Aizaya 40:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Bruche, bru ihwo mẹ uche, eriyin Ọghẹnẹ wẹn tare.

Aizaya 40:1 ပူးပေါင်းရင်းမြစ်များ

Nehemaya 8:10

Etiyin ọ da ta kẹ ayen, Wa yanran, re wa re ivwri re wa da udi re wa rha ghare ẹkẹn kẹ otu ra mrẹ chere kẹ-ẹ, kidie nonẹ na ẹdẹ ọfuanfon kẹ Ọrovwavwanre; wo je ivun miovwo ovwa-an, kidie aghọghọ rẹ Ọrovwohwo ọye hẹ ogangan rẹ ovwan.

Une rẹ Ejiro 85:3

Wọwẹ ri se ivuemiovwo ejobi reyọ wọwẹ ri rhẹriẹ nẹ ophu ọtuatua wẹn.

Une rẹ Ejiro 85:8

Ju vwe nyo obo re Ọghẹnẹ Ọrovwohwo na cha ta, kidie ọ cha ta ota re ufuoma kẹ ihwo rọye, kẹ ihwo efuanfon rọye, kugbe ayen otu re vwẹ udu rayen ejobi hirhe bro rhe.

Aghwoghwo 3:4

ọke ra vwọ viẹ, vẹ ọke ra vwọ hwẹ, ọke re vwo muomahọ, vẹ ọke ra vwọ heha;

Aizaya 12:1

Wọ cha ta vwẹ ẹdẹ yena. Me sa kpẹvwẹ owẹ, E Ọrovwohwo, owenẹ ivun mẹ miovwo uwe dede, ophu wẹn na bi wan re, we ọvo na rhoma bru vwe uche.

Aizaya 3:10

Ta kẹ evwata nẹ oyovwi kẹ ayen, fikiridie ayen cha re emamọ rẹ uruemu rayen

Aizaya 41:27

Mẹvwẹ re ka ta kẹ Zayọn, Me da vwẹ aghwoghwọ rẹ ikun esiri kẹ Jerusalẹm.

Aizaya 50:10

Ono vwẹ usun rẹ ovwan na re dje oshọ rẹ Ọrovwohwo ro mu ọghọ kẹ urhuru rẹ idibo rọye, re yan vwẹ evun rẹ ebri ri vwo urhukpẹ-eẹ, dede na yẹ ayen vwẹ ẹro so odẹ rẹ Ọrovwohwo re vwẹ oma da Ọghẹnẹ rọye?

Aizaya 51:12

Mẹvwẹ, Mẹvwẹ he ohwo ro bru we uche, ono owẹ rọ djẹ oshọ rẹ ohwo rẹ akpọ ro ghwẹ, re ọmọ re ohwo ra mare kerẹ odi ghevweghe,

Aizaya 51:3

Kidie Ọrovwohwo se bru Zayọn uche, ko bru asan ra ghwọre ejobi na uche, ko ru aghwa rọye kerẹ Idẹn, aghọghọ vẹ omavwerhe keye a mrẹ vwọ, ẹkpẹvwẹ kugbe urhuru rẹ ine.

Aizaya 52:9

We koko va so ine, ovwan asan ifefe ri Jerusalẹm, kidie Ọrovwohwo bru ihwo rọye uche, ọ tan Jerusalẹm hirhe.

Aizaya 60:1

Vrẹn lo, kidie urhukpẹ wẹn rhire, urinrin rẹ Ọrovwohwo bẹre mu we re.

Aizaya 61:2

re ghwoghwo ukpe rẹ ẹreyọ re evun esiri rẹ Ọrovwohwo, kugbe ẹdẹ rẹ ihri rẹ Ọghẹnẹ rẹ avwanre, re bru ihwo ri muomahọ uche,

Izikiẹl 16:42

Ọtiọye na ke me cha kpara ophu mẹ nu we, me gbe rioma kpahe owẹ-ẹ, ke me fọ gbiẹi, ivun gbi miovwo uwe ọfa-a.

Zekaraya 1:13

Ọrovwohwo da kpahe eta esiri vẹ uchebro kẹ amakashe ro nene uvwe ta ota na.

Zekaraya 1:17

Rhoma kperi, E nẹ Ọrovwohwo rẹ otuofovwi tare, irere mẹ cha rhoma vọn vẹ oyouvwe, Ọrovwohwo cha rhoma vwẹ uchebro kẹ Zayọn ọ je cha rhoma je Jerusalẹm reyọ.

Zekaraya 9:9

Ghọghọ gangan, E ọmọtẹ ri Zayọn! Kperi gan, E ọmọtẹ ri Jerusalẹm! nighe, ovie wẹn bru uwe cha ohwo ro phi kparobọ rẹ omavwerha, dẹndẹn ọ gua ekẹtẹkẹtẹ, upene ọmọ rẹ ekẹtẹkẹtẹ.

2 Kọrẹnt 1:4

ro bru avwanre uche vwẹ evun rẹ ukpokpogho ejobi, rere avwanre vwo se bru otu re hẹ ukpokpogho uche, vẹ uchebro rẹ Ọghẹne bru avwanre.

1 Tẹsalonaika 4:18

Fiki rẹ ọtiọye na ovwan gba vwẹ eta nana bru ohwohwo uche.