Aizaya 37:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Wo ji nyo-o, obo ri mi rori rhabae rhe? Nẹ ọke rẹ awanre rhe me vwọ vwanvwọn phihọ otọ obo re cha phia vwẹ ọke nana, nẹ wa gba ogba riariẹ irere rẹ ovwan ri che kporo hirhe phihọ erhurhu,

Aizaya 37:26 ပူးပေါင်းရင်းမြစ်များ

Jẹnẹsis 50:20

Vwọ kẹ ovwan, umwemwu we ru kpahe ovwẹ, ẹkẹvuọvo Ọghẹnẹ da rhẹriẹ umwemwu na vwọ erhuvwu kẹ vwẹ, o ruro rhe rere ihwo buebu vwọ rhọ, kirobo rọ epha nonẹ na.

Une rẹ Ejiro 17:13

Vrẹn, E Ọrovwohwo, wọ ghara ayen, wo gere ayen she! Vwẹ oda wẹn vwo sivwi vwe nẹ obọ re ohwo umwemwu.

Une rẹ Ejiro 76:10

Uyota ophu rẹ iliwo rẹ akpọ che jiri uwe; ọmophu ri chekọ vwẹ akpọ na ku wọ vwẹ ayen rhuo oma wẹn.

Aizaya 10:15

Kẹ ushurhe yan eyan kẹ ọro vwo she urhe, eye isara rhe mu oma kpenu kẹ oro yọnherọ? Kerẹ ẹsiẹ rẹ ophiaphiẹ da fa ohwo rọ yọnherọ, eyẹ kerẹ ẹsiẹ rẹ ọkpọ da rhoma mu ohwo rọ yọnherọ nẹ otọ!

Aizaya 17:1

Aruẹmrẹ ra mrẹ kpahe Damaskọs. Nighere, Damaskọs gbe cha dia orere-e, ko che hirhe vwọ ẹko rẹ erhurhu.

Aizaya 22:11

Wọ da tọn ọgọdọ phihọ uvwre re igbẹhẹ na rere ame rẹ ẹtẹrhe rẹ awanre na vwọ djẹ ruọ. Ẹkẹvuọvo wo gbi rhe ni ohwo ro ruro-o, eyẹ wo rhe se ohwo rọ jẹn iroro na phihọ otọ rhabae rhe gbe emu-u.

Aizaya 40:21

Wọ je riẹ-ẹn? wo ji nyo-o? A je ta kẹ wẹ nẹ otọrhe-e? Wọ je riẹn nẹ emuohọ rẹ akpọ na rhe?

Aizaya 40:28

Wọ je riẹ-en? Wọ ji nyo-ọ? Ne Ọrovwohwo na ọye Ọghẹnẹ ri bẹdẹ na, ọye Ọmema rẹ oba rẹ akpọ na. Oma rhọ-ọ eyẹ oma ghwọrọ-ọ, ẹruọ rọye ọ bẹn evughe.

Aizaya 45:7

Mẹvwẹ re ma orẹmrẹ kugbe ebri, Mẹvwẹ rẹ ma efe mẹvwẹ re ma okpetu, Mẹvwẹ Ọrovwohwo na, rọ ma imu nana ejobi na Ọrovwohwo hẹ Ọmẹna

Emọs 3:6

E hworo owanre vwẹ orere re oshọ de jẹ ihwo emuọ? okpetu di she vwẹ orere, rẹ Ọrovwohwo de jẹ obọ evwo vwọ?

Iruo rẹ Iyinkọn na 2:23

Jesu nana, ọye a vwọ kẹ ihwo re riẹn urhi-i re kanrọ mu agbagba hwe, kerẹ iroro rẹ Ọghẹnẹ jẹ kpahọ vẹrhe.

1 Pita 2:8

kugbe, Oragha rọ cha kprọ ihwo awọ, oragha rọ cha nẹrhẹ ayen she; ọ cha kprọ ayen awọ fikiridie ayen mu ọghọ kẹ ota na-a, kirobo re rhiẹ ayen phihọ nẹ ayen ru.

Ọbe ri Jud 1:4

Kidie otu rẹ ihwo ẹvo bẹbẹ rhẹrẹ ro usun rẹ avwanre na, enana otu rẹ ihwo re bru orhiẹn rẹ ughwu hwe rhabae rhe, ihwo ebrabra re rhẹriẹ ẹserọphẹ rẹ Ọghẹnẹ phihọ umwemwu, re sen Onini na kugbe Ọrovwohwo, Jesu Kristi.