Aizaya 36:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Nighere, wọ vwẹ oma da Ijipt, ọkpọ rẹ ugbẹn rẹ ọghọrọgbọdọ, rọ shọrọ obọ rẹ ohwo rọ vwe oma rere na. Ọtiọye Fero ovie re Ijipt epha kẹ ihwo ejobi re vwẹ ẹro da.

Aizaya 36:6 ပူးပေါင်းရင်းမြစ်များ

Ivie rẹ Ivẹ 17:4

Ẹkẹvuọvo ovie rẹ Asiria da rhe mrẹ ero vughe vwẹ oma ri Hoshea; kidie o ji ikọn bru ovie rẹ Ijipt ra, ọ gbe rha ghwa ẹga rhe ovie rẹ Asiria-a kirobo ro ruẹ kukpe kukpe jovwo na; fiki rẹ ọtiọye na ovie rẹ Asiria de re muo, ọ da kanrọn phihọ uwodi.

Ivie rẹ Ivẹ 18:21

Nighe, wọ vwẹ ẹro so Ijipt, ro vwirhẹ ro che duvwun obọ rẹ ohwo kohwo rọ vwẹ oma rẹrẹ. Eriyin Fẹro ovie rẹ Ijipt ephan vwọ kẹ ohwo kohwo rọ vwẹ ẹro suọ.

Une rẹ Ejiro 146:3

Wọ vwẹ ẹro wẹn so isu-un, ọmọ rẹ ohwo, ro vwo ọchuko ọvuọvo-o.

Isẹ 25:19

Ohwo rọ vwẹ ẹro so orharhe rẹ ohwo vwẹ ọke rẹ ukpokpogho ọhọhọ ako ro yeghe eyẹ owọ rọ ghworiẹ.

Aizaya 31:1

Ekan ke otu re yanran kpo Ijipt ra guọnọ ọchuko re vwẹ ẹro go iyesi, re vwẹ ẹro so ekpere re ofovwi kidie i buru re vwẹ ẹro so ihwo re gua iyesi kidie ayen ganre, ẹkẹvuọvo ayen vwẹ ẹro so Ọfuanfon Ọvuọvo rẹ Izrẹl na-a eyẹ ayen je nọ mie Ọrovwohwọ-ọ

Aizaya 31:3

Ihwo rẹ Ijipt na ihwo rẹ akpọ, e dia Ọghẹnẹ-e iyesi rayen ugboma gheghe, e dia erhi-i Ọke rẹ Ọrovwohwo da riẹn obọ rọye phia, ọchuko na kọ yẹghrẹ, ihwo rọ chọ na ki she, ayen ejobi ke ghworọ kugbe

Izikiẹl 17:17

Fẹro vẹ unuofovwi rọye rode vẹ usun rẹ ihwo buebu sa cha uko vwẹ ofovwi-i, vwẹ ọke ra da ghwẹ ẹkuekpẹn nyẹ ogba rẹ ofovwi na ra vwọ nyavwe ihwo buebu kufia.

Izikiẹl 29:16

Ihwo rẹ Izrẹl gbe vwẹ ẹro suọ ọfa bẹdẹ-ẹ, re ayen da karohọ orukuruku rayen, rẹ ayen da dje bru ayen ra nẹ ọ cha ayen uko. Etiyin ayen ke riẹn nẹ mẹvwẹ Ọrovwohwo Ọghẹnẹ na.