Aizaya 37:36 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁶ Etiyin amakashe re Ọrovwohwo da yan phia, ọ da ghwiẹ ihwo odu gbe ujọne gbe iyori vwẹ evun rẹ erhọn rẹ Asiria na, rẹ ihwo vwọ rhọvwọ rhe vwẹ irhiọke re, asan ejobi vọnre vẹ irivwi.

Aizaya 37:36 ပူးပေါင်းရင်းမြစ်များ

2 Samuẹl 24:16

Ọke rẹ amakashe na cha vwọ riẹn obọ kpo Jerusalẹm rọ vwọ guọghọ, Ọrovwohwo da rhẹriẹ nẹ emu ọbrabra rọ guọnọ ru, ọ da ta kẹ amakashe rẹ o ru iruo rẹ ẹghwọrọ vwẹ ohri rẹ ihwo na, o teri; Asakiephana gba da obọ ji. Yẹ amakashe rẹ Ọrovwohwo na hẹ oma rẹ uwevwi rẹ Aruanah rẹ ohwo ri Jebu.

Ivie rẹ Ivẹ 19:35

Vwẹ ason yena amakashe rẹ Ọrovwohwo da yan phia, o de hwe ihwo uriori ujori gbẹ ujọne gbẹ iyori vwẹ erhọn rẹ ihwo rẹ Asiria; ọke rẹ eshare na vwọ rhọvwọn vwẹ urhiọke rhirhi, nighe enana ejobi kẹ iririvwi.

1 Ikun rẹ Ivie 21:12

Owẹnvwe rode rẹ ikpe erha, yẹrẹ ivwighrẹ wẹn re guọghọ owẹ emeranvwe erha bẹsiẹ rẹ ọlọkọ rẹ ivwighrẹ wẹn vwo phi we kua; yẹrẹ ẹdẹ erha rẹ ọlọkọ rẹ Ọrovwohwo, emianvwe vwẹ enu rẹ otọ na, rẹ amakashe rẹ Ọrovwohwo da guọghọ ihwo vwẹ otọ rẹ Izrẹl na ejobi. Asakiephana gba jẹ rere me mrẹ iyẹnrẹn nẹ kẹ ọ ro ji vwe.

1 Ikun rẹ Ivie 21:16

Devid vwọ kpare ẹro kpenu ọ da mrẹ amakashe rẹ Ọrovwohwo ro mudia uherevie rẹ akpọ vẹ odjuvwu vẹ ọlọkọ rọ riẹn phihọ Jerusalẹm. Etiyin Devid vẹ ekpako na de ku esiso phihọ, ayen de she bọvwọ opharo rhuotọ.

ỌBE RẸ JOB 24:24

Ayen de kpenu vwẹ ọmọke, yẹ ayen ghwe re, ayen vwioro, ayen yare kerẹ orhọn, ka nyavwẹ ayen kufia kerẹ erheghe rẹ emamọ.

ỌBE RẸ JOB 34:20

Vwẹ aruẹbrẹ na ayen mi ghwe ghwu, vwẹ ogidi ason ihwo mi mu kpogho ayen me wanvrẹn, abọ re dia abọ rẹ ohwo rẹ akpo-o me reyọ ayen yanran.

Ẹyano 12:23

Fikiridie Ọrovwohwo cha wanvrẹn re hwe ihwo rẹ Ijipt na; ọke rọ da mrẹ ọbara na vwẹ ophapha rọ obenu vẹ ọ rẹ akakọ rẹ anurhoro na, Ọrovwohwo me shariẹ ẹchẹ yena vrẹn, ọ gbe rhọvwe nẹ ọguọghọ na vwẹriẹ iwevwi wẹn re hwe we-e.

Ẹyano 12:30

Fero de vrẹn vwẹ ason, te ọye, vẹ idibo rọye, kugbe ihwo rẹ Ijipt ejobi; ugo rẹ oviẹ de mu vwẹ Ijipt, kidie o vwo uwevwi ọvuọvo rẹ ohwo de je ghwo-o.

Aizaya 10:12

Ọke rẹ Ọrovwohwo de ru iruo rọye ejobi vwẹ Ugbenu ri Zayọn kugbe Jerusalẹm nu, ko che hwe Asiria vẹ eyan ofefe rọye kugbe eheri ọbrabra rọye.

Aizaya 10:25

Vwẹ ọmọke krẹn emerha ivuemiovwo mẹ ko vwo oba, ophu mẹ kọ cha garọ vi ẹghwọrọ rayen ọvo.

Aizaya 10:26

Ọrovwohwo rẹ ofovwi na kọ cha vwẹ ugbudia vwọ fa ayen, kirobo rọ vwerọ fa Midian vwẹ asan oragha rẹ Orẹb, kọ cha riẹn ọkpọ ku urhie, kọ kparọ kirobo ro ru vwẹ Ijipt.

Aizaya 27:7

Kọ ghwiẹ ayen kirobo ro ghwiẹ otu re ghwiẹ ayen na? Eyeẹ ke hwe ayen kirobo re hwe ayen otu ri hwe ayen?

Aizaya 29:5

Ẹkẹvuọvo ivwighrẹ re pha gbidi na họhọ iwurhie vworo vworo, ihwo gbidiki ri siaro na ke họhọ iphopho ri nene odju yanran. Erọẹbrẹ na, kpregede.

Aizaya 31:8

Ihwo rẹ Asiria ke wan oma re ọlọkọ she, ọ dia ọlọkọ re ohwo-o, ọlọkọ ọvo, ọ dia re ohwo-o, kọ ghworọ, Ko cha dje ke ọlọkọ na, imighene rọye ke ghwa oghwa ri karia.

Daniẹl 3:28

Nẹbukadreza da ta, Ebruba kẹ Ọghẹnẹ ri Shadrak, Mẹshak vẹ Abẹdnigo, rọ ji amakashe rhe rhi sivwi idibo rọye, re vwẹ ẹro suọ ayen da jẹ ota rẹ ovie fia, ayen phi oma rayen phihọ otọ ra ga eghẹnẹ efa-a jọkpa rẹ Ọghẹnẹ rayen ọvo.

Maika 5:6

ọlọkọ kọye ayen che vwo sun otọ rẹ Asiria, otọ ri Nimrọd vẹ ọlọkọ re yoro phia; ayen ki che sivwi avwanre mie Asiria vwẹ ọke rọ da rhe otọ rẹ avwanre ro de rhi chiyi ughwru rẹ avwanre.

Nahum 1:12

Enẹ Ọrovwohwo tare, Owenẹ ayen ganre eyẹ ayen buru, a cha nyavwẹ ayen ghwẹ kufia. Owene mi kpokpo uwe jovwo, mi gbi kpokpo uwe ọfa-a.

Nahum 3:3

Otu re dia enu rẹ iyesi da nyavwẹ oda, oda re djuẹ vẹ ibiri ri lo wrowro, otu re hweri vẹ otọ gbidi, irivwi rẹ ihwo re do koko, irivwi rẹ ihwo ri vwo oba-a, ayen mia yẹghrẹ she teyọ irivwi na!

Iruo rẹ Iyinkọn na 12:23

Siẹvuọvo na amakashe rẹ Ọrovwohwo da ghwiẹ, fikiridie ọ vwẹ urinrin kẹ Ọghẹnẹ-ẹ; ihori da riọ o de ghwu.