Aizaya 39:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Hẹzikaya da nabọ dede ayen, ọ da vwẹ uwevwi rẹ efe rọye vwọ nẹ ayen, idọnọ rọye, kugbe iro, adjija rọye, kugbe evwri eghaghare rọye, ekuakua rẹ ofovwi rọye, kemu kemu ejobi ra mrẹre vwẹ uwevwi rẹ efe rọye. O vwo emu ọvuọvo ro chekọ vwẹ uwevwi rọye eyẹ vwẹ evun rẹ uvie rọye ri Hẹzikaya ja vwọ nẹ aye-en.

Aizaya 39:2 ပူးပေါင်းရင်းမြစ်များ

1 Ivie 10:10

Etiyin ọ da vwẹ talẹnt ujosan rẹ oro vwọ kẹ ovie, kugbe egẹn buebu, vẹ ibieragha eghaghare; egẹn obuebu tiọnana rhe bru ovie Solomọn rhe ọfa-a nọ ọ rọ ovie rẹ aye ri Sheba na vwọ kẹ-ẹ.

1 Ivie 10:15

vwọ ba iri nẹ obọ rẹ ineki na rhe kugbe obo ri nẹ oghwa rẹ eki rhe, ji nẹ obọ rẹ ivie rẹ Arebia kugbe isun rẹ otọ na.

1 Ivie 10:2

Ọ vẹ usun rode gbrigbrigbri gbe rhi te Jerusalẹm, ọ vẹ kamẹl re ghwa ogẹn, kugbe oro buebu, vẹ ibieragha eghaghare; ọke ro rhi vwo te asan ri Solomọn, ọ da ta obo rẹ hẹ udu rọye ejobi kẹ.

1 Ivie 10:25

Kuohwo rọ cha kuọko rọ phare rhe, ekuakua rẹ idọnọ efuanfon vẹ oro, iwun, adjija, egẹn, iyesi, vẹ irhuẹn, buebu kukpe kukpe.

Ivie rẹ Ivẹ 20:13

Hẹzikaya de dede ayen reyọ, ọ da vwẹ ekuakua rẹ efe rẹ uwevwi rọye vwọ nẹ ayen, idọnọ, oro, egẹ, evwri ọghaghare, iwun rẹ ofovwi, emu kemu rọ hẹ evun rẹ uwevwi rẹ efe rọye ejobi ọye ọ vwọ nẹ ayen; ọ vwọ omu ọvuọvo rọ hẹ evun rẹ uwevwi rọye eyẹ evun rẹ uvie rọye na Hẹzikaya je vwọ nẹ aye-en.

2 Ikun rẹ Ivie 32:25

Ẹkẹvuọvo Hẹzikaya rha kpẹvwẹ ẹse re ru kẹ na-a, kidie eheri da rhe vọn udu rọye. Fiki rẹ ọtiọye na ophu da rhe dia uyovwi rọye kugbe Juda vi Jerusalẹm.

2 Ikun rẹ Ivie 32:27

Hẹzikaya feri gangan ọ ke je mrẹ ọghọ; o de koko efe rẹ idọnọ, oro, kugbe eragha eghaghare, egẹn, ekpọfia, kugbe ekuakua efa re ghaghare;

2 Ikun rẹ Ivie 32:31

Vwọ kpahe ota rẹ ihwo rẹ ovie ri Babilọn ji rhe, ne rhe guọnọ otọ rẹ oka rọ cha phia vwẹ otọ na, Ọghẹnẹ da yan jovwo kẹ oma rọye; rere ọ vwọ davwọ ni rọ vwọ riẹn obo re hẹ udu rọye.

2 Ikun rẹ Ivie 9:1

Asakiephana ovie aye ri Sheba vwo nyo usi ri Solomọn ọ da rhe Jerusalẹm rhe vwẹ enanọ egangan vwọ davwọ ni, ọ vẹ usun ri tue nene kugbe kamẹl re ghwa oghwa rẹ egẹn vẹ oro buebu kugbe ibieragha esiri. Ọke rẹ ayen vwo te asan ri Solomọn, ọ da ta obo ri rhere vwẹ udu ejobi kẹ.

2 Ikun rẹ Ivie 9:9

Etiyin ọ da kẹ ovie na talẹnt re oro ujori ivẹ gbẹ uje, kugbe egẹn buebu gangan, kugbe ibieragba eghaghare; a je mrẹ oghẹre rẹ egẹn tioghẹrẹ rẹ ovie aye ri Sheba na vwọ kẹ Ovie Solomọni-i.

ỌBE RẸ JOB 31:25

Ọ da dianẹ me ghọghọre fiki rẹ efe mẹ ro buru, eyẹ fikiridie obo mi vwori pha buebu;

Isẹ 4:23

Jẹn udu wẹn sasa vwẹ ọke ejobi; kidie evun rọye ogbugbu rẹ arhọ va nẹ cha.

Aghwoghwo 7:20

Omuẹro o vwo ọvwata ọvuọvo vwẹ akpọ na ro jẹ imwemwu e ruo-o.

Jerimaya 17:9

Udu rẹ ohwo vọnre vẹ ophiẹvwe gangan o miovwiri gangan; ono se vughe?

2 Kọrẹnt 12:7

Rere mi vwo jẹ oma ẹkparọ kpenu nọ fiki rẹ ẹvwọphia buebu, a da vwẹ unwe duvwu uvwe, ikọn rẹ Idẹbono, rere o kpokpo uvwe, rere mi vwo jẹ oma ẹkparọ kpenu.

1 Jọn 1:8

Avwanre da ta nẹ avwanre ru umwemwu-u, yẹ avwanre phiẹn oma rẹ avwanre, yẹ uyota na gbe hẹ oma rẹ avwanre-e.