Aizaya 38:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Ohwo ọkpokpọ, ohwo ọkpokpọ, ọ kpẹvwẹ owẹ, kirobo ri mi ruẹ nonẹ na, o se dje ke emọ rọye obo re esegbuyota wẹn epha.

Aizaya 38:19 ပူးပေါင်းရင်းမြစ်များ

Jẹnẹsis 18:19

Ẹjo, kidie Me jẹrẹ reyọ nure, nẹ oyono emọ rọye vẹ evwruwevwi rọye ejobi re ayen sẹro rẹ idjerhe rẹ Ọrovwohwo re ayen ru uruemu rẹ ọvwata vẹ ọsoso; rere ive rẹ Ọrovwohwo vẹ kẹ Ebraham na o vwo se ruo gba kẹ.

Une rẹ Ejiro 118:17

Mi che ghwu-u, ẹkẹvuọvo me cha rhọ, ki mi che gbe ikun re uruemu rẹ Ọrovwohwo na.

Une rẹ Ejiro 119:175

Jẹn uvwe rhọ, rere mi vwo jiri uwe, jẹn ẹgba wẹn cha vwẹ uko.

Une rẹ Ejiro 145:4

Uvwiẹ ọvo che jiri iruo wẹn ra ro ọfa, ko che ghwoghwo uruemu rẹ ẹgba wẹn.

Une rẹ Ejiro 146:2

Mi jiri Ọrovwohwo na vwẹ ọke me dia akpọ na te; Me so ejiro kẹ Ọghẹnẹ mẹ vwẹ ọke nana me vwọ hẹ ọkpokpọ na.

Ẹyano 10:2

rere wo vwo gbe ikun nana kẹ ọmọshare wẹn vẹ emọ rẹ ọmọshare wẹn obo re me vwẹ ihwo rẹ Ijipt ha eha te, vẹ eka ri mi ru kẹ ayen; rere wọ vwọ riẹn nẹ Mẹvwẹ Ọrovwohwo na.

Aghwoghwo 9:10

Kemu kemu rẹ obọ wẹn se ru, vwẹ ogangan wẹn ruo; kidie ushi wọ cha ra na, o vwo iruo-o, eyẹ iroro-o eyẹ erianriẹ-ẹn eyẹ aghwanre-e.

Joẹl 1:3

Gbe ikun rọye kẹ emọ rẹ ovwan, gbe jẹn emọ rẹ ovwan gbe kẹ emọ rayen, re emọ rayen rhe gbe kẹ uvwiẹ ọfa.

Iyẹnrẹ Esiri ri Jọn 9:4

Avwanre se ru iruo rẹ ohwo ro ji vwe rhe, rẹ ọke vwọ herọ na; ason cha, rẹ ohwo de jẹ iruo eruo.

Urhi Rivẹ 11:19

Wa vwẹ ayen yono emọ rẹ ovwan, re we gbe ikun rayen, siẹ re wo de tidia vwẹ uwevwi rẹ ovwan vẹ ọke re wọ da yan vwẹ idjerhe, vẹ ọke wo de shevwerhẹ totọ, kugbe ọke wo de vrẹn.

Urhi Rivẹ 4:10

ẹdẹ wo vwo mudia vwẹ obaro rẹ Ọrovwohwo Ọghẹnẹ wẹn vwẹ obi Horẹb na, ọke rẹ Ọrovwohwo vwọ ta kẹ vwẹ nẹ, Koko ihwo na kẹ vwẹ, re mi ru ayen re ayen nyo eta mẹ na ejobi, re ayen mrasa vwo yono oshẹdjẹ vwẹ ẹdẹ rẹ ayen dia akpọ na krire, rere ayen vwọ mrasa yono emọ rayen.

Urhi Rivẹ 4:9

Wọ Me jomaotọ, vwẹ ẹro re ẹnwẹn wẹn dẹndẹn, obo rẹ ẹro wẹn mrẹre da rha chọre owẹ ẹro, ri de nẹ udu wẹn vwẹ ẹdẹ rẹ akpọ wẹn ejobi; ẹkẹvuọvo wo mi jẹ emọ wẹn kugbe emọ rẹ emọ wẹn riẹn ayen;

Urhi Rivẹ 6:7

wọ Me vwẹ ayen yono emọ wẹn, wo mi gbe ikun rayen siẹ wo de tidia vwẹ uwevwi wẹn vẹ ọke ru wọ da yan vwẹ idjerhe, vẹ ọke wọ de shevwerhẹ totọ, kugbe ọke wo de vrẹn.