Aizaya 37:38 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁸ Ọke rọ vwọ gọ ẹdjọ rọye Nishrọk vwẹ uwevwi rẹ ẹdjọ na re, Adrammelẹk kugbe Sharezar re emọ rọye, da vwẹ ọlọkọ nyavwọ hwe, ayen da djẹ kpo otọ rẹ Ararat Esarha-dọn da re vwẹ ẹdia rọye.

Aizaya 37:38 ပူးပေါင်းရင်းမြစ်များ

Jẹnẹsis 8:4

vwẹ emeranvwe rẹ ighwrẹ, vwẹ ẹdẹ rẹ ihwe gbẹ ighwrẹ rẹ emeranvwe na, okọ na da rhe kpọ muotọ vwẹ enu rẹ ugbenu ri Ararat.

2 Ikun rẹ Ivie 32:14

Kono vwẹ ohri rẹ ẹdjọ rẹ ẹgborho yena rẹ ọsẹ mẹ guọghọre tototo na ri se sivwi ihwo rọye nẹ obọ mẹ, rẹ Ọghẹnẹ wẹn vwo se sivwi uwe nẹ obọ mẹ?

2 Ikun rẹ Ivie 32:19

Ayen da ta ota kpahe Ọghẹnẹ ri Jerusalẹm kirobo rẹ ayen ta kpahe ẹdjọ rẹ ihwo efa vwẹ akpọ na, ra vwẹ abọ ma.

2 Ikun rẹ Ivie 32:21

Ọrovwohwo de ji amakashe ọvo, ọ da nyavwe egba rẹ ofovwi na kugbe isun na vẹ inotu na re hẹ erhọn rẹ ovie rẹ Asiria hwe. Etiyin o de rhivwi vẹ omavovwẹ kpo otọ rẹ obọ rọye. Ọke ro rhi vwo te uwevwi rẹ ẹdjọ rọye re, emọ rọye ẹvo da dia etiyin nyavwọ hwe.

Ezra 4:2

ayen de si kẹrẹ Zerubabel vẹ igbuyovwi rẹ uwevwi rẹ esemọ na, ayen da ta kẹ ayen, We jẹ avwanre nene ovwan bọn, kidie avwanre je ga Ọghẹnẹ wẹn na kirobo wo ruẹ na, rẹ avwanre ji ze izobo kẹ rhabae rhe nẹ ọke rẹ Esarhadọn ovie rẹ Asiria rọ vwẹ avwanre rhe etinẹ.

Aizaya 14:12

Mavọ wo vwo she nẹ odjuvwu rhe, Isio rẹ Uvo, ọmọ rẹ Irhiọke! Mavọ a nyavwe owẹ ghwiẹ otọ, wẹ rọ vwẹ irere na ejobi hwa otọ!

Aizaya 14:9

Erivwi ejobi vrẹn mudia gharaghara re ayen cha vwọ vwa ọke wọ da rhe, irivwi ejobi ki che yere uwe; ihwo ri je sun akpọ na jovwo ro mu nẹ ekete rayen ihwo ri je dia ivie rẹ irere na vẹrhe.

Aizaya 36:15

Wo ji Hẹzikaya ru we rere ọ vwẹ ẹro so Ọrovwohwo na-a tanẹ, Ọrovwohwo ghine se sivwi avwanre, e che phi orere nana phihọ obọ re ovie rẹ Asiria-a

Aizaya 36:18

Kẹnoma, Hẹzikaya da rha phiẹn wẹ ghwru rọ vwọ tanẹ, Ọrovwohwo na se sivwi avwanre. O vwo ẹdjọ rẹ egborho na ọvo ro sivwi otọ rọye nẹ obọ rẹ ovie rẹ Asiria na dẹvure?

Aizaya 37:10

Enẹ wọ ta kẹ Hẹzikaya ovie ri Juda Wo jẹn Ọghẹnẹ wẹn ro wọ vwẹ ẹro so na phiẹn wẹ vẹ ive rọye nẹ e che se phi Jerusalẹm phihọ obọ rẹ ovie rẹ Asiria-a.

Aizaya 37:7

Nighere mi che phi erhi phihọ evun, vwẹ ọtiọye na ko che nyo ikun, ko che rhivwi kpo otọ rẹ obọ rọye, ki mi che ruo ro she phihọ obọ rẹ ọlọkọ vwẹ otọ rẹ obọ rọye.

Jerimaya 51:27

Vwẹ aphiana vi vwẹ akpọ na, hwọrọ owanre vwẹ ohri rẹ ẹghorho na; rhuẹrẹ ẹgborho na kẹ ofovwi ra vwọ suọ, se uvie na koko vwọ suọ, Ararat, Mini, vẹ Ashkinaz, vwẹ onotu ọvo mu vwọ suọ ghwe iyesi rhe kerẹ ebaka ri do.