Aizaya 41:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Ọke rẹ ovwiogbere vẹ ọ re akpọ bẹn da guọnọ ame, ye ame herọ-ọ, re ẹrenvwe rọye da yamu vẹ urhuru rẹ ame, Mẹvwẹ rẹ Ọrovwohwo re sa kpahe kẹ ayen, Mẹvwẹ Ọrovwohwo rẹ Izrẹl na sa sen aye-en

Aizaya 41:17 ပူးပေါင်းရင်းမြစ်များ

Jẹnẹsis 28:15

Nighe, Me vẹ owẹ herọ ke Me sẹro wẹ vwi kasan kasan wọ rare ejobi, ke Me vwẹ owẹ rhe otọ nana, kidie Me sa yan ju we vwo-o bẹsiẹ mi vwo ru eta nana re Me ta kẹ wẹ na ejobi gba.

1 Ivie 17:8

Etiyin ota rẹ Ọrovwohwo de bro rhe,

2 Ikun rẹ Ivie 6:17

Asakiephana, E Ọrovwohwo, Ọghẹnẹ rẹ Izrẹl, gbẹ jẹ ota wẹn sẹ, ọ re wọ ta kẹ odibo wẹn Devid.

Une rẹ Ejiro 22:15

Ogangan mẹ yamu kere igbephẹre, ẹrẹnvwe mẹ yamu vwe ọhwa, wọ da vwẹ ovwẹ sherhẹ ekpẹn rẹ ughwu.

Une rẹ Ejiro 34:6

Ovwiogbere nana kperi se, Ọrovwohwo de nyo kẹ, o de sivwo nẹ ukpokpogho rọye ejobi.

Une rẹ Ejiro 37:25

Me dia omotete jovwo re, vwẹ asakiephana me rha ghwore; ẹkẹvuọvo me je mrẹ ọvwata ra senre-e eyẹ emọ rọye re yare emu re ke ria-a.

Une rẹ Ejiro 42:2

Urhuru rẹ Ọghẹnẹ si ẹnwẹ mẹ, kidie wẹ Ọghẹnẹ ro jeghwo Ọkevọ me cha vwọ mrẹ opharo re Ọghẹnẹ?

Une rẹ Ejiro 50:15

rere wo se vwe vwe ọke rẹ ukpokpogho, ki mi sivwi uwe, ru wọ da vwẹ urinrin kẹ vwẹ.

Une rẹ Ejiro 74:21

Wo jẹn ihwo ra tua muotọ mrẹ oma-vọvwẹ-ẹ, jẹn ivwiogbere vẹ otu rẹ akpọ bẹn jiri odẹ wẹn.

Une rẹ Ejiro 94:14

Kidie Ọrovwohwo cha sen ihwo rọye-e ọ cha djẹ je ireuku rọye vwọ-ọ,

Ẹyano 17:3

Ẹkẹvuọvo urhuru rẹ ame de hwe ihwo na vwẹ etiyin, ihwo na de gun Mosis, ayen da ta, Die wọ vwọ reyọ avwanre nẹ otọ rẹ Ijipt rhe, rhe vwọ vwẹ urhuru rẹ ame hwe avwanre vẹ emọ rẹ avwanre kugbe uchuru rẹ avwanre?

Ẹyano 17:6

Nighe, Mi che mudia vwẹ obaro wẹn vwẹ asan oragha vwẹ obi Horẹb; ku wọ teye oragha na, ame ko che nẹ evun rọye rhe, rere ihwo na da. Mosis de ru ọtiọye, vwẹ irharo rẹ ekpako rẹ Izrẹl na.

Aizaya 30:19

Uyota, E ihwo ri Zayọn re dia Jerusalẹm, wa gbe cha viẹ ọfa-a. Vwe uyota ko ni aruẹdọn ke we vwe ọke wọ da viẹ se, ọke ro de nyo ko kpahe ke wẹ.

Aizaya 42:16

Ki mi sun irhuẹro wan idjerhe rẹ ayen je riẹn dẹvo-o, vwe ada rẹ ayen jẹ rie-ẹn ki Mi sun ayen. Me rhẹriẹ ebri rọ hẹ obaro rayen phihọ urhukpẹ, asan chochohri ki mi ruo riẹriẹriẹ Enana keye imu ri mi che ru, Me gba cha sen aye-en.

Aizaya 43:20

Eranvwe re djoma na se mu na ọghọ kẹ vwẹ, te erha te ogomugorọ, kidie Mi phi ame phiyọ evun rẹ aghwa, irhie phiyọ evun rẹ aton, re ihwo Me jẹreyọ vwọ mrẹ da,

Aizaya 44:3

Kidie mi ku ame phihọ otọ rẹ ọsha, ito ke dje nẹ otọ ọyaya rhe, Ki mi ku Erhi mẹ ku uvwiẹ wẹn erhọvwo mẹ vwọ kẹ emọ wẹn.

Aizaya 48:21

Ro vwo sun ayen wan aton na urhuru rẹ ame si aye-en; ọ da vwẹ ame nẹ oragha kẹ ayen da; ọ bẹre oragha na ame da mwavwe no rhe.

Aizaya 49:10

owẹvwe eye urhuru rẹ ame che hwe aye-en, eye uvo gbaegbae vẹ odju che mu aye-en, kidie ohwo rọ re ehrọre kẹ ayen ko sun ayen, vwẹ oma rẹ ova rẹ ame kẹ etiyin e de sun ayen.

Aizaya 55:1

Ohwo kohwo rẹ urhuru rẹ ame hwe, yanrhe asan ame na, ohwo ro vwo igho-o, yanrhe, de wọ re! Yanrhe, dẹ udi vẹ ame rẹ Ivie, ọphe o vwo unu-u.

Aizaya 58:11

Ọrovwohwo ko sun we kọke kọke, kọ vwẹ emu esiri vọn ẹguọuọ wẹu evun, kọ ru ibeku wẹn gan, ku wọ họhọ ogba re ku ame ku, kere ogbugbu rẹ ame, rẹ ame rọye jẹ ẹkpọ.

Aizaya 61:1

Erhi rẹ Ọrovwohwo Ọghẹnẹ ọ he oma mẹ, fikiridie ọ vwẹ evwri ghworo uvwe Me vwọ ghwẹ ikun esiri na rhe ihwo re kpokpo, o ji vwe rhe gba udu ro vwirhiri koko, rhi ghwoghwo egbemọphẹ kẹ ighuvwu, esiobọno kẹ ihwo re hẹ uwodi;

Aizaya 62:12

Ke se ayen ihwo efuanfon na, re Ọrovwohwo tan hirhe, ke se we nẹ Aguọnọ phia, orere re jẹ siọ.

Aizaya 65:13

Fiki rẹ ọtiọye na enẹ Ọrovwohwo Ọghẹnẹ tare: Nighere, idibo Mẹ cha re emu, ẹkẹvuọvo owẹvwe che hwe we, nighere, idibo mẹ cha da udi, ẹkẹvuọvo urhuru che hwe we, nighe, idibo Mẹ cha ghọghọ, ẹkẹvuọvo oma cha vo owẹ,

Aizaya 65:24

Tavwe re ayen ki se ki mi nyo, re ayen je vwo ta ota na ki Mi nyo ayen.

Aizaya 66:2

Imu nana ejobi na abọ Mẹ re ma ayen, ọtiọye na imu nana ejobi kẹ emẹ, eriyin Ọrovwohwo tare. Ẹkẹvuọvo Ọnana hẹ ohwo ri mi che ni so, ohwo ro ruẹ dẹndẹn rẹ udu rọye fonro, rọ phariẹ gbe ota Mẹ

Jerimaya 31:25

Kidie mi che ru ẹnwẹn rẹ oma rhọ gan, me cha rhọvwọ, ẹnwẹn kẹnwẹn rẹ oma rhọ.

Uvwerhe 4:4

Ẹrẹvwe rẹ ọmọ ro vie evie yamuo ọhwa fiki rẹ urhuru rẹ ame, emọ na herọ yara emuọre, ẹkẹvuọvo a mrẹ ohwo rọ kẹ aye-en.

Izikiẹl 47:8

Ọ da ta kẹ vwẹ, Ame nana djẹ kpo ubrakpọ rẹ obaro ọnre yanran re fi obo Araba; ọke rẹ ame na da ra djẹ ro ame rẹ abadi na ro mudje kei na, ame na kọ cha vwerha.

Matiu 5:3

Ebruba kẹ igbere vwẹ erhi; kidie uvie rẹ odjuvwu kọ dia ọrayen.

Matiu 5:6

Ebruba kẹ ihwo rẹ owẹvwe rẹ ọvwata hwe; kidie evun cha vọn ayen.

Iyẹnrẹ Esiri ri Luk 16:24

Ọ de se, Ọsẹ, Ebraham, ni arodọvwẹ mẹ re wo ji Lazarọs ro duvwu ẹroro rẹ urhiabọ rọye phihọ ame ro suo re ẹrenvwe mẹ re oma djiro uvwe; kidie oma gidi uvwe vwẹ erhanre nana.

2 Kọrẹnt 12:9

ẹkẹvuọvo ọ da ta kẹ vwẹ, Ẹserọphẹ mẹ te kẹ wẹ, kidie vwẹ evun rẹ ovwiẹrẹ e de ru ogangan mẹ gba. Ke me ghọghọ san vwẹ evun rẹ ovwiẹrẹ mẹ, rere ogangan ri Kristi vwọ dia vwẹ oma.

Ẹvwọphia 21:6

Ọ da ta kẹ vwẹ, Ọ rere! Mẹvwẹ Ẹsosuọ kugbe Oba, ẹtuọhọ kugbe ure. Ke me vwẹ ame rẹ ọphẹ ri mi vo nẹ ogbugbu rẹ arhọ na kẹ ohwo kohwo rẹ urhuru rẹ ame hwe.

Ẹvwọphia 22:17

Erhi na kugbe Ọpha na ta, Yanrhe. E jẹn ohwo ro nyori ta, Yanrhe. E jẹn ohwo rẹ urhuru rẹ ame hwe yanrhe, e jẹn ohwo rọ guọnọre da ame rẹ arhọ na ọphẹ.