Aizaya 40:31 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³¹ ẹkẹvuọvo ihwo re hẹrhẹ Ọrovwohwo cha rhiọ ogangan rayen, ke cha tan ibekpe kerẹ ugo, ayen cha dje oma ghwọrọ aye-en, ayen cha yan oma che ro aye-en

Aizaya 40:31 ပူးပေါင်းရင်းမြစ်များ

ỌBE RẸ JOB 17:9

Yẹ ọvwata ji churu obọ mu idjerhe rọye, ohwo rẹ abọ rọye fonro ra gan phihọ.

Une rẹ Ejiro 103:5

rọ vwẹ emu esiri vwọ vọn wẹn evun uche ọke wọ dia akpọ na krite rere ọmoha wẹn rhoma dia ọkpokpọ kere ugọ.

Une rẹ Ejiro 123:2

Nighe, kirobo rẹ ẹro rẹ idibo nẹ obọ rẹ onini rayen, kirobo rẹ ẹro rẹ ọmọtukoli nẹ obọ rẹ inene rọye, Ọtiọye ẹro rẹ avwanre nẹ Ọrovwohwo Ọghẹnẹ rẹ avwanre, bẹsiẹ ro vwo ni aruẹdọ rẹ avwanre.

Une rẹ Ejiro 138:3

Vwẹ ẹdẹ ri mi vwo se, wo dẹ nyo vwe, ogangan rẹ ẹnwẹ mẹ wo ruro bu.

Une rẹ Ejiro 20:9

Vwẹ obọẹkparọ kẹ ovie, E Ọrovwohwo, nyo avwanre vwẹ ọke mi de se.

Une rẹ Ejiro 25:21

Jẹn evun ọfuanfon vẹ ọsoso sẹro mẹ, kidie me hẹrhẹ owẹ.

Une rẹ Ejiro 25:3

E, wo jẹn ohwo rọ hẹrhẹ owe mrẹ omavovwẹ-ẹ, jẹn oma vo ayen otu re họrhọ ro umwemwu eruo ghevweghe.

Une rẹ Ejiro 25:5

Sun vwe wan evun rẹ uyota, re wo yono uvwe, kidie wẹ Ọghẹnẹ rẹ esivwo mẹ; kidie wẹ me hẹrhẹ vwẹ ẹdẹ na ejobi.

Une rẹ Ejiro 37:34

Hẹrhẹ Ọrovwohwo, rere wọ sẹro rẹ idjerhe rọye, kọ kpare owẹ kpenu ra re ughwẹ re otọ na; ẹro wẹn kọ cha mrẹ ẹghwọrọ rẹ oruimwemwu.

Une rẹ Ejiro 40:1

Mi hwe oma mu hẹrhẹ Ọrovwohwo; ọ ka erhọn mẹ o de nyo oviẹ mẹ.

Une rẹ Ejiro 84:7

Ayen yan nẹ ogangan ra ro ogangan; Ọghẹnẹ rẹ eghẹnẹ ejobi ka mrẹ vwi Zayọn.

Une rẹ Ejiro 84:8

E Ọrovwohwo Ọghẹnẹ rẹ otuofovwi, nyo ẹrhovwo mẹ; kerhọn, E Ọghẹnẹ ri Jekọp!

Une rẹ Ejiro 92:1

Oyoma ra vwọ vwẹ ẹkpẹvwẹ kẹ Ọrovwohwo, ra vwọ so ejiro kẹ odẹ wẹn, ọ ro Me Kpenu,

Une rẹ Ejiro 92:13

A kọn ayen phihọ uwevwi rẹ Ọrovwohwo na ayen ra rhua vwẹ evun rẹ ọguan rẹ Ọghẹnẹ rẹ avwanre.

Ẹyano 19:4

Wọ mrẹ obo ri mi ru kẹ ihwo rẹ Ijipt, kugbe obo ri mi vwẹ ibekpe rẹ ugo mu uwe kẹ oma mẹ.

Isẹ 30:19

Idjerhe rẹ ugo rhan wan vwẹ obenu, idjerhe rẹ ọrọdekọ vwẹ enu rẹ oragha, idjerhe rẹ okọ biẹ vwẹ abadi rode, kugbe uruemu rẹ ọshare vẹ ọmọtẹ.

Solomon 8:5

Oyono re yan nẹ evun rẹ aghwa na cha na, Rọ vwẹ oma rẹrẹ ọnse rọye na? Vwẹ obotọ rẹ orhomrẹ na me da rhọvwọ owẹ. Etiyin oni wẹn da chuvwiẹ wẹ, Etiyin ohwo ro vwiẹ wẹ na da chuvwiẹ.

Aizaya 25:9

Ka cha ta vwẹ ẹdẹ yena, nẹ, Nighe, Ọnana Ọghẹnẹ rẹ avwanre, avwanre hẹrherẹ, rere o rhi sivwi avwanre. Ọnana Ọrovwohwo na; avwanre hẹrherẹ, e gbe jẹn avwanre ghọghọ vwẹ esivwo rọye.

Aizaya 30:15

Kidie enẹ Ọrovwohwo rẹ Ọghẹnẹ tare, Ọfuanfon Ọvuọvo rẹ Izrẹl na, Vwẹ omaẹrha kugbe omaerovwo ọye ovwan da rhọ, vwẹ oma ehwemuẹ kugbe ẹro ẹvwọ suọ ọye ogangan rẹ ovwan epha. Yẹ ovwan rhọvwa-a,

Aizaya 30:18

Fiki rẹ ọtiọye na Ọrovwohwo vwọ hẹrhẹ rọ vwọ ni arodọvwẹ wẹ kọye ọ da vwẹ oma rọye kpenu ro vwo dje aruẹdọn rọye kẹ wẹ. Kidie Ọrovwohwo ọye Ọghẹnẹ rẹ ọsoso ebruba kẹ ayen ihwo re hẹrhereẹ.

Aizaya 41:1

Fo riẹi re wọ kerhọn mẹ, E etọ rẹ erhuru na, jẹn ihwo na rhiọ ogangan rayen, jẹn ayen bi kẹrẹ, jẹn ayen ta ota, jẹn avwanre ejobi si kerẹ vwe ẹdjọeguo.

Aizaya 64:4

Nẹ awanre rhe ohwo ọvo ji nyo-o eyẹ vwẹ erhọn nyo-ọ, ẹro je mrẹ Ọghẹnẹ ọfa chọ wẹ ra-a, ro ru iruo kẹ ihwo re hẹrhẹ owẹ.

Aizaya 8:17

Me hẹrhẹ Ọrovwohwo, ro si opharo rọye nu kẹ uwevwi ri Jekọp, ki mi phi ẹro phihọ.

Jerimaya 48:15

Ọghwọrọ ri Moab vẹ irere rọye rhe nure, imighene esiri rọye na ayen yanran kpo ehwe, eriyin Ovie na tare, ọ rẹ odẹ rọye Ọrovwohwo rẹ otuofovwi na.

Zekaraya 10:12

Mi ru ayen goma vwẹ evun rẹ Ọrovwohwo ayen che vwo urinrin vwẹ ode rọye, Ọrovwohwo tare.

Iyẹnrẹ Esiri ri Luk 18:1

Ọ de kpe itẹ ọvo kẹ ayen nẹ, ọtiọna ovwan nẹ ẹrhovwo kọke kọke e jọ bẹn ovwa-an.

Ọbe ri Pọl si rhe Ihwo ri Rom 8:25

Ẹkẹvuọvo avwanre de phiẹrohọ obo rẹ avwanre mrẹre-e, kẹ erhiori avwanre vwọ hẹrhẹ.

2 Kọrẹnt 4:1

Fiki re ọtiọye na, re avwanre vwo vwo odiboegbe nana vwẹ arodọvwẹ rẹ Ọghẹnẹ, avwanre gbe ro ẹnwa-an.

2 Kọrẹnt 4:16

Ọtiọye na avwanre gbe ro ẹnwa-an. Owenẹ ugboma rẹ avwanre vwọ ghwọrọ kufia dede, yẹ obo udu rẹ avwanre hẹ ọkpokpọ kẹdẹ kẹdẹ.

Galesha 6:9

E jẹn oma rẹ iruo esiri rhọ avwanre-e, kidie vwẹ ọmọke wobọ avwanre che vun, ọ da dianẹ. uvwerhi gbe ro avwanre-e.

Urhi Rivẹ 32:11

Kerẹ ugo ro tuẹ ẹho rọye, ro tuetue iphoro rọye vwẹ enu rẹ emọ rọye, rọ bẹrẹ ibekpe rọye, vwo mu ayen, o mu ayen phihọ uwurho re ibekpe rọye.

Urhi Rivẹ 33:25

Utehru vẹ ikọpa yẹ cha dia ogba wẹn; ọtiobo rẹ ẹdẹ wẹn teri, eriyin ẹgba wẹn ji rẹ.

1 Tẹsalonaika 1:10

rere a hẹrhẹ Ọmọ rọye ro che nẹ odjuvwu rhe, rọ kpare nẹ ughwu rhe, Jesu ro sivwi avwanre nẹ ophu rọ cha.

Hibru 12:1

Fiki rẹ eriyin na, re avwanre vwọ mrẹ nẹ iseri buebu riariẹ avwanre phihọ na, e gbe jẹn avwanre won oghwa koghwa, kugbe umwemwu rọ gba avwanre na phihọ otọ, e gbe jẹn avwanre vwẹ erhiori djẹ onẹ rọ hẹ obaro na,

Hibru 12:3

Gbe roro ohwo yena ro chirako rẹ ehwẹjẹ vẹ ophọphọvwe rẹ iruimwemwu vwo kpahọ, rere oma vwo jẹ ovwan ẹrhọ.

Joshua 14:11

Me je epha gangan rhi te nonẹ kirobo re me epha vwẹ ẹdẹ ri Mosis vwo ji vwe, ẹgba mẹ nonẹ na epha kirobo rọ epha vwẹ ọke yena, vwọ kẹ ofovwi, tẹ ẹra tẹ ẹcha.

Ẹvwọphia 12:14

Ẹkẹvuọvo a da vwẹ ibekpe ivẹ rẹ ugo rhuarho vwọ kẹ rere ọ vwọ rhan jẹ ọrọdekọ na vwo ro evun rẹ aghwa, vwo kpo asan ra da ghẹrẹ vwẹ ọmọke, kugbe ọke, kugbe ubro rẹ ọke.

Ẹvwọphia 2:3

Wo de vwo erhiori wo de chirako fiki rẹ odẹ mẹ, oma sa ghwọrọ owẹ-ẹ.

Ẹvwọphia 4:7

eranvwe ọkpokpọ rẹsosuọ da họhọ okpohrokpo, eranvwe ọkpokpọ rivẹ da họhọ erhuẹn, eranvwe ọkpokpọ rerha de vwo opharo rẹ ohwo, eranvwe ọkpokpọ rẹne da họhọ ugo rọ rhan.

Iguẹdjọ 16:28

Etiyin Samsin de kperi se Ọrovwohwo tanẹ, E Ọrovwohwo Ọghẹnẹ, karophihọ ovwẹ, me rẹ wẹ, gbe ru uvwe goma, me rẹ wẹ, obọ nana ọvo, E Ọghẹnẹ, rere me sa vwọ choja rẹ ibiẹro mẹ ivẹ na vwẹ uyovwi rẹ ihwo ri Filistia na.