Aizaya 41:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Wọ djẹ oshọ-ọ, we ri Jekọp re ohori, ovwan ihwo rẹ Izrẹl! Me sa cha we uko, eriyin Ọrovwohwo tare, Ọtan wẹn ọye Ọfuanfon Ọvuọvo rẹ Izrẹl na.

Aizaya 41:14 ပူးပေါင်းရင်းမြစ်များ

ỌBE RẸ JOB 19:25

Kidie me riẹnre nẹ Ọ rọ tavwẹ hirhe herọ nẹ o che mudia enu rẹ akpọ na vwẹ ukuko rọye,

ỌBE RẸ JOB 25:6

siẹvọ kẹ ohwo rẹ akpọ, rọ hẹ ohori kugbe ọmọ rẹ ohwo, rẹ hẹ udidẹn diodi.

Une rẹ Ejiro 19:14

Gbe je eta rẹ unu mẹ kugbe umẹ rẹ udu mẹ i fo ẹreyọ vwẹ obaro wẹn E Ọrovwohwo, oragha mẹ kugbe ọ rọ tan vwẹ hirhe.

Une rẹ Ejiro 22:6

Ẹkẹvuọvo mẹvwẹ ohori ghevweghe, me dia ohwo-o mẹvwẹ re ihwo mienu phihọ, rẹ ihwo ejobi jẹfia.

Une rẹ Ejiro 46:5

Ọghẹnẹ o hẹ uherevie rọye, e gbi se ghwie-e; Ọghẹnẹ cha uko phẹrẹkpẹ;

Une rẹ Ejiro 78:35

Ayen da karohọ nẹ Ọghẹnẹ oragha rayen, nẹ Ọ ro Me Kpenu ọye ọtan rayen.

Aizaya 35:10

Ihwo ra tan hirhe rẹ Ọrovwohwo ọvo ri che rhivwi, rhe Zayọn vẹ ine ẹsuọ, vẹ aghọghọ ri bẹdẹ na vwẹ uyovwi rayen, kẹ ayen vwo aghọghọ vẹ omavwerhe, oja vẹ unuẹfiọn ke dje ghwru.

Aizaya 37:4

Okeọvo ọ me dianẹ Ọrovwohwo rẹ Ọghẹnẹ wẹn nyo eta ri Rabshekeh, re onini rọye ovie rẹ Asiria ji rhe rhe vwẹ Ọghẹnẹ ri bẹdẹ na jehwẹ, rọ da ghwọ fiki rẹ eta na rẹ Ọrovwohwo rẹ Ọghẹnẹ wẹn nyori na; fiki rẹ ọtiọye na gbe jẹn ẹrhovwo ovwan guvwie kpenu vwọ kẹ umuche ihwo ri chekọ.

Aizaya 41:10

wọ dje oshọ-ọ, kidie me vẹ owẹ herọ, wo jẹ ofu dje we-e, kidie Mẹvwẹ Ọghẹnẹ wẹn, Me kẹ wẹ ogangan, Me cha wẹ uko, Me vwẹ obọrhe mẹ rẹ ephiokparobọ na vwọ yọnrọn owẹ.

Aizaya 43:14

Enẹ Ọrovwohwo tare, Ọtan wẹn, Ọfuanfon Ọvuọvo rẹ Izrẹl na. Fiki wẹn Mi vwo ji ikọn kpo Babilọn ve vwirhi egbẹ rẹ itehru rayen, unuebo rẹ ihwo ri Kaldia cha rhoma hirhe phiyọ ovie.

Aizaya 43:3

Kidie Mẹvwẹ Ọrovwohwo Ọghẹnẹ wẹn, Ọfuanfon Ọvuọvo rẹ Izrẹl na, Osivwi wẹn Mi phi Ijipiti phihọ ijọpha kẹ wẹ. A vwe Etiọpia kugbe Seba vwo wene kẹ wẹ

Aizaya 44:22

Mi hwerhe orukuruku wẹn kerẹ ikoro, umwemwu wẹn kerẹ evwru, rhivwi rhe, kidie me tan wẹ nure.

Aizaya 44:24

Enẹ Ọrovwohwo tare, Ọtan wẹn, rọ mama owẹ nẹ evun rhe: Mẹvwẹ Ọrovwohwo, rọ ma emu ejobi rẹ ọye ọvo vwẹ idjuvwu na tan, rọ riẹn akpọ na phihọ–Kono vẹ ovwẹ gba herọ

Aizaya 44:6

Enẹ Ọrovwohwo tare nẹ, Ovie rẹ Izrẹl vẹ Ọtan rọye Ọrovwohwo rẹ otuofovwi na: Mẹvwẹ ọ rẹ ẹsosuọ Mẹvwẹ ọ rọ ka oba Ọghẹnẹ ọfa gbe herọ vrẹn vwẹ-ẹ.

Aizaya 47:4

Ọtan rẹ avwanre–Ọrovwohwo re otuofovwi na he odẹ rọye– ọye Ọfuanfon Ovuọvo re Izrẹl na

Aizaya 48:17

Enẹ Ọrovwohwo tare, Ọtan wẹn, Ọfuanfon Ọvuọvo rẹ Izrẹl na. Mẹvwẹ Ọrovwohwo Ọghẹnẹ wẹn, ro yono uwe vwọ mrẹ erere, ro sun we vwẹ idjerhe ru wọ cha wan na.

Aizaya 49:26

Mi ru otu ri shenyẹ wẹn vwọ re uvwo rẹ omobọ rayen, ọbara rẹ omobọ rayen ko che mu ayen kere udi. Etiyin ihwo ejobi ke riẹn nẹ Mẹvwẹ Ọrovwohwo Osivwi wẹn, Ọtan wẹn, Ọgba Ọvuọvo ri Jekọp.

Aizaya 49:7

Enẹ Ọrovwohwo tare, Ọtan rẹ Izrẹl kugbe Ọfuanfon Ọvuọvo rọye na, vwọ ke ọvo ra jẹfia gangan, ro tu ẹgborho na oma, odibo rẹ isun na. Ivie ke mrẹ ki vrẹn; isun, kugbe ayen ki she diguẹ; fiki rẹ Ọrovwohwo, rẹ ohwo rẹ uyota, Ọfuanfon Ọvuọvo rẹ Izrẹl na, rọ je wẹn reyọ na.

Aizaya 54:5

Kidie Oma rọ ma wẹ ọye ọshare wẹn, Ọrovwohwo rẹ otuofovwi na ọye odẹ rọye; Ọfuanfon Ọvuọvo rẹ Izrẹl na ọye Ọtan wẹn Ọghẹnẹ rẹ akpọ ejobi ọye e se.

Aizaya 54:8

Vwẹ ophu mẹ rọ mwavwa hwẹ vwẹ ọmọke Mi de si opharo nu kẹ wẹ, ẹkẹvuọvo vwẹ ẹguọnọ ri bẹdẹ ke Me re ehrọre wẹ, eriyin Ọrovwohwo tare, Ọtan wẹn.

Aizaya 59:20

Kọ cha rhe Zayọn kerẹ Ọtan, bru otu ri Jekọp ri kurhẹriẹ nẹ ogbigbiru, eriyin Ọrovwohwo tare.

Aizaya 60:16

Wo che viẹ ame ivie rẹ ẹgborho na, ku wo viẹ ivie rẹ ivie; ku wọ riẹn nẹ Mẹvwẹ, Ọrovwohwo na, Osivwi wẹn Ọtan wẹn, Ọgba Ọvuọvo ri Jekọp na.

Aizaya 63:16

Kidie we he Ọsẹ rẹ avwanre, dede na nẹ Ebraham riẹn avwanre-e , Izrẹl je mrẹ avwanre vughe-e, we, E Ọrovwohwo, ọye Ọsẹ rẹ avwanre, Ọtan rẹ avwanre nẹ ọke rẹ awanre rhe ọye odẹ wẹn.

Jerimaya 46:27

Ẹkẹvuọvo wọ djẹ oshọ-ọ, E Jekọp odibo mẹ, wo ji brudu-u, E Izrẹl; kidie gbe nighe, me cha dia ogboko de sivwi uwe, ivwrọmọ wẹn nẹ otọ rẹ ighuvwu rayen rhe. Jekọp che rhivwi rhe dẹndẹn vẹ omaefuo, ohwo rha nẹrhẹ phihọ oshọ-ọ.

Jerimaya 50:34

Ọ rọ tan ayen hirhe na ogba ọgangan, Ọrovwọhwo rẹ otuofovwi na ọye odẹ rọye. O che mie ayen unu vwo gun, rere ọ vwọ mrasan kẹ akpo na omerovwo, ẹkẹvuọvo ọdjorho kọye dia kẹ ihwo ri Babilọn.

Uvwerhe 3:57

Wo de ghine sikẹrẹ ovwẹ vwẹ ọke re mi vwo se we, wọ da ta, ‘Wọ djẹ oshọ-ọ!’

Daniẹl 10:12

Etiyin ọ da ta kẹ vwẹ wọ djẹ ọshọ-ọ, Daniẹl, kidie rhanvwẹ ẹdẹ rẹsosuọ ru wọ vwọ vwẹ udu kpahe otọ vwọ kẹ ẹruọ rẹ ọta na wọ ke rha vwẹ oma kpotọ vwẹ obaro rẹ Ọghẹnẹ wẹn na, eta wẹn enyo ayen, ke me rhere fiki rẹ eta wẹn na.

Hosia 11:9

Ki mi gbobọnyẹ ophu ọtuatua mẹ na, Me gbe sa guọghọ Ifremu-u, kidie Mẹvwẹ Ọghẹnẹ me dia ohwo rẹ akpọ-ọ, Ọfuanfọn Ọvuọvo vwẹ uherevie rẹ ovwan, Me gba rha rhe rhe ghwọrọ-ọ.

Matiu 7:14

Kidie idjerhe rẹ uyota na pha hwahwa phiọnphiọn, ọye ọ rẹ arhọ na; ihwo tutuno re sa guọnọ mrẹ.

Iyẹnrẹ Esiri ri Luk 12:32

Wa djẹ oshọ-ọ, imigegede mẹ, kidie evun esiri rẹ Ọsẹ na rọ vwọ vwẹ uvie na kẹ ovwan.

Ọbe ri Pọl si rhe Ihwo ri Rom 9:27

Aizaya de ghwoghwo kpahe Izrẹl. Owenẹ emọ rẹ Izrẹl bu kerẹ ibiekpẹn rẹ abadi, umuku rẹ ayen re cha rhọ;

Galesha 3:13

Kristi tan avwanre nẹ ekan rẹ urhi na nure, ekpuyovwi rọye da rhoma rhi hirhe phihọ ekan fiki re avwanre kidie e siro, Ekan kẹ ohwo kohwo ro churu ughwu vwẹ enu rẹ urhe.

Urhi Rivẹ 7:7

Ọrovwohwo guọnọ ovwan ọ da sanọ ovwan, vwi fiki rẹ ebuo rẹ ovwa-an kidie ovwan re ma hanvwe kparobọ vwẹ ihwo na ejobi;

Taitọs 2:14

Ohwo rọ vwẹ oma rọye kẹ avwanre rọ vwọ tan avwanre nẹ orukuruku ejobi kugbe ro vwo ru avwanre fon kẹ oma rọye ihwo rẹ obọ rọye ri vwo oruru kẹ iruo esiri.

Joshua 17:18

ẹkẹvuọvo orho rọ hẹ obenu rẹ ugbenu na ejobi kọ dia ọ rẹ ovwan owene ọ dia egbo dede, ovwan wan rere ọ dia ọ rẹ ovwan re duvwu asan re ughwru rọye bare; kidie wa cha dje ihwo ri Kenan na no, owene ayen vwo idjighere rẹ utehru dede, owene ayen gan oma.

Ẹvwọphia 5:9

ayen da so une ọkpokpọ, tanẹ, Wọwẹ hẹ ohwo ro fori rọ sa reyọ ọbe na ro de se rhie isiaphrẹ rọye, kidie e hwe we jovwo ọbara wẹn kọye wọ vwọ tan ihwo hirhe kẹ Ọghẹnẹ nẹ orua korua kugbe ephẹrẹ kugbe ihwo kugbe ẹgborho,