Aizaya 39:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Etiyin Aizaya rẹ ọmraro na de bru Ovie Hẹzikaya rhe, ọ da ta kẹ, Didi emu ihwo nana tare? Ki tivọ ayen nu bru we rhe? Hẹzikaya da ta, Ogboko ayen nu bru vwe rhe, nẹ Babilọn rhe.

Aizaya 39:3 ပူးပေါင်းရင်းမြစ်များ

2 Samuẹl 12:1

Ọrovwohwo de ji Natan bru Devid rhe. O de bro rhe, ọ da ta kẹ, Ihwo ivẹ ẹvo hẹ evun rẹ orere ọvo, ọvo ọdafe, ọrivẹ rha vwẹ ovwiogbere.

2 Ikun rẹ Ivie 16:7

Vwẹ ọke yena Hanani rọ ọmrẹ na de bru Asa ovie ri Juda rhe, ọ da ta kẹ, Fikiridie wọ vwẹ ẹro so ovie ri Siria, wọ gbe rha vwẹ ẹro so Ọrovwohwo Ọghẹnẹ wẹ-ẹn, unuofovwi rẹ ovie ri Siria va wẹ abọ djẹ nure.

2 Ikun rẹ Ivie 19:2

Ẹkẹvuọvo Jehu ọmọ ri Hanani rẹ ọmrẹ na da yanran ra vwa, ọ da ta kẹ Ovie Jehoshafat, ku wọ cha ohwo-umwemwu uko rẹ ivun rẹ ihwo rẹ Ọrovwohwo tuoma da vwerhe owẹ? Fiki rẹ Ọnana, ophu wẹn ko mu Ọrovwohwo na.

2 Ikun rẹ Ivie 25:15

Ọtiọye na ophu de mu Ọrovwohwo kpahe Amazaya o de ji ọmraro rọye bro ra, ọ da ta kẹ, Die wọ rha vwọ reyọ ẹdjọ rẹ ihwo efa, ri se sivwi ihwo ri vwo ayen nẹ obọ wẹ-ẹn?

Aizaya 38:1

Vwẹ ọke yena Hẹzikaya kọ mwọga ko muegbe re ughwu. Aizaya rẹ ọmraro na ọmọ ri Amọz de bro rhe, ọ da ta kẹ, Enẹ Ọrovwohwo tare: Rhuẹrẹ uwevwi wẹn phihọ, kidie wo che ghwu, wọ cha sa rhọ-ọ?

Aizaya 38:5

Yanran wọ ra ta kẹ Hẹzikaya, Enẹ Ọrovwohwo tare, Ọghẹnẹ ri Devid rẹ ọsẹ wẹn, Mi nyo ẹrhovwo wẹn. me je mrẹ oviẹ wẹn, nighere, me vwẹ ikpe ihwiori vwọ ba ikpe wẹn.

Aizaya 39:4

Ọ da ta, Kidie ayen mrẹre vwẹ uwevwi wẹn? Hẹzikaya da kpahe, Ayen mrẹ kemu kemu ejobi rọ hẹ uwevwi mẹ, o vwo emu ọvuọvo vwẹ evun rẹ uwevwi rẹ efe mẹ ri mi jẹ vwọ nẹ aye-en.

Jerimaya 4:16

Vuẹ egborho na nẹ ọ cha, ghwoghwo kẹ Jerusalẹm, Ihwo ri muẹ imu ri nẹ ugbo oshesheri cha; ayen re bunu kẹ irere ri Juda.

Jerimaya 5:15

Nighe, mi che ji orere nẹ ogboko rhe E uwevwi rẹ Izrẹl, eriyin Ọrovwohwo na tare. Orere na kri otọ re orere rẹ awanre oruẹ, orere ru wọ riẹn ephẹrẹ rọye-e, eyẹ wọ se nyo obo rẹ ayen ta-a.

Jerimaya 8:19

Kerhọn, rẹ ovie rẹ ọmọtẹ re ihwo mẹ nẹ ugrogro te ohẹhẹre rẹ otọ na, Ọrovwohwo hẹ zayọn vwẹ etiyin na? Ovie rọye tobọ herọ? Die ayen vwọ vwẹ ema rayen vwọ kparẹ ovwẹ ophu? kugbe edjọ erhorha rayen?

Urhi Rivẹ 28:49

Ọrovwohwo cha reyọ ẹgborho ọfa nẹ ogboko rhe ri mu kpahe ovwan, nẹ oba rẹ akpọ na rhe kpata kpata kerẹ ugo rọ rhan, ẹgborho ro wa riẹn ephẹrẹ rọye-e

Joshua 9:6

Ayen de bru Joshua kpo obo erhọn na vwi Gilgal, ayen da ta kẹ vẹ ihwo rẹ Izrẹl. Avwanre nẹ orho oshesheri rhe, vwẹ ọtiọye na gbe nene avwanre re ọphọ.

Joshua 9:9

Ayen da ta kẹ, Orho oshesheri ọye idibo wẹn nurhe, fiki rẹ odẹ rẹ Ọrovwohwo Ọghẹnẹ wẹn; kidie avwanre nyo usi rọye, kugbe obo ro ruru vwẹ Ijipt,