹ ayen vwẹ irhiabọ rayen ru.

Aizaya 37:19

ayen da kpare ẹdjọ rayen phihọ erhanre; kidie ayen dia edjọ-ọ, ẹkẹvuọvo iruo rẹ obọ re ohwo, urhe vẹ oragha, kọye ọ vwọ ghwọrọ ayen.

Aizaya 41:24

Nighere, wọ dia emuọvo-o, iruo wẹn je hẹ ofefe, Ẹgua kẹ ohwo rọ jẹn wẹ.

Aizaya 46:7

Ayen mi muo phahe igabọ, ayen mẹ ghwa, ayen me rhuẹrẹ phihọ asan o mi mudia, etiyin o sa yan nẹ asan rọ epha na-a, Ohwo de kperi se, o se nyo-o eyẹ o se sivwi oma rọye nẹ ukpokpogho-o.

Jerimaya 14:22

O vwo ẹdjọ ọvo vwẹ usun rẹ edjọ rẹ efian na rọ sa rhọ osio phihọ otọ na? eyẹ kẹ odjuvwu na sa rhọ eghwẹghwẹ? O dia wọwẹ E Ọrovwohwo Ọghẹnẹ rẹ avwanrẹ na-a? Ma vwẹ ẹro so owẹ, kidie wẹ ri ru imu nana ejobi.

Jerimaya 5:13

Emraro na che hirhe phihọ aphopho, ota na hẹ evun raye-en. Eriyin e che ru kẹ ayen!

Habakọk 2:18

Didi erere ọye oma vwori ọke rẹ ọwena na da kparọ, oma rẹ utehru, oyono rẹ efian? Kidie ọwena na vwẹ ẹro so obo rẹ ọye ọvo kare ọke rọ da kare oma ro diunu!

Zekaraya 10:2

Kidie ama ta ogbeta, emraro je mrẹ efian rhe, evwerhẹewerhẹ ta evwerhẹ re efian ọ me kẹ uchebro ofefe. Ọtiọye na ihwo na da hra kerẹ igegede; a wan ayen oma kidie ayen vwo osuigegede-e.

Iguẹdjọ 18:17

Etiyin eshare iyori re ke ji ra dorhẹn rẹ otọ rẹ orere na, da ro evun rẹ uwevwi na, ayen de mu oma na, kugbe ibuluku na, kugbe terafim na, kugbe oma re duvwuru na; yẹ orherẹn na mudia phihọ akakọ rẹ unu rẹ anurhoro na kugbe eshare uriorha na re ghwa ekuakua rẹ ofovwi na.

1 Samuẹl 12:21

we re rhivwi bru emu ifefe ri vwo erere eyẹ esivwo-o, kidie emu ifefe ayen ruẹ.