Aizaya 37:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ Vwẹ oma rẹ idibo wẹn wọ wan phọphọ Ọrovwohwo, wọ da tanẹ, Vẹ ekpẹrẹ rẹ ofovwi mẹ buebu na Eye mi vwo yeri kpo enu rẹ igbenu na, re te obo ẹtan ri Lebanọn, Mi de she igẹdu ri me gro vwọ ejobi, omamọ re owangha re herọ, Mi de rhi te obọ shesheri rẹ ugbenu na, asan obiebi hwi vwẹ egho na.

Aizaya 37:24 ပူးပေါင်းရင်းမြစ်များ

Une rẹ Ejiro 20:7

Ẹvo vwẹ ekpẹre rẹ ofovwi yeyan, ẹvo ke iyesi, ẹkẹvuọvo avwanre vwẹ odẹ rẹ Ọrovwohwo rẹ Ọghẹnẹ rẹ avwanre yeyan.

Ẹyano 15:9

Ivwighrẹ na da ta, Me vwọ tua, re me korẹ, me ghare ughwẹ na, ẹguọnọ mẹ kọ wan oma rayen gba. Mi che yoro ọlọkọ mẹ obọ mẹ kọ guọghọ ayen.

Aizaya 10:18

Urinrin rẹ egbo rọye kugbe otọ rọye re yovwẹ emu Ọrovwohwo cha ghwọrọ te ẹnwẹn kugbe oma, kọ dia kẹrẹ ẹsiẹ rẹ ohwo ro mwọga e de hrẹn mu.

Aizaya 10:33

Nigherẹ, Ọrovwohwo, Ọrovwohwo rẹ ofovwi na cha fian eghọn na vẹ ogangan ro mu oshọ; ọ ro gro kpenu ke che shẹ teye otọ, ọ ro mu oma kpenu ka ghwọrọ te otọ

Aizaya 10:34

Kọ vwẹ ushurhe bẹnẹ itu rẹ eghọn na te otọ, Lebanọn vẹ ikpirhe ride na ki she.

Aizaya 14:8

Owangha na ejobi ke ghọghọ owẹ, igedu ri Lebanọn, ke tanẹ, Rhabae ra vwọ ghwọrọ owẹ nu na, ohwo ọvuọvo ji rhe she avwanre.

Aizaya 29:17

O gbe dianẹ ọmọke krẹ ri chekọ-ọ ri Lebanọn vwọ rhoma hirhe phihọ udju esiri, ra da vwẹ udju esiri na vwo roro egbo?

Aizaya 36:9

Komavọ wọ vwọ sa rhan onotu ọvo vwẹ usun rẹ inotu itete rẹ onini mẹ rhivwi, ru wọ vwọ vwẹ ẹro so Ijipt vẹ ekpẹrẹ rẹ ofovwi kugbe ihwo re gua iyesi?

Aizaya 37:4

Okeọvo ọ me dianẹ Ọrovwohwo rẹ Ọghẹnẹ wẹn nyo eta ri Rabshekeh, re onini rọye ovie rẹ Asiria ji rhe rhe vwẹ Ọghẹnẹ ri bẹdẹ na jehwẹ, rọ da ghwọ fiki rẹ eta na rẹ Ọrovwohwo rẹ Ọghẹnẹ wẹn nyori na; fiki rẹ ọtiọye na gbe jẹn ẹrhovwo ovwan guvwie kpenu vwọ kẹ umuche ihwo ri chekọ.

Jerimaya 22:6

Kidie enẹ Ọrovwohwo tare kpahe uwevwi rẹ ovie ri Juda: Wọ họhọ Giliad kẹ vwẹ, kerẹ enu ri Libanọn, dede na uyota mi che ru we phihọ aton, phihọ orere re jẹ dia.

Jerimaya 22:7

Me cha reyọ otu re ghwọrọ vwọ họnre owẹ, dohwo dekuakua rọye, ayen che she emamọ ri igẹdu wẹn kuoto, a da ghwe ayen phihọ erhanre.

Jerimaya 46:8

Ijipt kpare kerẹ Nile, kerẹ irhie rẹ ame rayen kpara cha. Ọ tare, me kpare, mi phoro otọ na, me guọghọ irere vẹ ihwo rayen.

Izikiẹl 21:2

Ọmọ rẹ ohwo, tọn opharo wẹn vi Jerusalẹm re wọ ta ota kpahe asan eshẹ na; mraro kpahe otọ rẹ Izrẹl

Daniẹl 4:30

etiyin ovie na da ta, Onana dia Babilọn rọde na, re me vwẹ ẹgba vẹ ogangan mẹ bọn rọ dia ighẹn rẹ ovie vwọ kẹ urinrin vẹ ọrho mẹ?