Aizaya 41:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ọ rọ kparẹ ọvo vrẹn nẹ obaro ọnre rhe ro phiẹ kparobọ vwẹ ichiyi kichiyi? O siobọ nẹ ẹgborho na kẹ, rere ọ vwọ mrasan chiyi ivie na muotọ, ọ me vwẹ ọlọkọ rọye ru ayen kerẹ iwurhie, ọ me vwẹ umurhabọ rọye sa ayen kerẹ iphopho

Aizaya 41:2 ပူးပေါင်းရင်းမြစ်များ

Jẹnẹsis 11:31

Terah da reyọ Ebram rẹ ọmọ rọye vi Lọt rẹ ọmọ ri Haran, rẹ ovwrọmọ rọye, vi Serai rẹ aye rẹ ọmọ rọye Ebram, ayen ejobi de ku usun phihọ ni Ur ri Kaldia vwo kpo Kenan, ẹkẹvuọvo rẹ ayen vwo te Haran ayen da daji Etiyin.

Jẹnẹsis 17:1

Ọke rẹ Ebram vwọ ikpe ọvo nuro vwẹ ujori re Ọrovwohwo da vwẹ oma phia kẹ Ebram, ọ da ta kẹ, Mẹvwẹ Ọghẹnẹ ro vwo Ẹgba, yan nene uvwe, wo gbe ẹgua-a.

2 Samuẹl 22:43

Mi de hwe ayen vworovworo kerẹ iwurhie rẹ otọ, mi de rhe chiyi ayen muoto kerẹ ibehre rẹ urhuvwu.

Ivie rẹ Ivẹ 13:7

Ituofovwi ra yan jovwo kẹ Jehoahaz rha vrẹn eshare re gua iyesi ujuvẹ gbẹ ihwe-e kugbe ekpẹrẹ ihwe kugbe eshare re vwẹ owọ yan otọ uriori ihwe-e, kidie ovie ri Siria guọghọ ayen ivwuvwuvwu kerẹ ema rẹ ọmema.

2 Ikun rẹ Ivie 36:23

E nẹ Saerọs ovie ri Pẹsha tare, Ọrovwohwo na, Ọghẹnẹ rẹ odjuvwu, vwe uvie rẹ akpọ na ejobi kẹ vwẹ, ọ da vuẹ nẹ me bọn uwevwi kẹ vwi Jerusalẹm, rọi Juda. Kohwo kohwo vwe ohri re ihwo rọye, Ọrovwohwo Ọghẹnẹ rọye nene dia. E jo kpo.

Ezra 1:2

Enẹ Sairọs ovie ri Pẹsha tare: Ọrovwohwo Ọghẹnẹ rẹ Odjuvwu na, reyọ uvie rẹ akpo na ejobi vwọ kẹ vwẹ, o de ji urhi kẹ vwẹ nẹ me ra bọn uwevwi kẹ ọye vwi Jerusalẹm ri Juda.

Aizaya 40:24

Ugbegangan a vwọ kọn ayen, ugbegangan e vwo voro, ugbegangan ugbẹn rayen vwọ dje ruotọ, ọke rẹ odju de dju ayen re ki phiorọ, aphopho ko djuẹ ayen yanran kerẹ iphopho.

Aizaya 41:25

Me kpare ophu rẹ ohwo ọvo nẹ obọhwẹrẹ ọnre rhe, Ọ ghine rhe nure, nẹ evacha rẹ ọnre rhe, ko se odẹ mẹ; ko che chiyi isun na muotọ kerẹ odo, kirobo rọ ọmẹma na chiyi ekpẹn.

Aizaya 41:3

Ọ vwọ tua ayen ọ me djẹ vrẹn ayen gbẹrhẹnẹdẹ vwẹ idjerhe rọ je nene dẹvo-o

Aizaya 42:6

Mẹvwẹ Ọrovwohwo, vwẹ evun rẹ ọvwata mẹ mi de se we, Me yọnrọn owẹ obọ mẹ da sẹro wẹ, Me da vwẹ owẹ kerẹ ọphọ vwọ kẹ ihwo na, urhukpẹ vwọ kẹ ẹgborho na,

Aizaya 45:1

Enẹ Ọrovwohwo tare kẹ ọmọ rọye rọ vwẹ evwri ghworo na Sairọs, re me yọnrọn obọrhe rọye na, re mi phi irere na kua kẹ na re Me ban ivie phihọ keẹ, re mi rhie ẹchẹ phihọ hẹrhẹ rere e je ẹchẹ yena ehuho,

Aizaya 45:13

Me kparọ vwẹ ọvwata mẹ, ki mi ru idjerhe rọye ejobi phiọnphiọn, kọ bọn orere mẹ ighuvwu Me ke siobọ nẹ ayen, ọ dia ọ rẹ osa eyẹ ẹse-e, eriyin Ọrovwohwo rẹ otuofovwi na tare.

Aizaya 46:11

se ọmọphran rọ djoma nẹ obaro ọnre rhe, ọvwiroro mẹ nẹ orere rọ he ogboko rhe. Me ta nure, Mi ji se ruo gba, Me je iroro nure, ki Mi ruo.

Aizaya 48:15

Mẹvwẹ, Mẹvwẹ vẹ ekpuyovwi Mẹ ta nure mi ji se nure, Mẹvwẹ re reyerọ rhe, ko yovwi kẹ vwẹ idjerhe rọye,

Uvwerhe 1:15

Ọrovwohwo da phọphọ egba re hẹ uherevie mẹ. O de se otu vwọ so ovwẹ rọ guọghọ imighene mẹ; Ọrovwohwo chihi emetobẹ ri Juda kerẹsiẹ re de chihi vain.

Hibru 7:1

Kidie Mẹlkizẹdẹk nana, ovie ri Salẹm, orherẹn rẹ Ọghẹnẹ ro me kpenu, ọye re vwa Ebraham ro vwo nẹ ofovwi rẹ ihwehwe rẹ ivie cha ọ da nẹ ẹrhovwo kẹ;

Ẹvwọphia 16:12

Amakashe resan de ku udjokpo rọye phihọ urhie rode na Yufretis, ame rọye da kpọ yamu, rere ivie re hẹ obaro ọnre vwọ mrasan wan.

Ẹvwọphia 7:2

Etiyin me da mrẹ amakashe ọfa ro yere kpenu nẹ obaro ọnre cha, vẹ usiaphrẹ rẹ Ọghẹnẹ ri bẹdẹ na vwẹ obọ, ọ da va se emakashe enẹ na ra vwẹ ogangan kẹ nẹ e guọghọ akpọ na kugbe abadi na,