Aizaya 37:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Rhie erhọn wẹn, E Ọrovwohwo, re wo nyo; rhie ẹro wẹn, E Ọrovwohwo, re wọ mrẹ, re wo nyo eta ri Senakerib, rọ vuẹ rhe rhe vwọ jẹ Ọghẹnẹ ri bẹdẹ ehwẹ.

Aizaya 37:17 ပူးပေါင်းရင်းမြစ်များ

2 Samuẹl 16:12

Ariẹnre-e Ọrovwohwo me mrẹ ọdjarhe re me epha, Ọrovwohwo da vwẹ ẹroesiri rọye kẹ vwẹ vwẹ oma rẹ iyori ro duvwu vwẹ nonẹ na,

Ivie rẹ Ivẹ 19:16

Rhie erhọn wẹn, E Ọrovwohwo, rere wo nyo; rhie ẹro wẹn E Ọrovwohwo, rere wọ mrẹ; nyo eta ri Senakarib vuẹ rhe re vwọ reyọ Ọghẹnẹ ro vwo arhọ vwọ jehwẹ.

2 Ikun rẹ Ivie 6:40

Asakiephana E Ọghẹnẹ mẹ, gbe jẹn ẹro wẹn rhie rere wo rhe rhie erhọn wẹn phihọ kẹ ẹrhovwo re etinẹ na.

2 Ikun rẹ Ivie 7:15

Asakiephana ẹro mẹ ko rhie, erhọn mẹ ko rhie phihọ kẹ ẹrhovwo ra nẹ vwẹ etinẹ na.

ỌBE RẸ JOB 36:7

O si ẹro rọye nẹ evwata-a, ẹkẹvuọvo ọ phi ayen kugbe ivie vwẹ ekete rayen ọ me vwẹ ayen vi bẹdẹ, ka kpare ayen kpenu.

Une rẹ Ejiro 116:1

Me guọnọ Ọrovwohwo na, fikiridie wo nyo urhuru mẹ kugbe orẹ mẹ

Une rẹ Ejiro 17:6

Mi re se we, kidie wẹ ri se nyo vwe, E Ọghẹnẹ, rhie erhọn wẹn kẹ vwẹ, re wo nyo eta mẹ.

Une rẹ Ejiro 71:2

Vwẹ evun rẹ ọvwata wẹn sivwi uvwe ru wo yoro uvwe no, rhie erhọn wẹn phihọ kẹ vwẹ rere wo sivwi uvwe!

Une rẹ Ejiro 74:10

Mavọ o krite, E Ọghẹnẹ, re ivwighrẹ vwọ jehwẹ te? ọvweghre na kọ va ku odẹ wẹn bẹdẹ?

Une rẹ Ejiro 74:22

Vrẹn, E Ọghẹnẹ, mie vwe unu vwo gu, karohọ obo ri jẹfuọn na vwe owẹ jehwẹ vwe ẹdẹ na ejobi na!

Une rẹ Ejiro 79:12

Rhoma hwa osa ohwọhwọ ighwrẹ phihọ agada rẹ irivẹ re avwanre fiki re ehwẹjẹ re ayen vwe owẹ je, E Ọrovwohwo!

Aizaya 37:4

Okeọvo ọ me dianẹ Ọrovwohwo rẹ Ọghẹnẹ wẹn nyo eta ri Rabshekeh, re onini rọye ovie rẹ Asiria ji rhe rhe vwẹ Ọghẹnẹ ri bẹdẹ na jehwẹ, rọ da ghwọ fiki rẹ eta na rẹ Ọrovwohwo rẹ Ọghẹnẹ wẹn nyori na; fiki rẹ ọtiọye na gbe jẹn ẹrhovwo ovwan guvwie kpenu vwọ kẹ umuche ihwo ri chekọ.

1 Pita 3:12

Kidie ẹro rẹ Ọrovwohwo e hẹ enu rẹ ọvwata, erhọ rọye rhie phihọ kẹ ẹrhovwo rayen, Ẹkẹvuọvo Ọrovwohwo mukpahe otu ri ruẹ umwemwu.