Aizaya 37:32 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³² kidie otọ ri Jerusalẹm na ọye umuku che nurhe, vwe Ugbenu ri Zayọn usun rẹ ihwo ri ghwu chekọ che nurhe. Oruru rẹ Ọrovwohwo ọvo ri che ru emu nana.

Aizaya 37:32 ပူးပေါင်းရင်းမြစ်များ

Ivie rẹ Ivẹ 19:31

Kidie nẹ evun ri Jerusalẹm umuku ke tanrhe, nẹ Ugbenu ri Zayon rhe otu ri ghwu chekọ ke cha rhe. Oruru rẹ Ọrovwohwo che ru ọnana.

Aizaya 10:20

Vwẹ ẹdẹ yena umuku ri chekọ vwẹ Izrẹl kugbe iri ghwu chekọ vwẹ uwevwi ri Jekọp gbe cha vwẹ oma rere ohwo rọ ghwiẹ ayen na-a, ẹkẹvuọvo kẹ ayen vwẹ oma rẹrẹ Ọrovwohwo, Ọfuanfon Ọvuọvo re Izrẹl na, vwẹ ọ re uyota.

Aizaya 26:11

E Ọrovwohwo, a kpare obọ wẹn kpenu, ẹkẹvuọvo ayen sa mrẹ-ẹ. Gbe jẹn ayen mrẹ ọdavwẹ wo vwo kẹ ihwo wẹn, rere oma vo ayen. gbe jẹn erhanre rẹ ivwighrẹ wẹn torhẹ ayen

Aizaya 37:20

Eriyin Asakiephana, E Ọrovwohwo Ọghẹnẹ rẹ avwanre, sivwi avwanre nẹ obọ rọye, rere uvie rẹ akpọ na ejobi vwọ riẹn nẹ wọwẹ ọvo kpoi re hẹ Ọrovwohwo.

Aizaya 37:4

Okeọvo ọ me dianẹ Ọrovwohwo rẹ Ọghẹnẹ wẹn nyo eta ri Rabshekeh, re onini rọye ovie rẹ Asiria ji rhe rhe vwẹ Ọghẹnẹ ri bẹdẹ na jehwẹ, rọ da ghwọ fiki rẹ eta na rẹ Ọrovwohwo rẹ Ọghẹnẹ wẹn nyori na; fiki rẹ ọtiọye na gbe jẹn ẹrhovwo ovwan guvwie kpenu vwọ kẹ umuche ihwo ri chekọ.

Aizaya 4:2

Vwe ẹdẹ yena oghọ na rẹ Ọrovwohwo na kọ cha dia erhuvwu kugbe urinrin, emamọ re otọ na kọye cha dia omẹyan ọ re urinrin rẹ otu rẹ ihwo re rhọre vwẹ Izrẹl.

Aizaya 42:13

Ọrovwohwo yan phia kerẹ ọgba, kerẹ ohwo rẹ ofovwi rẹ ophu kpare, ọ viẹ phia, o kperi phia, ọ vwẹ ẹgba rọye phia gangan kẹ ivwighrẹ rọye.

Aizaya 59:17

Ọ da gba ọvwata mu ohọre kerẹ emekpo-udu, erhu rẹ esivwo ro vwo tughẹ uyovwi, o ku iwun rẹ ihri-eriọ phihọ kerẹ amwa, ọ da vwẹ ophu phopho oma kerẹ okpa.

Aizaya 63:15

Ki ni otọ nẹ obo odjuvwu rhe re wọ mrẹ, nẹ ẹdia ọfuanfon rẹ urinrin wẹn. Tivọ oruru wẹn vẹ ẹgba wẹn epha? Ẹrọerhe re udu wẹn kugbe ehrọre wẹn e si ayen nu kẹ vwẹ.

Aizaya 9:6

Kidie avwanre e vwiẹ ọmọ na kẹ, avwanre a vwẹ ọmọ na kẹ, isuesun na kẹ igabọ rọye ọ cha dia, ke se odẹ rọye Ọgba-Aghwanre, Ọghẹnẹ ro vwo Ogangan, Ọsẹ ri Bẹdẹ, Ọmọ rẹ ovie rẹ Ufuoma.

Aizaya 9:7

Obuebu rẹ isuesun rọye vẹ ufuoma rọye se vwo oba-a vwe enu rẹ ekete ri Devid, kugbe enu rẹ uvie rọye, rọ tọn phihọ, rọ yọnrọn vwẹ ọsoso vẹ ọvwata ne ọke nana yanran rhiri bẹdẹ. Oruru rẹ Ọrovwohwo rẹ otuofovwi na yi ri ru ọna.

Joẹl 2:18

Etiyin Ọrovwohwo da rhe rioma fiki rẹ otọ rọye, ọ da re ehrọre rẹ ihwo rọye.

Zekaraya 1:14

Etiyin na amakashe ro nene uvwe ta ota na da ta kẹ vwẹ, kperi phia, E nẹ Ọrovwohwo rẹ otuofovwi tare. Me reoma kpahe Jerusalẹm vẹ Zayọn gangan.