Aizaya 41:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Kidie Mẹvwẹ, rẹ Ọrovwohwo Ọghẹnẹ wẹn, yọnrọn obọrhe wẹn, Mẹvwẹ re ta kẹ wẹ, Wọ djẹ oshọ-ọ Me sa cha wẹ ukọ.

Aizaya 41:13 ပူးပေါင်းရင်းမြစ်များ

Une rẹ Ejiro 109:31

Kidie o mudia vwẹ obọrhe rẹ ohwo rẹ akpọ bẹn, ro sivwo nẹ obọ rẹ otu ri brorhiẹ re ughwu hwe.

Une rẹ Ejiro 118:7

Ọrovwohwo vẹ ovwẹ obọ ro cha vwẹ ukọ; ki mi ni vẹ obọẹkparọ otu rẹ ihwo ejobi ri tuoma mẹ.

Une rẹ Ejiro 63:8

Ẹnwẹ mẹ tamu uwe gbae, obọrhe wẹn yọnrọn ovwẹ.

Une rẹ Ejiro 73:23

Ẹkẹvuọvo me vẹ owẹ herọ kọke kọke, wọwẹ re yọnrọn obọrhe mẹ.

Ẹyano 14:13

Mosis da ta kẹ ihwo na, Wa djoshọ-ọ, we mudia gan, re wa mrẹ esivwo rẹ Ọrovwohwo na, ro che ru kẹ ovwan nonẹ na, kidie ihwo rẹ Ijipt re wa mrẹ nonẹ na, wa gbe cha mrẹ ayen ọfa-a.

Ẹyano 20:20

Mosis da ta kẹ ihwo na, Wa djẹ oshọ-ọ, kidie Ọghẹnẹ rhe davwe ovwan ni, rere oshọ rọye vwọ dia ẹro rẹ ovwan, rere we jẹ imwemwu eruo.

Aizaya 41:10

wọ dje oshọ-ọ, kidie me vẹ owẹ herọ, wo jẹ ofu dje we-e, kidie Mẹvwẹ Ọghẹnẹ wẹn, Me kẹ wẹ ogangan, Me cha wẹ uko, Me vwẹ obọrhe mẹ rẹ ephiokparobọ na vwọ yọnrọn owẹ.

Aizaya 42:6

Mẹvwẹ Ọrovwohwo, vwẹ evun rẹ ọvwata mẹ mi de se we, Me yọnrọn owẹ obọ mẹ da sẹro wẹ, Me da vwẹ owẹ kerẹ ọphọ vwọ kẹ ihwo na, urhukpẹ vwọ kẹ ẹgborho na,

Aizaya 43:6

Ke Me ta kẹ obohwẹre ọnre, siobọ wẹn nẹ ayen, kẹ obọrhe ọnre, Wọ gbe yọnrọ-ọn, reyọ emọ Mẹ nẹ ogboko rhe emetẹ Mẹ nẹ ẹtan rẹ akpọ na rhe,

Aizaya 45:1

Enẹ Ọrovwohwo tare kẹ ọmọ rọye rọ vwẹ evwri ghworo na Sairọs, re me yọnrọn obọrhe rọye na, re mi phi irere na kua kẹ na re Me ban ivie phihọ keẹ, re mi rhie ẹchẹ phihọ hẹrhẹ rere e je ẹchẹ yena ehuho,

Aizaya 51:18

Ovwo ohwo ọvuọvo ro suo-o vwẹ usun rẹ emọ rọ vwiẹri na, o vwo ohwo ọvuọvo rọ yọnrọn obọ-ọ vwẹ usun rẹ emọ rọ yọnre ghwẹro na.

Jerimaya 30:10

Wọ gbe djẹ oshọ-ọ, E Jekọp odibo mẹ, eriyin Ọrovwohwo tare, wo bru udu-u, E Izrẹl, kidie gbe no, mi che sivwi we nẹ ogboko rhe, emọ wẹn nẹ otọ rẹ ighuvwu rhe. Jekọp che rhivwi rhe o mi vwo ofuvwegbe, ohwo ro djẹ osho muo gbe dia-a.

Jerimaya 46:27

Ẹkẹvuọvo wọ djẹ oshọ-ọ, E Jekọp odibo mẹ, wo ji brudu-u, E Izrẹl; kidie gbe nighe, me cha dia ogboko de sivwi uwe, ivwrọmọ wẹn nẹ otọ rẹ ighuvwu rayen rhe. Jekọp che rhivwi rhe dẹndẹn vẹ omaefuo, ohwo rha nẹrhẹ phihọ oshọ-ọ.

Hegae 2:5

Kerẹ ive re me vẹ ovwan veri vwẹ ọke we vwo nẹ otọ rẹ Ijipt rhe. Erhi mẹ ọ hẹ ohri rẹ ovwan; wa djẹ oshọ-ọ.

2 Timoti 4:17

Ẹkẹvuọvo Ọrovwohwo de mudia cha vwẹ ọ da kẹ ogangan mi vwo ghwoghwo ota na gbagba, rere ihwo ri Keferi na ejobi vwo nyo. Vwẹ ọtiọye na e vwo sivwi uvwe nẹ unu rẹ okpohrokpo na.