Aizaya 40:28 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁸ Wọ je riẹ-en? Wọ ji nyo-ọ? Ne Ọrovwohwo na ọye Ọghẹnẹ ri bẹdẹ na, ọye Ọmema rẹ oba rẹ akpọ na. Oma rhọ-ọ eyẹ oma ghwọrọ-ọ, ẹruọ rọye ọ bẹn evughe.

Aizaya 40:28 ပူးပေါင်းရင်းမြစ်များ

Jẹnẹsis 21:33

Ebraham da kọn oghriki phihọ Bẹẹrsheba, o de se odẹ rẹ Ọrovwohwo vwẹ Etiyin, Ọghẹnẹ ri bẹvwẹdẹ na.

ỌBE RẸ JOB 38:18

Wọ riẹn obo rẹ akpọ na hẹri te? Gbe ghwoghwo, ọ da dianẹ wọ riẹn ọnana.

Une rẹ Ejiro 138:8

Ọrovwohwo che ru ọhọre rọye kẹ vwẹ; ẹguọnọ wẹn ro jẹ rhẹriẹ na, E Ọrovwohwo, ọ dia rhiri bẹdẹ. Wọ sian iruo rẹ obọ wẹ-ẹn.

Une rẹ Ejiro 139:6

Oghẹre rẹ erianriẹn ọtiọna o dẹ gbẹ vwe unu vrẹn; okpenu nọ, obọ mẹ sẹ te-e.

Une rẹ Ejiro 145:3

Orhuarho ọye Ọrovwohwo, o te ohwo re jiri rhuarho, orhuarho rọye a sa hiẹ mrẹ-ẹ,

Une rẹ Ejiro 147:5

Ọrovwohwo rẹ avwanre na vwa rhuarho, ọ vọnre vẹ ogangan buebu, ẹruọ rọye vwo oba-a.

Une rẹ Ejiro 90:2

Tavwe rẹ igbenu na ke rhe tan phia, eyẹ tavwe wọ ke rhe mama otọ na vẹ akpọ na, nẹ irhiri re duvwu irhiri wọwẹ ọye Ọghẹnẹ

Aizaya 37:26

Wo ji nyo-o, obo ri mi rori rhabae rhe? Nẹ ọke rẹ awanre rhe me vwọ vwanvwọn phihọ otọ obo re cha phia vwẹ ọke nana, nẹ wa gba ogba riariẹ irere rẹ ovwan ri che kporo hirhe phihọ erhurhu,

Aizaya 40:21

Wọ je riẹ-ẹn? wo ji nyo-o? A je ta kẹ wẹ nẹ otọrhe-e? Wọ je riẹn nẹ emuohọ rẹ akpọ na rhe?

Aizaya 42:4

Ọ cha bẹ-ẹn eyẹ ke ofu dje-e bẹsiẹ rọ vwẹ ọsoso vwo chivwi akpọ na, erhuru na ejobi ke cha hẹrhẹ urhi rọye.

Aizaya 45:22

Rhoma bru vwe rhe re wọ rho, oba rẹ akpọ na ejobi na: Kidie Mẹvwẹ Ọghẹnẹ, o gbi vwo ọfa-a

Aizaya 57:15

Kidie enẹ Ọro grori ro kpenu Ọvuọvo na tare rọ dia uphephẹ re rara, rẹ odẹ rọye Ọfuanfon. Me dia asan ro kpenu rọ fonro, ihwo re fonro rẹ udu rayen kpotọ Me vayen gbe dia, rere Me vwọ rhọvwọ udu ro kpotọ, rere Me vwọ sasa udu rọ fonro,

Aizaya 59:1

Nighe, obọ rẹ Ọrovwohwo krẹnọ-ọ, ro de je se sivwo-o, eyẹ erhọn rọye diri, ro de je ẹme enyo-o,

Aizaya 66:9

Ke Me nẹrhẹ ohwo vwiẹ yọ je chuẹ uvwiẹ-ẹ? eriyin Ọrovwohwo tare, Mẹvwẹ, rọ nẹrhẹ ohwo vwiẹ na, kọ rhoma kare ẹchẹ rẹ uvwiẹ? eriyin Ọghẹnẹ wẹn tare.

Jerimaya 10:10

Ẹkẹvuọvo Ọrovwohwo ọye uvi rẹ Ọghẹnẹ, ọye Ọghẹnẹ rẹ urhuarhọ kugbe Ovie ri bẹdẹ bẹdẹ. Akpọ na kpogho vwẹ ophu rọye ẹgborho na se chiri ivuemiovwo rọye-e.

Jerimaya 32:17

E Ọrovwohwo Ọghẹnẹ! Wọwẹ vwẹ ogangan wẹn rode na vẹ ẹgba rẹ obọ wẹn ma odjuvwu vẹ akpọ na! Emu ọvuọvo bẹn kẹ wẹ-ẹ.

Jerimaya 4:22

Kidie ihwo mẹ ẹkpa, ayen riẹn vwẹ-ẹ; ayen emọ igheghẹ, ayen vwo erianriẹ-ẹn. Ayen riẹn obo re ruẹ umwemwu gangan, ẹkẹvuọvo ayen riẹn ọresiri ruẹ-ẹ.

Iyẹnrẹ Esiri ri Mak 16:14

Ukuko rọye ọ da vwẹ oma phia kẹ uhwọvo na rẹ ayen vwo tidia vwẹ udoemu; ọ da ghwọ ku ayen fiki ri jesegbuyota rayen kugbe udu ọgangan rayen, kidie ayen se otu re mrẹrẹ ro vwo vrẹn nu na gbuyota-a.

Iyẹnrẹ Esiri ri Mak 9:19

Ọ da kpahe ke ayen, orua ro je esegbuyota evwo, mavọ Me vẹ ovwan dia kri te? mavọ mi chirako rẹ ovwan te? reyọ vwo rhe vwe.

Iyẹnrẹ Esiri ri Luk 24:25

Ọ da ta kẹ ayen, Ẹkpa rẹ ihwo na, rẹ udu rẹ ayen fobọ se eta rẹ emraro na gbuyota-a na!

Iyẹnrẹ Esiri ri Jọn 14:9

Jesu da ta kẹ, Ede obo re me vẹ owẹ diarọ krite na, da je wọ riẹn vwẹ Filip? Ọ rọ mrẹ vwẹ nu jọ mrẹ Ọsẹ na re; Komavọ wọ vwọ tanẹ, Djẹ Ọsẹ na kẹ avwanre?

Iyẹnrẹ Esiri ri Jọn 5:17

Ẹkẹvuọvo Jesu da kpahe kẹ ayen, Ọsẹ mẹ ji ru iruo te ọke na, kọye mi ji vwo ruẹ.

Iruo rẹ Iyinkọn na 13:47

Kidie ọtiọye Ọrovwohwo ta kẹ avwanre nẹ, Me vwẹ ovwan rhu kerẹ urhukpẹ kẹ ihwo ri Keferi na, rere ovwan vwọ ghwa esivwo kpo oba rẹ akpọ na.

Ọbe ri Pọl si rhe Ihwo ri Rom 16:26

ẹkẹvuọvo ra rhe vwọ phia vwẹ asakiephana vwẹ oma rẹ isiesi rẹ emraro na ẹgborho rẹ akpọ na ejobi riẹnre na, kirobo re urhi rẹ Ọghẹnẹ ro jeghwo epha, ro nẹrhẹ e mu ọghọ kẹ esegbuyọta na–

1 Kọrẹnt 2:16

Kidie kono riẹn iroro rẹ Ọrovwohwo rere o vwo se yono? Ẹkẹvuọvo avwanre vwo iroro ri Kristi.

1 Kọrẹnt 6:16

Ovwan rha riẹn nẹ ohwo ro kuoma gbe igberadja yẹ ọ vẹ ọye kẹ oma ọvo? Kidie, kirobo re siro, Ayen ivẹ na ke cha dia oma ọvo.

1 Kọrẹnt 6:19

Ovwan rha riẹn nẹ oma rẹ ovwan hẹ uwevwi rẹ Erhi Ọfuanfon na rọ hẹ evun rẹ ovwan, rẹ ovwan vwo nẹ obọ rẹ Ọghẹnẹ rhe? Wo vwo oma wẹ-ẹn;

1 Kọrẹnt 6:9

Ovwan rha riẹn nẹ ihwo umwemwu cha sa reuku rẹ uvie rẹ Ọghẹnẹ na-a? Wo jẹ a phiẹn wẹ-ẹn; ọvwọfanrhiẹ, eyẹ ọgedjọ, eyẹ o gbe igberadja, eyẹ ọshare ro duẹ ọshare,

Urhi Rivẹ 33:27

Ọghẹnẹ ri bẹdẹ na ẹdia wẹn, abọ ri bẹdẹ na obotọ wẹn. Ọ da djẹ ọvweghrẹ nẹ obaro wẹn, ọ da ta, Ghwọrọ.

Filipae 1:6

O mu uvwe ẹro nẹ ohwo rọ to iruo esiri nana phihọ vwẹ evun rẹ ovwan na o ji che ruo gba vwẹ ẹdẹ ri Jesu Kristi da rhe.

1 Timoti 1:17

Asakiephana vwọ kẹ ovie ri bẹdẹ, ro jeghwo, re jẹmrẹ, Ọghẹnẹ ọvuọvo kpoi, ọye a vwẹ ọghọ vẹ urinrin kẹ rhiri bẹdẹ. Isẹ.

Hibru 9:14

komavọ ọbara ri Kristi, rọ wan oma rẹ Erhi ri bẹdẹ na vwẹ oma rọye gọ iye ro jẹ ekan evwo kẹ Ọghẹnẹ, se ru udu rẹ ovwan fon nẹ iruo ighweghwu na ra gọ Ọghẹnẹ ri bẹdẹ na.

1 Samuẹl 2:10

Ivwighrẹn rẹ Ọrovwohwo ejobi ka ghwọrọ ayen vworo vworo; enu kọ cha van ku ayen. Ọrovwohwo che guẹdjọ rẹ oba rẹ akpọ na; ọ cha vwẹ ogangan kẹ ivie rọye, ọ me rha kpare ogangan rẹ ọ rọ jẹreyọ na kpenu.