Aizaya 35:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Okpohrokpo ọvuọvo cha dia etiyi-in, eyẹ eranvwe rọ djoma ọvuọvo cha yan te etiyi-in, a cha mrẹ ayen vwẹ etiyi-in, ẹkẹvuọvo otu ra tan hirhe ọvo re cha yan vwọ.

Aizaya 35:9 ပူးပေါင်းရင်းမြစ်များ

Une rẹ Ejiro 107:2

Jẹn e ra tanhirhe rẹ Ọrovwohwo ta ọtiọye, rọ tanhirhe neẹ ukpokpogho

Ẹyano 15:13

Wẹ vwẹ ẹguọnọ ro jẹrhẹriẹ wẹn vwo sun ihwo na re wọ tan hirhe, wẹ vwẹ ogangan wẹn vwo sun ayen kpo ẹdia ọfuanfon wẹn na.

Aizaya 1:27

Uyota kọye a vwọ tan Zayọn hirhe, ihwo re herọ ri kurhertiẹ, Ọvwata kọye avwọ ta ayen.

Aizaya 30:21

Erhọn wẹn ki che nyo ota vwẹ obuko wẹn, tanẹ. Ọnana he Idjerhe na, yan nene, vwe ọke wọ da rhẹriẹ oma kpo obọrhe kugbe ọke wọ da rhẹriẹ oma kpọ ọhọhwere.

Aizaya 30:6

Epha kpahe eranvwe ri Nẹgẹb. vwọ kpahe otọ rẹ ukpokpogho vẹ ivuemiovwo, asan rẹ okpohrokpo rẹ aye vẹ ọshare nẹcha, asan re ọrobiebi vẹ asiweri nẹcha, ayen kru efe rayen kpahe uko rẹ ekẹtẹkẹtẹ, eyere rayen kpahe ekpo rẹ iyesi, vwo rhe ihwo re cha vwẹ erere kẹ aye-en.

Aizaya 43:19

Nighere, Mi ro ruẹ emu ọkpokpọ; Asakiephana ọ va phiare, wo rhe roro-o? Me cha fan idjerhe phiyọ evun rẹ aghwa irhie ke cha va nẹ aton rhe

Aizaya 5:29

Edo rayen kiri okpohrokpo, ayen do kerẹ emọ rẹ okpohrokpo ayen gua gbako phihọ emu rayen, ayen mi kpono yanran, ohwo ọvuọvo sa karhiẹ mie aye-en.

Aizaya 51:10

Ọ dia owẹ re nẹrhẹ urhie na kpọ mu, ame okokodo rode na; we ri ru idjerhe phihọ okokodo rẹ urhie rere e ra tan hirhe na vwọ wan vrẹn?

Aizaya 62:10

Wan anurhoro na, wan inurhoro na, rhuẹrẹ idjerhe na phihọ kẹ ihwo na; gbẹn gbẹn idjerhe rode na phihọ, tọrọ ibieragha nọ, kpare oka ke ihwo na mrẹ.

Aizaya 62:12

Ke se ayen ihwo efuanfon na, re Ọrovwohwo tan hirhe, ke se we nẹ Aguọnọ phia, orere re jẹ siọ.

Aizaya 63:4

Kidie ẹdẹ re irhi ẹriọ ọ hẹ udu mẹ, ikpe mẹ rẹ ẹtan hirhe o te nure,

Aizaya 65:25

Okpohrokpo vẹ ogodẹ ke cha re emu kugbe, ekpẹn kọ cha re ọdi kerẹ erhuẹn, ekpẹn kọ dia emu rẹ ọrọdekọ, ayen gbe woma-a eye ghwọrọ-ọ vwẹ enu rẹ ugbenu ọfuanfon Mẹ ọfa-a, eriyin Ọrovwohwo tare.

Jerimaya 30:10

Wọ gbe djẹ oshọ-ọ, E Jekọp odibo mẹ, eriyin Ọrovwohwo tare, wo bru udu-u, E Izrẹl, kidie gbe no, mi che sivwi we nẹ ogboko rhe, emọ wẹn nẹ otọ rẹ ighuvwu rhe. Jekọp che rhivwi rhe o mi vwo ofuvwegbe, ohwo ro djẹ osho muo gbe dia-a.

Izikiẹl 34:25

Me vẹ ayen ke re ọphọ rẹ ufuoma, ke me djẹ eranvwe re djoma nẹ otọ na, re ayen sa dia dẹndẹn vwẹ evun rẹ aton na ayen rhe shevwerhẹ vwẹ evun rẹ egbọ na.

Izikiẹl 34:27

Irhe rẹ aghwa na ke cha mọ emamọ rayen, otọ na ko che yovwi emu, kẹ ayen cha dia vwẹ ofuvwegbe vwẹ otọ rayen, ke ayen cha riẹn nẹ mẹvwẹ Ọrovwohwo na, ọke ri mi de vwirhi itehru rẹ urhekpe rọye, ki mi sivwo nẹ obọ rẹ ihwo re vwẹ ayen ruẹ ọviẹn.

Hosia 2:18

Ke me vẹ owẹ cha re ọphọ vwẹ ẹdẹ yena kugbe eranvwe rẹ aghwa, ephran rẹ irharheghe, vẹ ọbo ri kpono vwẹ otọ, ke me guọghọ umurhabọ, ọlọkọ kugbe ofovwi nẹ otọ na; ke me vwẹ owẹ sherhẹ otọ gbiei.

Livitikọs 26:6

Ke Me cha vwẹ ufuoma vwọ kẹ otọ na ejobi, ovwan de shevwerhẹ, emu kemu ọvuọvo rhe bru ovwan udu-u, ki mi si eranvwe re djoma nẹ otọ na, e gbi rhe phi ofovwi vwẹ otọ rẹ ovwan na-a.

Galesha 3:13

Kristi tan avwanre nẹ ekan rẹ urhi na nure, ekpuyovwi rọye da rhoma rhi hirhe phihọ ekan fiki re avwanre kidie e siro, Ekan kẹ ohwo kohwo ro churu ughwu vwẹ enu rẹ urhe.

Taitọs 2:14

Ohwo rọ vwẹ oma rọye kẹ avwanre rọ vwọ tan avwanre nẹ orukuruku ejobi kugbe ro vwo ru avwanre fon kẹ oma rọye ihwo rẹ obọ rọye ri vwo oruru kẹ iruo esiri.

1 Pita 1:18

Ovwan riẹnre nẹ a tan ovwan nẹ idjerhe ofefe rẹ ovwan reuku rọye mie esẹ rẹ ovwan na, ọ dia obo re ghwọrọ kerẹ idọnọ efuanfon eyẹ oro-o,

Ẹvwọphia 5:9

ayen da so une ọkpokpọ, tanẹ, Wọwẹ hẹ ohwo ro fori rọ sa reyọ ọbe na ro de se rhie isiaphrẹ rọye, kidie e hwe we jovwo ọbara wẹn kọye wọ vwọ tan ihwo hirhe kẹ Ọghẹnẹ nẹ orua korua kugbe ephẹrẹ kugbe ihwo kugbe ẹgborho,