Aizaya 4:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ohwo ro che chekọ vwi Zayọn rọ da dia Jerusalẹm ke se nẹ Ọfuanfon, kohwo kohwo re keri phihọ arhọ vwi Jerusalẹm,

Aizaya 4:3 ပူးပေါင်းရင်းမြစ်များ

Une rẹ Ejiro 69:28

Jẹn ephoro odẹ rayen nẹ ọbe rẹ ihwo ekpokpọ na; ẹ jẹn e si odẹ rayen phihọ ohri rẹ evwata-a.

Une rẹ Ejiro 87:6

Ọrovwohwo na kere kirobo re si ihwo na phihọ otọ na, Nẹ ọnana e vwiẹrẹ vwẹ etiyin.

Aizaya 1:27

Uyota kọye a vwọ tan Zayọn hirhe, ihwo re herọ ri kurhertiẹ, Ọvwata kọye avwọ ta ayen.

Aizaya 28:5

Vwẹ ẹdẹ yena Ọrovwohwo rẹ otuofovwi na ko dia erhu rẹ uvie rẹ urinrin, kugbe irhu rẹ erhuvwu, kẹ umuku rẹ ihwo rọye;

Aizaya 35:8

Idjerhe rode kọ cha dia etiyin, ke che se nẹ Idjerhe Ọfuanfon, emu ogbegbe cha sa wanvrẹ-ẹn, ẹkpa gbi che se ghwru vwọ-ọ.

Aizaya 46:3

Kerhọn Me, E uwevwi ri Jekọp, umuku ri chekọ vwẹ uwevwi rẹ Izrẹl, ri mi mu ghwa ne ọke emọ rhe, re Me ghwa vwẹ evun Mẹ;

Aizaya 52:1

Vrẹn, vrẹn, ku ogangan wẹn phihọ, E Zayọn, ku iwun iyoyovwi wẹn na phihọ, E Jerusalẹm, orere ọfuanfon na; kidie ayen gbe cha vwẹriẹ owẹ ọfa-a otu re upheruphe na kugbe ihwo igbegbe na .

Aizaya 6:13

Ọ da tobọ dianẹ ẹkehwe chekọ vwọ, a cha torhẹ kirẹ uloho eyẹ ọhahe, rẹ uchuku rọye chekọ siẹ re de she nu. Ubi ọfuanfọn na ọye hẹ uchuku na.

Aizaya 60:21

Ihwo wẹn ejobi ke cha dia evwata; ayen ki che vwo otọ na bẹdẹ, eyoro cha rẹ ekankọn Mẹ, iruo re abọ Mẹ, rere a mrasan vwe urinrin kẹ vwẹ.

Aizaya 62:12

Ke se ayen ihwo efuanfon na, re Ọrovwohwo tan hirhe, ke se we nẹ Aguọnọ phia, orere re jẹ siọ.

Izikiẹl 13:9

Obọ mẹ ko mukpahe emraro na re mrẹ emramrẹ rẹ ọphiẹvwe re bọ epha rẹ efian; ayen gbe cha dia ukoko rẹ ihwo mẹ-ẹ, eyẹ e gbi che si ayen phihọ ọbe rẹ uwevwi rẹ Izrẹl na-a, eyẹ ayen gbe vwẹriẹ otọ rẹ Izrẹl na-a. Kẹ ovwan cha riẹn nẹ mẹvwẹ ọyen Ọrovwohwo Ọghẹnẹ na.

Izikiẹl 43:12

Ọnana kọye urhi rẹ uwevwi rẹ ẹga na asan ejobi re riariẹ uwevwi na rọ hẹ obenu rẹ ugbenu na kọ dia asan rọ ma fon. Nighe, Ọnana urhi rẹ uwevwi rẹ ega na.

Joẹl 3:17

Ọtiọye ku wa cha riẹn nẹ Mẹvwẹ Ọrovwohwo Ọghẹnẹ wẹn, rọ dia Zayọn, ugbenu ọfuanfon mẹ na. Jerusalẹm kọ cha fon erhorha gbe cha wanvrẹn bẹdẹ-ẹ.

Ọbe rẹ Ọmraro Ọbadaya Obadaya 1:17

Ẹkẹvuọvo vwẹ Ugbenu ri Zayọn ka cha mrẹ otu re djẹ vabọ, kọ cha dia fuanfọn, uwevwi ri Jekọp kọye che vwo eyenre rayen.

Zekaraya 14:2

Kidie Me cha ghwẹ ẹgborho na ejobi koko vwo phi Jerusalẹm ka reyọ orere na ka ghwẹ ekuakua rẹ uwevwi na reyọ ke gbe eya na ẹgua abọvo re orere na ko kpo imu, yẹ ẹkẹvuọvo e gbi si otu re ihwo ri chekọ nẹ orere na-a.

Malakae 3:16

Etiyin ayen otu re djẹ oshọ rẹ Ọrovwohwo na kẹ ta kẹ ohwohwo, Ọrovwohwo na da kerhọn o de nyo ayen, o de si ọbe rẹ ekarophihọ vwẹ obaro rọye kpahe ayen ihwo re djẹ ọshọ rẹ Ọrovwohwo na ri roro iroro rẹ odẹ rọye na.

Iyẹnrẹ Esiri ri Luk 10:20

Dede na ovwan ghọghọ vwẹ ọna-a, nẹ irhi na vwẹ oma kpotọ kẹ ovwan; ẹkẹvuọvo wa ghọghọ nẹ e si odẹ rẹ ovwan phihọ odjuvwu.

Iruo rẹ Iyinkọn na 13:48

Ọke rẹ ihwo ri Keferi vwo nyo ọnana, oma da vwerhe ayen ayen de jiri ota rẹ Ọghẹnẹ na; buebu ra vwẹ arhọ ri bẹdẹ na kẹ de segbuyota.

Ọbe ri Pọl si rhe Ihwo ri Rom 11:4

Ẹkẹvuọvo kidie Ọghẹnẹ kpahe kẹ? Me je sẹro rẹ ihwo uriori ighwrẹ ri ji shiguẹ kẹ Baal dẹvo-o.

Ọbe ri Pọl si rhe Ihwo ri Rom 11:5

Ọtiọye vwẹ ọke nana umuku rẹ ihwo ji cheko, ra jẹreyọ vwẹ ẹserọphẹ.

Ẹfesọs 1:4

mrẹmrẹ kirobo rọ jẹ avwanre reyọ vwẹ evun rọye nẹ ẹtuọhọ rẹ akpọ na rhe, nẹ avwanre fon rere avwanre vwo jẹ abe ẹriọ vwẹ obaro rọye.

Filipae 4:3

Me je rẹ ovwan rhe, otu mẹ rẹ uyota re me vẹ ayen gbe mu urhekpẹ ọvo na, wa cha eya nana uko, kidie ayen mudia kẹrẹ ovwẹ kpẹkpẹkpẹ vwọ wian owian rẹ iyẹnrẹ esiri na kugbe Klẹmẹnt kugbe ayen otu rẹ iruiruo ri chekọ, re si edẹ rayen phihọ ọbe rẹ arhọ na.

Kolose 3:12

Ovwan gba vwẹ uruemu esiri rhuo oma riariẹ kerẹ ikru rẹ Ọghẹnẹ re fonro re nabọ ghare, vẹ udu ọlọlọhọ rọ vọnre vẹ aruẹdon, oma evwo kpotọ, ufuefu kugbe odiri.

Hibru 12:14

Pharhe re wọ vẹ ihwo ejobi vwọ dia kugbe vwẹ ufuoma, kidie ẹfuọn tiọnana da kare ohwo, ohwo yena sa mrẹ Ọrovwohwo-o.

1 Pita 2:9

Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.

Ẹvwọphia 13:8

ayen ejobi ri sheri vwẹ akpọ na ke cha gọ, kohwo kohwo re ji si odẹ rọye phihọ ọbe rẹ arhọ rẹ Omogodẹ re hweri na nẹ ẹtuọhọ rẹ akpọ na rhe-e.

Ẹvwọphia 17:8

Eranvwe ru wọ mrẹre jovwo na, rọ gbe herọ na-a, o che yeri nẹ obo orho rẹ igbẹphẹre na rhe kpo oja ri bẹdẹ na; ihwo re dia akpọ na re ji si edẹ rẹ ayen phihọ ọbe rẹ arhọ na nẹ ẹtuọhọ rẹ akpọ na rhe-e, ko gbe ayen unu rẹ ayen da mrẹ eranvwe na, fikiridie ọ herọ jovwo yọ gbe herọ-ọ yọ je cha rhe.

Ẹvwọphia 20:15

a rha mrẹ odẹ rẹ ohwo re siri phihọ ọbe rẹ arhọ na-a, ka kparọ phihọ ẹtẹrhe rẹ erhanre na.

Ẹvwọphia 21:27

Ẹkẹvuọvo obo ri jẹfuọn cha sa vwẹriẹ-ẹ, eyẹ ohwo kohwo ro gbe ẹgua eyẹ ofian, ẹkẹvuọvo jokpa rẹ ayen otu re si phihọ ọbe rẹ arhọ rẹ Omogodẹ na.

Ẹvwọphia 3:5

Ohwo ro phi kparobọ ko ku iwun tiọna phihọ, mi gbi phoro odẹ rọye nẹ ọbe rẹ arhọ na-a; ke me rhọvwe odẹ rọye vwẹ obaro rẹ Ọsẹ mẹ kugbe emakashe rọye.