Aizaya 37:30 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁰ Ọnana kọ cha dia oka vwọ kẹ wẹ, vwẹ enukpe nana, re obo ri mu djẹ, vwẹ ukpe rive, obo re van nẹ otọ ọvuọvo na rhe, ọtiọye na vwẹ ukpe rerha, kọn re wọ vun, kọn ogba ri vain, re wọ re ubi rayen.

Aizaya 37:30 ပူးပေါင်းရင်းမြစ်များ

Ivie rẹ Ivẹ 19:29

Ọnana kọ cha dia oka kẹ wẹ; ukpe nana ku wọ cha re ekakọn ri mu djẹ, ukpe rivẹ ekakọn yena re djẹrhe, ukpe rerha, ko wọ kọn, ku wo vun, ku wọ kọn egbo ri vain ku wọ re ibi rayen.

Ivie rẹ Ivẹ 20:9

Aizaya da ta, Ọnana ọye oka ro nẹ obọ rẹ Ọrovwohwo bru we rhe, nẹ Ọrovwohwo che ru obo ro veri na gba. Kẹ uhoho na cha vwẹ ichiyi ihwe kpo obaro gbe nẹ ọ cha vwẹ ichiyi ihwe kpo obuko?

Ẹyano 3:12

Ọ da kpahe kẹ nẹ, “Mi che mi nene uwe ra; ọnana kọ dia oka kẹ wẹ, nẹ Mẹvwẹ ri ji we; ọke wọ da rọye ihwo na nẹ otọ rẹ Ijipt rhe nu, ku wọ cha gọ Ọghẹnẹ vwẹ ugbenu nana.

Aizaya 38:7

Ọnana kẹ oka rẹ Ọrovwohwo cha vwọ kẹ wẹ, nẹ Ọrovwohwo che ru emu nana rọ vwẹ unu rọye ve na.

Aizaya 65:21

Ayen ke bọn iwevwi kẹ ayen dia evun rayen, ayen ke kọn ogba ri vain kẹ ayen re emamọ rọye.

Aizaya 7:11

Nọ ekpẹn rẹ oka vwẹ obọ rẹ Ọrovwohwo rẹ Ọghẹnẹ wẹn; gbe je okodo prẹ kerẹ erivwi eyẹ okpenu kerẹ odjuvwu.

Aizaya 7:14

Fiki rẹ ọtiọye na Ọrovwohwo ọvo kọye cha vwẹ oka kẹ wẹn. Nighe, eghene aye cha mrevun, ko che vwiẹ ọmọ, ke se odẹ rọye Imanuẹl.

Livitikọs 25:11

Ọke rẹ aghọghọ rẹ ukpe yena dia ke ovwan, vwẹ evun rẹ ukpe yena ovwan kọn emu ọvuọvo-o, emu re ọye ọvo djẹre ovwan ji vuo-o, ibi ri vain re ovwan ra rhuẹrẹ phihọ na wa je kọrọ aye-en.