Aizaya 36:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ọ rọ marho, wo rori nẹ obuko rẹ Ọrovwohwo ọye me vwọ rhe otọ na rhe vwọ ghwọrọ na? Ọ dianẹ Ọrovwohwo re ta kẹ vwẹ nẹ, Yanran vwọ so otọ na, rere wọ ghwọrọ?

Aizaya 36:10 ပူးပေါင်းရင်းမြစ်များ

1 Ivie 13:18

Ọ da ta kẹ, Mẹvwẹ je vwẹ ọmraro kirobo wọ epha, amakashe da rhe ta ota rẹ Ọrovwohwo kẹ vwẹ, tanẹ, Vwo rhivwi rhe uwevwi wẹn rere o re emu re ọ da ame. Ẹkẹvuọvo efian ọ vwọrọn kẹ.

1 Ivie 22:12

Emraro na ejobi da mrẹ ọtiọye, ayen da ta, Kpo Ramot-gilead re phi kparobọ; Ọrovwohwo che phio phihọ obọ rẹ ovie.

1 Ivie 22:6

Etiyin ovie rẹ Izrẹl da ghwẹ emraro koko, re joma bute ujori ẹne, ọ da ta kẹ Me ra họnre Ramot-gilead, gbenẹ mi jovwo? Ayen da ta, Ra, kidie Ọrovwohwo che phio họ obọ rẹ ovie.

Ivie rẹ Ivẹ 18:25

Ọ rọ marho, ku wo rori nẹ obuko rẹ Ọrovwohwo me wan rhe etinẹ na rhe vwọ ghwọrọ na? Ọrovwohwo re ta kẹ vwẹ, Yanran ra vwọ so otọ na rere wọ ghwọrọ.

2 Ikun rẹ Ivie 35:21

Ẹkẹvuọvo o de ji ikọn bro tanẹ, Die avwanre mrẹ oma ru kugbe, wẹ ovie ri Juda? Ọ dia owẹ mi brẹ cha nonẹ na rẹ, ẹkẹvuọvo uwevwi ro so vwẹ ọye me vẹ ọye gbe phiẹ ofovwi; Ọghẹnẹ kọye ri ji iji kẹ vwẹ nẹ mi jọ phẹre Wọ rhe muẹ kpahe Ọghẹnẹ-ẹ, rọ vẹ ovwẹ herọ na, me da rha guọghọ owẹ.

Aizaya 37:28

Me riẹn etidia otọ wẹn ẹyanran rọye kugbe erhivwi cha rọye, kugbe ẹhọnrọ ru wọ họnre kpahe ovwẹ.

Emọs 3:6

E hworo owanre vwẹ orere re oshọ de jẹ ihwo emuọ? okpetu di she vwẹ orere, rẹ Ọrovwohwo de jẹ obọ evwo vwọ?