Aizaya 4:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Vwe ẹdẹ yena oghọ na rẹ Ọrovwohwo na kọ cha dia erhuvwu kugbe urinrin, emamọ re otọ na kọye cha dia omẹyan ọ re urinrin rẹ otu rẹ ihwo re rhọre vwẹ Izrẹl.

Aizaya 4:2 ပူးပေါင်းရင်းမြစ်များ

Une rẹ Ejiro 67:6

Akpọ na yovwi emu buebu; Ọghẹnẹ, Ọghẹnẹ rẹ avwanre, o bruphihọ kẹ avwanre nure.

Une rẹ Ejiro 72:16

E jẹn ọka buebu dia otọ na; vwẹ enu rẹ igbenu na etiyin i de kpogho; e jẹn emamọ rọye dia kerẹ Lebanọn; e jẹn ihwo varhe gbọdọ gbọdọ ne irere na rhe kerẹ odi rẹ udju!

Ẹyano 28:2

Wo mi ko iwun efuanfon kẹ Erọn rẹ oniọvo wẹn na, rọ dia urinrin vẹ erhuvwu.

Aizaya 11:4

ẹkẹvuọvo ọvwata o vwo guẹdjọ rẹ ivwiogbere, o Me vwẹ ẹghwanre brorhiẹ rẹ ihwo dẹndẹn rẹ akpọ na, kọ cha vwẹ ọkpọ rẹ unu rọye ghwie akpọ na, ẹnwẹn rẹ unu rọye ọ vwọ hwẹ iruimwemwu

Aizaya 26:1

Vwẹ ẹdẹ yena ka so une nana vwẹ otọ ri Juda. Avwanre vwo orere ọvo rọ ganre ọ vwẹ esivwo vwo vi kerẹ igbẹhẹ ra vwẹ ogben vi.

Aizaya 27:6

Vwẹ ẹdẹ re cha na Jekọp kọ cha vwẹ owọ muotọ, Izrẹl kọ cha kpa ipho kọ ghwe ẹbe phihọ, omamọ rọye kọ cha vọn akpọ na ejobi.

Aizaya 30:23

Kọ rhọ ọsio phihọ emamọ ra kọn phihọ otọ na, te ekti ve obo ra kọn phihọotọ na ejobi, ki che yovwi buebu. Vwe edẹ yena uchuru wẹn ke cha re ọdi vwẹ asan ọrhuarhọ;

Aizaya 45:8

Eghwẹghwẹ, E idjuvwu, jo tue nẹ obenu rhe, jẹn obenu na rhọ osio rẹ ọvwata phihọ otọ na; jẹn otọ na rhie phihọ, rere esivwo va nẹ otọ na rhe, ro jẹn ọvwata va djẹ nẹ otọ na rhe, Mẹvwẹ Ọrovwohwo na re marọ

Aizaya 53:2

Kidie ọ rho vwẹ irharo rọye kerẹ urhe ọboba, kerẹ owọ rẹ urhe rọ djẹ nẹ otọ ọyaya rhe, o vwo irhen eye erhuvwu ro siurhuru re vwo no-o, erhuvwu ọvuọvo rhere ro vwo je ohwo-o.

Aizaya 60:15

Kirobo ra sen wẹ re tuoma wẹ jovwo na, re ohwo ọvuọvo wan wẹ vrẹn jovwo-o na, ki Mi ru we rhuarho bẹdẹ, aghọghọ nẹ oge re te oge.

Aizaya 60:21

Ihwo wẹn ejobi ke cha dia evwata; ayen ki che vwo otọ na bẹdẹ, eyoro cha rẹ ekankọn Mẹ, iruo re abọ Mẹ, rere a mrasan vwe urinrin kẹ vwẹ.

Aizaya 61:11

Kirobo rẹ otọ yoro che phia na, kirobo re obo re voro phihọ udju va nẹ otọ cha na, eriyin Ọrovwohwo che ru re ọvwata veẹ ejiro vwọ varhe keẹ ẹgborho na mrẹ.

Jerimaya 23:5

Nighe, ẹdẹ cha, Ọrovwohwo tare, me cha vwọ kpare oghọn rẹ ọvwata kẹ Devid, kọ re uvie kerẹ ovie ọghwanghwanre, ko brorhiẹ rẹ ọsoso vẹ ọvwata vwẹ otọ na.

Jerimaya 33:15

Vwẹ ẹdẹ yena kugbe ọke yena ki mi che ru re Oghọn rẹ ọvwata vwo yoro phia kẹ Devid, kọ bru orhiẹn rẹ esiri vẹ ọ rẹ ọvwata vwẹ otọ na.

Jerimaya 44:14

Vwe etiyin na ọvuọvo re umuku ri chekọ vwi Juda na re rhe dia otọ rẹ Ijipt na rọ sa vabọ eyẹ kọ rhọ eyẹ ki rhivwi kpo otọ ri Juda herọ-ọ, re ayen guọnọ rhivwi ra dia na, kidie ayen che se rhivwi-i, jokpa rẹ isoghoro evo.

Jerimaya 44:28

Ayen otu re vabọ rẹ ọlọkọ keye ri che rhivwi nẹ otọ rẹ Ijipt kpo otọ ri Juda, iche buẹ-ẹ, kugbe umuku ri chekọ vwi Juda ejobi, re rhe otọ rẹ Ijipt rhe dia na, cha riẹn ohwo rẹ ota rọye cha sẹ, sẹ ọmẹ eyẹ ọ rayen.

Izikiẹl 34:29

Ke me kọn omamọ rẹ ọgbọ ro yovwi emu kẹ ayen rere owẹvwe vwo jẹ ayen ehwe ọfa vwẹ otọ na, rere ẹgborho efa na vwọ jẹ ayen ẹvwọ jehwẹ.

Izikiẹl 36:8

Ẹkẹvuọvo wẹ. E igbenu rẹ Izrẹl, eghọn wẹn che yoro rhe, re da rhe mọ emamọ wẹn kẹ ihwo mẹ Izrẹl, kidie ayen cha rhe uwevwi nanana.

Izikiẹl 7:16

O da dianẹ ohwo ro ghwu chekọ vwọ da dje vabọ, ke ayen dia enu rẹ igbenu kerẹ ilekuku rẹ iyara, ayen ejobi re beroma, ọvuọvo fiki re orukuruku rọye.

Joẹl 2:32

Ọke yena de rhi tere ihwo ejobi ri se odẹ rẹ Ọrovwohwo na ke che sivwi ayen; kidie vwẹ Ugbenu ri Zayọn kugbe Jerusalẹm ka cha mrẹ ẹvo re djẹ vabọ, kirobo rẹ Ọrovwohwo tarẹe, vwẹ usun rẹ ihwo ri ghwu chekọ na ka cha mrẹ ẹvo rẹ Ọrovwohwo na seri.

Joẹl 3:18

Vwẹ ẹdẹ yena udi ọvwevwerhe ko che sun nẹ igbenu na rhe, ame-ivie ki che sun nẹ igbenu itete na rhe, ukpọkẹre ri Juda ejobi ke cha djẹ ọkẹre rẹ ame, ogbugbu ọvo kọ cha djẹ nẹ uwevwi rẹ Ọrovwohwo rhe kọ cha kpọrhọ iyara ri Shitim.

Ọbe rẹ Ọmraro Ọbadaya Obadaya 1:17

Ẹkẹvuọvo vwẹ Ugbenu ri Zayọn ka cha mrẹ otu re djẹ vabọ, kọ cha dia fuanfọn, uwevwi ri Jekọp kọye che vwo eyenre rayen.

Zekaraya 3:8

Gbe nyo asakiephana, E Joshua orherẹn ro kpenu na, wọwẹ vẹ igbeyan wẹn ri tidia obaro wẹn, kidie ayen ihwo ri vwẹ oka esiri; nighe, Me Oghọn rọ dia odibo mẹ na rhe.

Zekaraya 6:12

re wọ ta kẹ, E nẹ Ọrovwohwo rẹ otuofovwi na tare, nighe, ohwo rẹ odẹ rọye dia Oghọn na: kidie ọ cha rho vwẹ ẹdia rọye, ọ cha bọn uwevwi rẹ Ọrovwohwo na.

Zekaraya 9:17

Ghine uyota, mavọ oyovwi te, mavọ o fẹro te! Emuọre cha nẹrhẹ imighene na rho, wain ọkpokpọ mi rhe ru emetẹ na rho.

Malakae 3:17

Ayen cha dia ọmẹ, eriyin Ọrovwohwo rẹ otuofovwi na tare, ayen ke cha dia oghere rẹ ihwo kẹ vwẹ vwẹ ẹdẹ ri mi de che ru obo re me ta na, ke me cha vwẹ obọ pẹpẹ kirobọ rẹ ohwo da vwẹ obọ pẹpẹ ọmọ rọ ga.

Matiu 24:22

Jokpa nẹ ke ru ẹdẹ na krẹ, o se vwo ohwo ọvuọvo rọ cha rhọ-ọ; ẹkẹvuọvo vwi fiki rẹ ihwo ra sanọre na, ke ru ẹdẹ na krẹ.

Iyẹnrẹ Esiri ri Luk 21:36

Ẹkẹvuọvo rhẹrẹ vwẹ ọke ejobi, nẹ ẹrhovwo rere wo se vwo ogangan wọ vwọ vabọ rẹ imu nana ejobi re cha phia na, re wo vwo se mudia vwẹ obaro rẹ Ọmọ rẹ ohwo.

Iyẹnrẹ Esiri ri Jọn 1:14

Ota na de rhi hirhe phihọ ohwo ọ da rhe dia ohri rẹ avwanre, ọ vọnre vẹ ẹserọphẹ vẹ uyota; avwanre da mrẹ urinrin rọye ọ tiẹ urinrin rẹ Ọmọ ọvuọvo na ro nẹ obọ rẹ Ọsẹ na rhe.

2 Kọrẹnt 4:6

Kidie Ọghẹnẹ re tare nẹ, E jẹn urhukpẹ lo nẹ evun rẹ ebri rhe, ro lo mu udu rẹ avwanre ro vwo dje urhukpẹ rẹ erianriẹn rẹ urinrin rẹ Ọghẹnẹ vwẹ opharo ri Kristi.

2 Pita 1:16

Kidie avwanre nene ona rẹ esia ẹrhọghọ-ọ vwẹ ọke rẹ avwanre vwo dje ogangan na kugbe ẹcha rẹ Ọrovwavwanre Jesu Kristi kẹ ovwa-an, ẹkẹvuọvo avwanre rhie ẹro mrẹ avwanre jẹ dia iseri rẹ ọrho rọye.