Aizaya 40:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ Ugbegangan a vwọ kọn ayen, ugbegangan e vwo voro, ugbegangan ugbẹn rayen vwọ dje ruotọ, ọke rẹ odju de dju ayen re ki phiorọ, aphopho ko djuẹ ayen yanran kerẹ iphopho.

Aizaya 40:24 ပူးပေါင်းရင်းမြစ်များ

2 Samuẹl 22:16

Etiyin a da rhe mrẹ idjerhe rẹ urhie, uchivwo rẹ akpọ na da fa phia, vwẹ ekan rẹ Ọrovwohwo, vwẹ ovan ro nẹ inwe rẹ Ọrovwohwo rhe.

Ivie rẹ Ivẹ 10:11

Kọye Jehu hwe ihwo ri chekọ vwẹ uwevwi rẹ Ehab vwi Jẹzril, ihwo ride rọye ejobi, igbeyan rọye ro vugheri, kugbe irherẹn rọye bẹsiẹ rẹ ayen ejobi rhi vwo re.

ỌBE RẸ JOB 21:18

Re ayen da họhọ ẹbe eyaya vwẹ obaro rẹ odju, re họhọ iphọphọ rẹ ogiribo djuẹ yanran?

ỌBE RẸ JOB 4:9

Ẹnwẹ rẹ Ọghẹnẹ ayen wan ghwọrọ, je vwi gidigidi rẹ ophu rọye ayen wan guọghọ.

ỌBE RẸ JOB 8:17

Awọ rọye da rhe ghrẹn phihọ ẹko rẹ eragha na, ohri rẹ eragha kọye ọ dia.

Une rẹ Ejiro 58:9

Ro phẹre nẹ ẹrhorho rẹ itaso eriyin ẹrhorhọ re inwe na epha vwẹ oma wẹn, ọ diare wọnwọn eyẹ ọ muẹ la, jo hwerhe ayen yanran!

Une rẹ Ejiro 83:13

E Ọghẹnẹ mẹ, gbe ru ayen kerẹ iwurhie ri kiẹ riariẹ, kerẹ iphopho rẹ odju muẹ.

Isẹ 1:27

siẹ rẹ uguegue da ro ovwan oma kere ogiribo rẹ okpetu wẹn da rhe kerẹ odju, rẹ ọbẹvwẹ vẹ enuebro de rhi bru ovwan rhe.

Aizaya 11:4

ẹkẹvuọvo ọvwata o vwo guẹdjọ rẹ ivwiogbere, o Me vwẹ ẹghwanre brorhiẹ rẹ ihwo dẹndẹn rẹ akpọ na, kọ cha vwẹ ọkpọ rẹ unu rọye ghwie akpọ na, ẹnwẹn rẹ unu rọye ọ vwọ hwẹ iruimwemwu

Aizaya 17:11

wo de se ru ayen djẹ vwẹ ẹdẹdẹ ru wọ kọn ayen na, re da sa kpipho vwẹ irhirhiọke ru wọ kọnrọn na; dede na orhọ rọye cha djẹ yanran vwẹ ẹdẹ rẹ ivuemiovwo na kugbe odjadja re je se sivwo na.

Aizaya 17:13

Irere na do kerẹ edo rẹ ame rode, ẹkẹvuọvo kọ ghwọ ku ayen, kẹ ayen djẹ yanran shesheri, kọ djẹ kerẹ iphopho rọ hẹ enu rẹ ugbenu rẹ odju muẹ yanran, kerẹ odemu ro djuẹ iwurhie kpenu vwẹ obaro rẹ ogiribo.

Aizaya 30:33

Kidie a rhuẹrẹ asan rọ torhẹ phihọ otọ kẹ ayen kri re, Uyota, vwọ ke ovie na a rhuẹrẹ hẹrhẹ, omamọ re iyara m tọnre kokodo hehere, vẹ irhe kugbe erhanre re koko phihọ gbidi, ẹnwẹn re Ọrovwohwo, kere uto re ihiosio re erhanre re koko phihọ.

Aizaya 37:7

Nighere mi che phi erhi phihọ evun, vwẹ ọtiọye na ko che nyo ikun, ko che rhivwi kpo otọ rẹ obọ rọye, ki mi che ruo ro she phihọ obọ rẹ ọlọkọ vwẹ otọ rẹ obọ rọye.

Aizaya 40:7

Odi na vwioro, ododo phoriẹ, vwẹ ọke rẹ Ọrovwohwo da nwẹn kuo, uyota ohwo na họhọ odi.

Aizaya 41:16

Ku wọ va ehọrọ nẹ ayen, odju ko mu ayen yanran, aphopho kọ hra ayen. Ku wọ ghọghọ vwẹ evun rẹ Ọrovwohwo vwẹ evun rẹ Ọfuanfon Ọvuọvo rẹ Izrẹl na wo de vwo urinrin.

Aizaya 41:2

Ọ rọ kparẹ ọvo vrẹn nẹ obaro ọnre rhe ro phiẹ kparobọ vwẹ ichiyi kichiyi? O siobọ nẹ ẹgborho na kẹ, rere ọ vwọ mrasan chiyi ivie na muotọ, ọ me vwẹ ọlọkọ rọye ru ayen kerẹ iwurhie, ọ me vwẹ umurhabọ rọye sa ayen kerẹ iphopho

Jerimaya 22:30

Enẹ Ọrovwohwo tare: Si ohwo nana phihọ otọ kere ẹgan, ohwo ro che yovwẹ kẹ vwẹ ẹdẹ rọye ejobi-i, kidie ọmọ rọye ọvuọvo cha dia ẹdia rọye-e vwo tidia ekete ri Devid, vwọ rhoma re uvie vwi Juda.

Jerimaya 23:19

Nighe, ogiribo rẹ Ọrovwohwo! Ophu rọye ro otafe re, ọdju rode; ọ cha enu rẹ iriumwemwu na.

Hosia 13:15

Owenẹ ọ rho bodo bodo kerẹ ẹgon, odju rẹ obaro ọnre, odju rẹ Ọrovwohwo cha rhe, ọ kpara nẹ obo aghwa cha; ogbugbu rọye cha kpọ, imigbo rọye cha yamu, o che hwerhe kemu kemu esiri rọ sẹro rọye nu ejobi kufia.

Hosia 13:3

Fiki rẹ ọtiọye ayen ke cha dia kerẹ evwru rẹ irhiọke yẹrẹ irho ro krẹ ọke ya-a, kerẹ iphopho ri tuẹ nẹ utuwevwi rẹ de wuye ọka eyẹ kerẹ ivwirhi re wan evakpo ruẹ otafe.

Nahum 1:14

Ọrovwohwo ji urhi kpahe owẹ: O gbi che vwo ohwo ra vwọ karohọ odẹ wẹ-ẹn; ke mi cha nyavwẹ owẹ kufia nẹ uwevwi rẹ edjọ wẹn, oma ra kare kugbe oma ra wranre. Ke me tọn ushi wẹn, kidie orharhe wo ruẹ.

Hegae 1:9

Wọ guọnọ emu buebu, gbe nọ, emerha tutuno wọ mrẹre, ọke wọ rha vwọ ghwa te uwevwi nu, mi de djuọ kufia. Die sorọ? eriyin Ọrovwohwo rẹ otuofovwi na tare. Fiki rẹ uwevwi mẹ ro hirhe phihọ erhurhu na, yẹ ovwan dohwo duvwevwi rọye ra bọn.

Zekaraya 7:14

Me da vwẹ odju rẹ ovwre vwo hra ayen ro ohri rẹ ẹgborho rẹ ayen riẹnre-e kọye otọ rẹ ayen nuru da rhe dia ofefe, ọtiọye na ohwo rha yanrhe yankpo vwọ-ọ, otọ esiri na da rhe dia ofefe.

Zekaraya 9:14

Etiyin Ọrovwohwo kọ cha vwẹ oma phia kẹ ayen odada rọye kọ yanran kerẹ enu rọ nyavwaro. Ọrovwohwo Ọghẹnẹ che hworo owanre na, ọ Me yan phia vwẹ odju rẹ ovwre re hẹ obọrhe ọnre.