Aizaya 41:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Ki mi rhie urhie rẹ ame vwẹ ugbenu oyaya na, ogbugbu ke varhe vwẹ iyara na, ki mi hirhe aghwa na phihọ oku rẹ ame, otọ ọyaya na ko hirhe phihọ ogbugbu rẹ ame.

Aizaya 41:18 ပူးပေါင်းရင်းမြစ်များ

Une rẹ Ejiro 104:10

Wọwẹ re nẹrhẹ ogbugbu na va nẹ iyara na rhe, re dje vwẹ uvwre rẹ igbenu na.

Une rẹ Ejiro 105:41

O de rhie oragha, ame da mwavwe no rhe; ọ da dje ọkẹre wan aton na kerẹ urhie.

Une rẹ Ejiro 107:35

Ọ rhẹriẹ aton phihọ ẹtẹrhe rẹ ame, otọ ọyaya phihọ ogbugbu rẹ ame.

Une rẹ Ejiro 126:4

Rhan ughwẹ rẹ avwanre rhivwi rhe, E Ọrovwohwo, kerẹ urhie rẹ ọkẹre vwẹ obi Negẹb!

Une rẹ Ejiro 46:4

Urhie ọvo herọ rẹ ọkẹre rọye nẹrhẹ oma vwerha orere rẹ Ọghẹnẹ, ẹdia re ọfuanfon rẹ Ọro Me Kpenu.

Aizaya 12:3

Aghọghọ wo vwo vo ame nẹ erhanre rẹ esivwo na rhe.

Aizaya 30:25

Vwi kenu kenu rẹ ugbenu rọ kpenu gangan kugbe igbenu itete na ejobi ke cha vọn ve etẹrhe re dje ve ame, vwẹ ẹdẹ rẹ ehwe rode na, re eherhe na de che she.

Aizaya 32:2

Ovuọvo ko dia kere asan odjahọ vwọ ke aphọpho, Urhurho vw ọ ọke re ọgiribọ, kere uto re ame vwe otọ oyaya, kerẹ uhoho re oragha rode vwe otọ ophephe

Aizaya 33:21

Ẹkẹvuọvo Ọrovwohwo na ro vwo ọrho ọ vẹ avwanre obọ asan rọ vọnre ve irhie eliehere vẹ itọ ride, asan re ọkọ re inaweri je se te, eye ekpo re erhanre ride je sa wan.

Aizaya 35:1

Aghwa na kugbe otọ ọyaya na ke cha ghọghọ, aton na cha ghọghọ rọ de di ẹbe gbidigbidi, kerẹ igbodigbo,

Aizaya 44:3

Kidie mi ku ame phihọ otọ rẹ ọsha, ito ke dje nẹ otọ ọyaya rhe, Ki mi ku Erhi mẹ ku uvwiẹ wẹn erhọvwo mẹ vwọ kẹ emọ wẹn.

Aizaya 48:21

Ro vwo sun ayen wan aton na urhuru rẹ ame si aye-en; ọ da vwẹ ame nẹ oragha kẹ ayen da; ọ bẹre oragha na ame da mwavwe no rhe.

Aizaya 58:11

Ọrovwohwo ko sun we kọke kọke, kọ vwẹ emu esiri vọn ẹguọuọ wẹu evun, kọ ru ibeku wẹn gan, ku wọ họhọ ogba re ku ame ku, kere ogbugbu rẹ ame, rẹ ame rọye jẹ ẹkpọ.

Aizaya 65:13

Fiki rẹ ọtiọye na enẹ Ọrovwohwo Ọghẹnẹ tare: Nighere, idibo Mẹ cha re emu, ẹkẹvuọvo owẹvwe che hwe we, nighere, idibo mẹ cha da udi, ẹkẹvuọvo urhuru che hwe we, nighe, idibo Mẹ cha ghọghọ, ẹkẹvuọvo oma cha vo owẹ,

Joẹl 3:18

Vwẹ ẹdẹ yena udi ọvwevwerhe ko che sun nẹ igbenu na rhe, ame-ivie ki che sun nẹ igbenu itete na rhe, ukpọkẹre ri Juda ejobi ke cha djẹ ọkẹre rẹ ame, ogbugbu ọvo kọ cha djẹ nẹ uwevwi rẹ Ọrovwohwo rhe kọ cha kpọrhọ iyara ri Shitim.

Zekaraya 14:8

Ame ra arhọ cha djẹ nẹ Jerusalẹm rhe vwẹ edẹ yena, ubrọvo rayen da djẹ kpo urhie rọ he obaro ọnre ubrọvo rayen da djẹ kpo urhie rẹ obuko ọnre, ọ cha djẹ vwẹ ọkiuvo kerẹ ọke ohwahwa.

Ẹvwọphia 22:1

Etiyin ọ da vwẹ urhie rẹ ame rẹ arhọ na vwọ nẹ vwẹ, ọ pha ghologholo, rọ djẹ nẹ ekete rẹ Ọghẹnẹ na kugbe ọ rẹ Omogodẹ na cha

Ẹvwọphia 7:17

Kidie Omogodẹ na rọ hẹ uherevie rẹ ekete na kọ dia osuigegede rayen, ko sun ayen kpo ogbugbu rẹ arhọ na; Ọghẹnẹ ko rhie ameoviẹ nẹ ayen ẹro.

Iguẹdjọ 15:19

Ọghẹnẹ da bẹrẹ ukpotọ ọvo rhie phihọ vwi Lẹhi; ame da djẹ nẹ evun rọye rhe; ọke rọ vwọ da ame na nu, erhi rọye de bro rhe, oma rọye de rherhevi. Eriyin na e de mu odẹ kẹ asan na nẹ Enhakkọre; asan na je herọ vwi Lẹhi rhi te nonẹ na.