Aizaya 37:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Okeọvo ọ me dianẹ Ọrovwohwo rẹ Ọghẹnẹ wẹn nyo eta ri Rabshekeh, re onini rọye ovie rẹ Asiria ji rhe rhe vwẹ Ọghẹnẹ ri bẹdẹ na jehwẹ, rọ da ghwọ fiki rẹ eta na rẹ Ọrovwohwo rẹ Ọghẹnẹ wẹn nyori na; fiki rẹ ọtiọye na gbe jẹn ẹrhovwo ovwan guvwie kpenu vwọ kẹ umuche ihwo ri chekọ.

Aizaya 37:4 ပူးပေါင်းရင်းမြစ်များ

2 Samuẹl 16:12

Ariẹnre-e Ọrovwohwo me mrẹ ọdjarhe re me epha, Ọrovwohwo da vwẹ ẹroesiri rọye kẹ vwẹ vwẹ oma rẹ iyori ro duvwu vwẹ nonẹ na,

Ivie rẹ Ivẹ 17:18

Fiki rẹ ọtiọye na Ọrovwohwo de mu ophu kpahe Izrẹl gangan, o de si ayen nẹ obaro rọye; ọvuọvo rhe chekọ-ọ, jokpa rẹ orua ri Juda ọvo.

Ivie rẹ Ivẹ 19:4

Siẹvo yẹn Ọrovwohwo Ọghẹnẹ wẹn nyo eta ejobi ri Rabshake, rẹ onini rọye ovie rẹ Asiria ji rhe rhe ta vwọ reyọ Ọghẹnẹ ro vwo arhọ vwọ jehwẹ, kẹ Ọrovwọhwo Ọghẹnẹ wẹn na ọvo cha oja rẹ ota rẹ o nyori na; fiki rẹ ọtiọye na gba nẹ ẹrhovwo kẹ umuku ra yan jovwo na.

2 Ikun rẹ Ivie 28:19

Kidie Ọrovwohwo da vwẹ Juda kpo otọ fiki rẹ Ehaz ovie rẹ Izrẹl, fikiridie o ru emu ogbegbo vwi Juda o ji se Ọrovwohwo na gguyota-a.

2 Ikun rẹ Ivie 34:21

Yanran, re duotọ rẹ emu nana vwẹ obọ rẹ Ọrovwohwo kẹ vwẹ ji kugbe ayen ihwo ri chekọ vwẹ Izrẹl vi Juda, kpahe eta rẹ ọbe nana ra mrẹre na; kidie ophu rẹ Ọrovwohwo na pha tuatua kpahe avwanre, fikiridie esẹ rẹ avwanre yọnre eta rẹ Ọrovwohwo na-a, ayen ruru kirobo re si phihọ ọbe nana-a.

Une rẹ Ejiro 106:23

Fikiridie ọ tare nẹ ọye ghwọrọ ayen– ọ dia ifiki ri Mosis, rọ jẹreyọ na vwo-o rọ mudia phihọ ahwa rọye, rọ da ophu rọye ji ro vwo jẹ ayen ẹghwọrọ.

Une rẹ Ejiro 50:21

Emu nana we ruru mi de fotovwi, ki wo rori ne mẹvwẹ ohwo kerẹ ọtio wẹ na. Asakiephana mi che nene uwe ghwọre, Me cha vwẹ imu nana ejobi phia kẹ wẹ re

Aizaya 1:8

Ọmọtẹ ri Zayọn kọye ri chekọ kerẹ utughẹ vwe evun rẹ udju ri vain, kerẹ ohẹrhẹ vwẹ udju rẹ oyaọ, kere orere rọ hẹ imu

Aizaya 1:9

Odiane kẹ Ọrovwohwo rẹ ofovwi je imi ihwo ẹvo vwo kẹ avwanre vwonẹ, mane kẹ avwanre a dia kerẹ Sodọm, ke avwanre a họhọ Gomora.

Aizaya 10:20

Vwẹ ẹdẹ yena umuku ri chekọ vwẹ Izrẹl kugbe iri ghwu chekọ vwẹ uwevwi ri Jekọp gbe cha vwẹ oma rere ohwo rọ ghwiẹ ayen na-a, ẹkẹvuọvo kẹ ayen vwẹ oma rẹrẹ Ọrovwohwo, Ọfuanfon Ọvuọvo re Izrẹl na, vwẹ ọ re uyota.

Aizaya 10:22

Owene ihwo wẹn Izrẹl mi bun kerẹ ehavwo re urhie, umuku rayen ọvo ri che rhivwi. E bru ẹdẹ rẹ ẹghwọrọ nure, rọ mwavwa hwẹ vẹ ọvwata.

Aizaya 11:11

Vwẹ edẹ yena Ọrovwohwo kọ cha riẹn obọ rọye vwẹ obọ rivẹ rhe vwọ ghwẹ umuku rẹ ihwo rọye ri chekọ, nẹ Asiria rhe, nẹ Ijipt, nẹ Patios, nẹ Itiopia, nẹ Elam, nẹ Shinar, nẹ Hamat, kugbe irere re hẹ obo oma rẹ urhie.

Aizaya 36:13

Etiyin Rabshekeh de mudia ọ da van gangan vwẹ ephẹrẹ ri Juda. Nyo eta rẹ ovie rode, ovie rẹ Asiria.

Aizaya 36:18

Kẹnoma, Hẹzikaya da rha phiẹn wẹ ghwru rọ vwọ tanẹ, Ọrovwohwo na se sivwi avwanre. O vwo ẹdjọ rẹ egborho na ọvo ro sivwi otọ rọye nẹ obọ rẹ ovie rẹ Asiria na dẹvure?

Aizaya 36:20

Ọvo vwẹ usun rẹ ẹdjọ rẹ irho nana se sivwi orho rọye nẹ obọ mẹ, rẹ Ọrovwohwo vwo se sivwi Jerusalẹm nẹ obọ mẹ?

Aizaya 37:17

Rhie erhọn wẹn, E Ọrovwohwo, re wo nyo; rhie ẹro wẹn, E Ọrovwohwo, re wọ mrẹ, re wo nyo eta ri Senakerib, rọ vuẹ rhe rhe vwọ jẹ Ọghẹnẹ ri bẹdẹ ehwẹ.

Aizaya 37:31

Yẹ ihwo ri ghwu chekọ vwẹ uwevwi ri Juda cha rhoma tan awọ kpotọ, e me rha mọ emamọ vwẹ obenu,

Aizaya 37:32

kidie otọ ri Jerusalẹm na ọye umuku che nurhe, vwe Ugbenu ri Zayọn usun rẹ ihwo ri ghwu chekọ che nurhe. Oruru rẹ Ọrovwohwo ọvo ri che ru emu nana.

Aizaya 37:5

Ọke rẹ idibo rẹ Ovie Hẹzikaya vwo bru Aizaya rhe,

Aizaya 41:14

Wọ djẹ oshọ-ọ, we ri Jekọp re ohori, ovwan ihwo rẹ Izrẹl! Me sa cha we uko, eriyin Ọrovwohwo tare, Ọtan wẹn ọye Ọfuanfon Ọvuọvo rẹ Izrẹl na.

Aizaya 46:3

Kerhọn Me, E uwevwi ri Jekọp, umuku ri chekọ vwẹ uwevwi rẹ Izrẹl, ri mi mu ghwa ne ọke emọ rhe, re Me ghwa vwẹ evun Mẹ;

Jerimaya 26:19

Ke Hezikaya ovie ri Juda vi Juda ejobi hwere? Oshọ rẹ Ọrovwohwo gbi muo ro da nọ ekpẹn rẹ erhuvwu vwẹ obọ rẹ Ọrovwohwo? Ẹkẹvuọvo obo rẹ Ọrovwohwo tare nẹ ọye ru ayen jovwo na, o de jovwo? Avwanre ke guọnọ suọ okpetu rode vwọ kẹ omobọ rẹ avwanre na.

Jerimaya 42:2

Ayen da ta kẹ Jerimaya rẹ ọmraro na, Jẹn omaevwerhe rẹ avwanre te obaro wẹn wọ rẹ Ọrovwohwo Ọghẹnẹ wẹn na kẹ avwanre, kidie umuku rẹ avwanre ro chekọ na rhe bu-u, kirobo rẹ ẹro wẹn je ghwa mrẹ na.

Daniẹl 2:18

Ọ da ta kẹ ayen nẹ ayen nọ ekpẹn rẹ ehrọre vwẹ obọ rẹ Ọghẹnẹ rẹ odjuvwu kẹ emu rẹ igbunu nana, rere Daniẹl vẹ irivẹ rọye vwo je ghwo kugbe evwaghwanre ri chekọ vwi Babilọn na.

Joẹl 2:17

Vwẹ uvwre rẹ umukpe na vẹ agbada na gbe jẹn irherẹn na, ri gbe odibo kẹ Ọrovwohwo na, viẹ re ta, Jẹn ihwo wẹn vwo, E Ọrovwohwo, wo jẹn a vwẹ ireuku wẹn jehwẹ-ẹ vwo bru ohare vwẹ ohri rẹ ẹgborho na-a. Die ayen cha vwọ ta vwẹ ohri rẹ ihwo na nẹ, Tivọ Ọghẹnẹ rayen epha?

Emọs 5:15

Tuoma rẹ umwemwu, guọnọ emu esiri, wọ bro omamọ orhiẹn vwẹ anurhoro, ọke ọvo Ọrovwohwo, Ọghẹnẹ rẹ otuofovwi na, kọ sa re ehrọre rẹ umuku ri Josẹf ro chekọ na.

Emọs 7:2

Ọke rẹ ayen vwọ re odi rẹ otọ na nu, Me da ta, E Ọrovwohwo Ọghẹnẹ, vwo ghovwo, Me rẹ wẹ! Mavọ Jekọp se vwo mudia? Ọ havwe nọ.

Ọbe ri Pọl si rhe Ihwo ri Rom 9:27

Aizaya de ghwoghwo kpahe Izrẹl. Owenẹ emọ rẹ Izrẹl bu kerẹ ibiekpẹn rẹ abadi, umuku rẹ ayen re cha rhọ;

Jems 5:16

Ovwan rhọvwe imwemwu rẹ ovwan kẹ ohwohwo, rere ovwan ohwohwo nẹ ẹrhovwo kẹ ohwo, rere e vwo sivwi ovwan. Ẹrhovwo rẹ ọvwata sẹ nọ umuesia.

Joshua 14:12

Ọtiọye na gba kẹ vwẹ orho rẹ ugbenu na rẹ Ọrovwohwo tare vwẹ ẹdẹ yena; kidie we nyori nẹ ihwo rẹ Anak re dia etiyin, vẹ irere ride ra gba ogba riariẹ, o mu vwẹ ẹro nẹ Ọrovwohwo vẹ ovwẹ herọ, ke me djẹ ayen no kirobo rẹ Ọrovwohwo tare na.

1 Samuẹl 12:19

Ihwo na ejobi da ta kẹ Samuel, Rẹ Ọrovwohwo Ọghẹnẹ wẹn na kẹ idibo wẹn, rere avwanre vwo je ghwo; kidie avwanre rhoma vwẹ umwemwu nana ba imwemwu rẹ avwanre ri jovwo, rẹ avwanre vwo nọ ekpẹn rẹ ovie kẹ oma rẹ avwanre.

1 Samuẹl 12:23

Ọ rọ marho mi che ru umuemwu kpahe Ọrovwohwo re mi se jẹ ẹrhovwo ẹnẹ kẹ Ọrovwohwo fiki rẹ ovwa-an; ki mi yono ovwan phihọ idjerhe rẹ esiri vẹ ọsoso.

1 Samuẹl 14:6

Jonatan da ta kẹ emeghele rọ ghwa ekuakua rẹ ofovwi rọye na, Yanrhe, jẹn a wanvrẹn kpo obo unuofovwi rẹ ihwo rẹ upheruphe na; ọkeọvo Ọrovwohwo che ru iruo kẹ avwanre; kidie emuọvo sa da Ọrovwohwo obọ ji ro vwo sivwi-i owenẹ oburu eyẹ ọhavweree.

1 Samuẹl 17:26

Devid da ta kẹ ihwo ri mudia kẹrẹ, kidie e ru kẹ ohwo ro hwe ohwo re Filistia nana, ro de si ehwẹjẹ nẹ Izrẹl oma? Kono upheruphe nana ohwo ri Filistia nana, ro gbobọ se unuofovwi rẹ Ọghẹnẹ ri bẹdẹ na?

1 Samuẹl 17:36

Odibo wẹn hwe ikpohrokpo kugbe ikorhi; upheruphe nana ohwo ri Filistia kọ họhọ ọvo vwẹ usun rẹ ayen, kidie o gbobo se unuofovwi rẹ Ọghẹnẹ ri bẹdẹ na.

1 Samuẹl 7:8

Ihwo rẹ Izrẹl da ta kẹ Samuel, Kperi se Ọrovwohwo kẹ avwanre wọ da unu jẹ-ẹ, rere o sivwi avwanre nẹ obo ri Filistia.