Aizaya 37:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Vwẹ ọ rẹ uyota, E Ọrovwohwo ivie rẹ Asiria ghine vwẹ obọ rayen ghwọrọ irere na ejobi vẹ etọ rayen.

Aizaya 37:18 ပူးပေါင်းရင်းမြစ်များ

Ivie rẹ Ivẹ 15:29

Vwẹ ọke ri Peka ovie rẹ Izrẹl vwo suẹn, ọye Tigiatpileza ovie rẹ Asiria rhe vwọ kua Ijọn, vẹ Abel-bet-maka, vi Janoa, vi Kedẹsh, vi Hazo, vi Giliad, kugbe Galili vẹ otọ ri Naftali ejobi; o de mu ihwo na ighuvwu kpo Asiria.

Ivie rẹ Ivẹ 16:9

Ovie rẹ Asiria de nyo ọrọye; ovie rẹ Asiria da yanran kpo Damaskọs, ọ da kua, ọ da kua ihwo rọye kpo Kai, o de hwe Rezin.

Ivie rẹ Ivẹ 17:24

Ovie rẹ Asiria da kua ihwo nẹ Babilọn rhe, vẹ Kuta, vẹ Ava, Hamat, vi Sefavem rhe, ọ da ghwẹ ayen phihọ irere ri Sameria ra kua ihwo rẹ Izrẹl nu na, ayen de rhe vwo Sameria, ayen de yeri irere rọye.

Ivie rẹ Ivẹ 17:6

Vwẹ ukpe rirhiri ri Hoshea ovie rẹ Asiria de mu Sameria, ọ da kua ihwo rẹ Izrẹl kpo Asiria, ọ da ghwa ayen phihọ Hala, kugbe Habo, urhie ri Gozan, kugbe evun rẹ irere rẹ ihwo ri Mid.

1 Ikun rẹ Ivie 5:26

Etiyin Ọghẹnẹ rẹ Izrẹl da kpare ẹnwẹ ri Pul ovie rẹ Assiria re ji se Tilgatpilnesa ovie rẹ Assiria, o de mu ekru ri Rubẹn, Gad, ubro rẹ orua ri Manasse, ọ da vwẹ ayen rhe Halah, Habọr, Hara, kugbe urhie ri Gozan re te nonẹ.

Aizaya 49:17

Ihwo re bọn wẹn ọ phẹrẹ ayen obọ nọ otu re guọghọ owẹ, ihwo ri kporo uwe te otọ ma yan ju we vwo.