Aizaya 40:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Ọye ri tidia phihọ usikẹ rọ hẹ obenu rẹ akpọ na, ihwo re dia ejobi họhọ ebaka; ohwo rọ vwẹ odjuvwu tan kerẹ amwa, rọ vwe rọ tan kerẹ utughẹ ra dia;

Aizaya 40:22 ပူးပေါင်းရင်းမြစ်များ

Jẹnẹsis 1:6

Ọghẹnẹ da tanẹ, Gbe jẹn irharheghe dia uherevie rẹ ame na, rere ọ hẹriẹ ame na vwo nẹ ame na.

ỌBE RẸ JOB 22:14

Egho rode rhurhuro, ọtiọye na ọ rha mrẹ orẹ-ẹ, ọ yan vwẹ eghogho rẹ odjuvwu.

ỌBE RẸ JOB 26:7

Ọ riẹn obenu na phihọ enu rẹ odiodi, ọ da vwẹ akpọ na ya enu rẹ odiodi.

ỌBE RẸ JOB 36:29

Kẹ ohwo sa riẹn obo rẹ enu na biẹ phihọ, agbrara vwẹ evun rẹ ighẹn rọye?

ỌBE RẸ JOB 37:18

Ku wọ sa vwẹ ẹro kere ru wọ da riẹn irharheghe na vwọ hwa, rọ gan kpohro kerẹ ughegbe ro djeri?

ỌBE RẸ JOB 9:8

Ọ rẹ ọye ọvo riẹn idjuvwu vwọ tan, ro chiyi ọgbogho rẹ urhie na muotọ.

Une rẹ Ejiro 104:2

We rọ vwẹ orẹmrẹ phopho oma kerẹ ewun, we re riẹn odjuvwu na phihọ kerẹ ibọkpọ,

Une rẹ Ejiro 18:11

Ọ da ma ebri vwo phopho oma riariẹ, o de bru ẹgbẹ rẹ egho hwi vẹ ame riariẹ oma vwẹ obenu.

Une rẹ Ejiro 19:4

dede na ye urhuru rayen yan ro akpọ na ejobi duvwu, eta rayen re te oba rẹ akpọ na. Vwẹ evun re ayen ọ bọn ọgarivi phihọ kẹ ọnre,

Une rẹ Ejiro 2:4

O rọ tidia vwe obọ odjuvwu na cha hwe, Ọrovwohwo cha vwe ayen jehwẹ.

Une rẹ Ejiro 29:10

Ọrovwohwo tidia phihọ ekete vwe enu re oghwe, Ọrovwohwo tidia kerẹ ovie vwẹ enu rẹ ekete bẹdẹ.

Une rẹ Ejiro 68:33

ke ohwo rọ gua vwẹ idjuvwu na, idjuvwu rẹ awanre na; nighe, o je urhuru rọye cha, urhuru rẹ egba rọye na

Isẹ 8:27

Ọke rọ vwọ ma obo odjuvwu na, ye me hẹ etiyin, ọke rọ vwọ si usi riariẹ enu rẹ abadi na.

Aizaya 19:1

Ona aroẹmrẹ kpahe Ijipt. Nighe, Ọrovwohwo rọ gua vughu vughu vwẹ ikoro ọ da rhe Ijipt, ema rẹ Ijipt ki che kpogho vwẹ obaro rọye, udu rẹ ihwo rẹ Ijipt ke cha wran vwẹ oma rayen.

Aizaya 37:16

E Ọrovwohwo rẹ otuofovwi na, Ọghẹnẹ rẹ Izrẹl, wẹ ro tidia ekete vwẹ obenu ri chẹrobim, wọwẹ Ọghẹnẹ na; wẹ ọvo sogono, vwẹ usun rẹ ivie rẹ akpọ na; wẹ re ma odjuvwu vẹ akpọ.

Aizaya 40:15

Nighere, irere na họhọ umuku rẹ ame ro suẹn nẹ usiobọ cha e de kere kerẹ iwurhie rọ hẹ enu rẹ uwan, nighere, o di mu ibrotọ na kerẹ iwurhie vworo vworo.

Aizaya 40:17

Ẹgborho na ejobi na fi emu ọvuọvo kẹ-ẹ o roro ayen ejobi havwe nọ emu diodi.

Aizaya 42:4

Ọ cha bẹ-ẹn eyẹ ke ofu dje-e bẹsiẹ rọ vwẹ ọsoso vwo chivwi akpọ na, erhuru na ejobi ke cha hẹrhẹ urhi rọye.

Aizaya 42:5

Enẹ Ọghẹnẹ tare, Ọrovwohwo na, rọ ma idjuvwu rọ da nabọ riẹn phihọ na, rọ riẹn akpọ na phihọ vẹ obo re djẹ no rhe ejobi, rọ vwẹ ẹnwẹn kẹ ihwo re dia evun rọye kugbe erhi kẹ ihwo re yan vwẹ evun rọye.

Aizaya 44:24

Enẹ Ọrovwohwo tare, Ọtan wẹn, rọ mama owẹ nẹ evun rhe: Mẹvwẹ Ọrovwohwo, rọ ma emu ejobi rẹ ọye ọvo vwẹ idjuvwu na tan, rọ riẹn akpọ na phihọ–Kono vẹ ovwẹ gba herọ

Aizaya 51:13

rẹ Ọrovwohwo chọẹro, Ọ rọ Ma wẹ, rọ riẹn odjuvwu phihọ rọ tọn uchivwo rẹ akpọ na phihọ, rọ djẹ oshọ kẹdẹ kẹdẹ fiki rẹ ophu rẹ ohwo ro shenyẹ ihwo na, ro phi oma rọye phihọ oghwọrọ? Ki tivo ophu rẹ ohwo ro shenyẹ na epha?

Aizaya 66:1

Enẹ Ọrovwohwo tare: Odjuvwu he ekete Mẹ akpọ na kẹ asan Me ghwe awọ kpaha, ki didi uwevwi wa bọn kẹ vwẹ ki tivọ asan rẹ urovwoma Mẹ?

Jerimaya 10:12

Ọye vwẹ ogangan rọye ma akpọ na ohwo rọ vwẹ aghwanrc rọye mu akpọ vi, je vwẹ ọhọ rọye riẹn idjuvwu na phihọ.

Zekaraya 12:1

Ota rẹ Ọrovwohwo kpahe Izrẹl: Enẹ Ọrovwohwo tare, ohwo rọ ma enu rọ mama akpọ na ro phi erhi phihọ ohwo oma.

Ukeri 13:33

Etiyin avwanre da mrẹ Nẹfilim (emọ rẹ Anak, ri nẹ Nẹfilim rhe), avwanre ke họhọ ebaka kẹ ayen, kẹ etiọye ayen ni avwanre phihọ.