Aizaya 40:29 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁹ Ọ vwẹ ogangan kẹ ohwo rẹ oma rhọ? ọ rẹ ọgangan rheri-i ọ me vwọ ba kẹ

Aizaya 40:29 ပူးပေါင်းရင်းမြစ်များ

Jẹnẹsis 49:24

dede na umurhabọ rọye yegherii, Etiyin abọ rọye ke tua vwẹ obọ rẹ Ogangan ọvuọvo ri Jekọp (vwẹ odẹ rẹ Osuigodẹ, Orhaga rẹ Izrẹl).

Nehemaya 6:9

Kidie ayen de dje uguegue muẹ avwanre, ayen ki roro nẹ, Abọ rayen cha ghwrọrọ ne iruo na, e gbi ruo-o. Ẹkẹvuọvo vwẹ asakiephana, E Ọghẹnẹ, gba vwẹ ẹgba vwọ ke abọ me.

Une rẹ Ejiro 29:11

E jẹn Ọrovwohwo vwẹ ogangan kẹ ihwo rọye! E jẹn Ọrovwohwo vwẹ ufuoma bruphihọ kẹ ihwo rọye.

Une rẹ Ejiro 68:10

igegede wẹn mrẹ asan dia vwẹ evun rọye, vwẹ erhuvwu wẹn, E Ọghẹnẹ, wẹ re ke ihwo rẹ akpọ bẹn.

Une rẹ Ejiro 68:35

Ọghẹnẹ muoshọ vwẹ ẹshẹ rọye, Ọghẹnẹ rẹ Izrẹl na, O vwẹ egba vẹ ogangan kẹ ihwo rọye. Ebruba ke Ọghẹnẹ!

Aizaya 41:10

wọ dje oshọ-ọ, kidie me vẹ owẹ herọ, wo jẹ ofu dje we-e, kidie Mẹvwẹ Ọghẹnẹ wẹn, Me kẹ wẹ ogangan, Me cha wẹ uko, Me vwẹ obọrhe mẹ rẹ ephiokparobọ na vwọ yọnrọn owẹ.

Aizaya 50:4

Ọrovwohwo Ọghẹnẹ kẹ vwe ẹrenvwe rẹ ihwo re yonori, rere Me vwo riẹn obo ra sa vwẹ ota yọnrọn ohwo rẹ oma rhọ Irhiọkẹ kirhiọkẹ o vwo vrẹn, ọ rhọvwọ erhọn mẹ rọ vwo nyo kere ihwo re yonori

Jerimaya 31:25

Kidie mi che ru ẹnwẹn rẹ oma rhọ gan, me cha rhọvwọ, ẹnwẹn kẹnwẹn rẹ oma rhọ.

Zekaraya 10:12

Mi ru ayen goma vwẹ evun rẹ Ọrovwohwo ayen che vwo urinrin vwẹ ode rọye, Ọrovwohwo tare.

2 Kọrẹnt 4:16

Ọtiọye na avwanre gbe ro ẹnwa-an. Owenẹ ugboma rẹ avwanre vwọ ghwọrọ kufia dede, yẹ obo udu rẹ avwanre hẹ ọkpokpọ kẹdẹ kẹdẹ.

Urhi Rivẹ 33:25

Utehru vẹ ikọpa yẹ cha dia ogba wẹn; ọtiobo rẹ ẹdẹ wẹn teri, eriyin ẹgba wẹn ji rẹ.

Filipae 4:13

Mi se ru emu ejobi vwi Kristi rọ kẹ vwẹ ogangan.

Kolose 1:11

Ọtiobo rẹ ogangan rọye rho te na, kọ je kẹ ovwan ogangan vwi kemu kemu ejobi; re we vwo erhiori kugbe rere wa ghọghọ vwẹ evun rẹ oja.

Hibru 11:34

ri furhie ogidi-erhanre, re vabọ rẹ ọlọkọ, ri nẹ ọvwiẹre ra ro ọgba, re dia egba vwẹ ofovwi, re vẹn unuofovwi rẹ erhorha.

Iguẹdjọ 15:19

Ọghẹnẹ da bẹrẹ ukpotọ ọvo rhie phihọ vwi Lẹhi; ame da djẹ nẹ evun rọye rhe; ọke rọ vwọ da ame na nu, erhi rọye de bro rhe, oma rọye de rherhevi. Eriyin na e de mu odẹ kẹ asan na nẹ Enhakkọre; asan na je herọ vwi Lẹhi rhi te nonẹ na.

1 Samuẹl 2:4

Umurhabọ rẹ ọgba e vwirhi ayen, ẹkẹvuọvo ọviẹre vwẹ ogangan chobie.