Aizaya 36:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Wo davwerhọn ri Hẹzikaya-a, kidie enẹ ovie rẹ Asiria tare Wa rhe rhuẹrẹ kẹ vwẹ rere we bru vwe rhe, kohwo kohwo vwẹ usun rẹ ovwan na kọ re ibi ri vain rọye kugbe ibi ri fig rọye kọ je da ame rẹ orhare rọye,

Aizaya 36:16 ပူးပေါင်းရင်းမြစ်များ

Jẹnẹsis 32:20

Wa Me je tanẹ, Jekọp odibo wẹn ọ cha vwẹ obuko. Kidie o rori nẹ, Me sa vwẹ ọko rọ ka obaro kẹ vwẹ na vwo phoro aro, kọye Me sa vwọ mrẹ opharo rọye, ọkeọvo ọ Me reyọ ovwẹ.

Jẹnẹsis 33:11

Reyọ, Me rẹ wẹ, ọko nana re Me phare rhe we na, kidie Ọghẹnẹ ru ẹse kẹ vwẹ gangan, fikiridie ọ ri mi vwori na te kẹ vwẹ. Ọtiọna kọye ọ rẹrẹ, ọ da reyọ.

2 Samuẹl 8:6

Etiyin Devid de phi utuofovwi phihọ Aram ri Damaskọs; ihwo ri Siria de hirhe phihọ idibo ri Devid, ayen da ghwẹ ẹga rhe. Ọrovwohwo da vwẹ ogangan re phio kparobọ vwọ kẹ Devid vwẹ asan rọ rare ejobi.

1 Ivie 4:20

Juda vẹ Izrẹl epha buebu kerẹ ibiekpẹn re hẹ oma rẹ urhie; ayen ria ayen, ayen je da, oma ghwa vwerhe ayen.

1 Ivie 4:25

Te Juda kugbe Izrẹl da dia vwẹ ufuoma, nẹ Dan re te Beersbeba, dohwo dotọ ri vain rọye kugbe otọ ri fig rọye vwẹ ẹdẹ ri Solomọn ejobi.

Ivie rẹ Ivẹ 18:31

Wa kerhọ ri Hẹzikaya-a; kidie enẹ ovie rẹ Asiria tare. Wa rhuẹrẹ kẹ vwẹ re we bru vwe rhe; ọke yena dohwo dẹ vain robọ rọye kọ cha re, dọhwo dowe rọye kọ cha fọn, ọ vẹ ame rẹ orhanre rọye kọ cha da;

Ivie rẹ Ivẹ 5:15

Etiyin o de rhivwi bru ohwo rẹ Ọghẹnẹ na ra, te ọye te usun rọye o de rhi mudia obaro rọye; ọ da ta Nighe, Me riẹnre nẹ Ọghẹnẹ hẹ akpọ na ejobi-i jokpa rẹ Izrẹl, ọtiọye gbe rhie abọ wọ reyọ okẹ nana mie odibo wẹn.

Isẹ 27:18

Ohwo rọ vwẹ ẹro te urhe rẹ owe ọ je cha fon ubi rọye, ọ rọ rhẹrẹ onini rọye che vwo ọghọ.

Isẹ 5:15

Gba da ame rẹ orhare ru wọ tọnre, ame rọ djẹ nẹ orhare rẹ obọ wẹn rhe.

Aizaya 36:17

bẹsiẹ me cha vwọ reyọ ovwan yanran kpo otọ rọ họhọ otọ rẹ ovwan na, otọ rẹ ọka vẹ wain, otọ rẹ ikara vẹ ogba ri vain.

Maika 4:4

ẹkẹvuọvo dohwo dotọ ri vain kugbe fig rọye ki che tidia, ohwo ọvuọvo gbe djẹ oshọ mu aye-en, kidie unu rẹ Ọrovwohwo re otuofovwi na tarọ nure.

Zekaraya 3:10

Vwẹ ẹdẹ yena, Ọrovwohwo rẹ otuofovwi tare, dohwo dọrivẹ rọye ko che se kpo obotọ rẹ vain rọye vẹ obotọ rẹ owe rọye.

2 Kọrẹnt 9:5

Ọtiọye na mi rori nẹ o fori mi vwo ji imoni na bru ovwan rhe re me ke rhe, rere we toro arhọghọ na phihọ otọ kirobo rẹ ovwan veri na, rere ọ vwọ choma bẹsiẹye ọ dianẹ kirobo ra kanrhie mie ohwo-o ẹkẹvuọvo kirobo ra vwẹ ọhọrobọ rẹ ohwo kẹ.

1 Samuẹl 11:3

Ekpako ri Jabesh da ta kẹ, Gba kẹ avwanre ẹdẹ ighwrẹ ọvo rere ma vwọ vuẹ ovuẹ kpo otọ rẹ Izrẹl ejobi. A rha mrẹ ohwo ro sivwi avwanre-e, avwanre ke vwẹ oma rẹ avwanre kẹ wẹ.

1 Samuẹl 25:27

Biko gbe je a vwẹ ọmọko nana rẹ odibo wẹn phare rhe ọrovwovwe na kẹ imighele ri nene ọrovwovwe na.