Aizaya 35:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Idjerhe rode kọ cha dia etiyin, ke che se nẹ Idjerhe Ọfuanfon, emu ogbegbe cha sa wanvrẹ-ẹn, ẹkpa gbi che se ghwru vwọ-ọ.

Aizaya 35:8 ပူးပေါင်းရင်းမြစ်များ

Une rẹ Ejiro 118:20

Ọnana anurhoro re Ọrovwohwo na: ọvwata ke cha wan ruọ.

Une rẹ Ejiro 119:130

Ota wẹn ro rhie phihọ na kẹ orẹmrẹ, ọ vwẹ ẹruọ vwọ kẹ ọvwugheghẹ.

Une rẹ Ejiro 19:7

Urhi rẹ Ọrovwohwo na gbare, ọ rhọvwọ udu, iseri rẹ Ọrovwohwo na muẹro, ọ nẹrhẹ ogbori ghwanra,

Une rẹ Ejiro 23:4

Owenẹ me yan vrẹn iyara rẹ uhoho rẹ ughwu, Me djẹ oshọ rẹ emu umwemwu-u; kidie wọ vẹ ovwẹ herọ ọkpọ kugbe ugbọphogho wẹn sa vwẹ ufuoma kẹ vwẹ.

Isẹ 16:17

Idjerhe rode rẹ ohwo esiri kẹnẹ oma kẹ umwemwu, ohwo rọ sẹro rẹ idjerhe rọye ọye ri sivwẹ arhọ rọye.

Isẹ 4:18

Ẹkẹvuọvo idjerhe rẹ ohwo esiri ọhọhọ ọke ro rhie cha, ro lo gala gala bẹsiẹ rẹ ọke vwo kpo.

Isẹ 8:20

Me yan vwẹ idjerhe rẹ ọvwata, vwẹ idjerhe rẹ ọsoso,

Isẹ 9:4

kohwo kohwo ro ghẹri, jọ vwẹriẹ rhe etinẹ, ohwo ro vwo iroro-o ọye ọ ta kẹ nẹ,

Aizaya 11:16

Idjerhe rode kọ cha wan nẹ Asiria rhe vwọ kẹ umuku rẹ ihwo rọye ri chekọ, kirobo rọ epha kẹ Izrẹl ọke rẹ ayen vwo nẹ otọ rẹ Ijipt cha.

Aizaya 19:23

Vwe ẹdẹ yena idjerhe rode kọ cha dia nẹ Ijipt re te Asiria ihwo rẹ Asiria ke rhe Ijipt, ihwo re Ijipt ke re Asiria, ihwo re Ijipt kugbe Asiria ki kuomaghe ga vwe asan ọvo.

Aizaya 30:21

Erhọn wẹn ki che nyo ota vwẹ obuko wẹn, tanẹ. Ọnana he Idjerhe na, yan nene, vwe ọke wọ da rhẹriẹ oma kpo obọrhe kugbe ọke wọ da rhẹriẹ oma kpọ ọhọhwere.

Aizaya 33:8

Idjerhe ride na ejobi gberi, eyoyan na ejobi e daji, Ephọ na emiọvwọ ayen, iseri na a jẹn ayen fia, ọ gbi vwo ọ ro se ohwo gbe ohwo-o.

Aizaya 4:3

Ohwo ro che chekọ vwi Zayọn rọ da dia Jerusalẹm ke se nẹ Ọfuanfon, kohwo kohwo re keri phihọ arhọ vwi Jerusalẹm,

Aizaya 42:16

Ki mi sun irhuẹro wan idjerhe rẹ ayen je riẹn dẹvo-o, vwe ada rẹ ayen jẹ rie-ẹn ki Mi sun ayen. Me rhẹriẹ ebri rọ hẹ obaro rayen phihọ urhukpẹ, asan chochohri ki mi ruo riẹriẹriẹ Enana keye imu ri mi che ru, Me gba cha sen aye-en.

Aizaya 43:19

Nighere, Mi ro ruẹ emu ọkpokpọ; Asakiephana ọ va phiare, wo rhe roro-o? Me cha fan idjerhe phiyọ evun rẹ aghwa irhie ke cha va nẹ aton rhe

Aizaya 51:10

Ọ dia owẹ re nẹrhẹ urhie na kpọ mu, ame okokodo rode na; we ri ru idjerhe phihọ okokodo rẹ urhie rere e ra tan hirhe na vwọ wan vrẹn?

Aizaya 52:1

Vrẹn, vrẹn, ku ogangan wẹn phihọ, E Zayọn, ku iwun iyoyovwi wẹn na phihọ, E Jerusalẹm, orere ọfuanfon na; kidie ayen gbe cha vwẹriẹ owẹ ọfa-a otu re upheruphe na kugbe ihwo igbegbe na .

Aizaya 52:11

Yanran, yanran, yanran nẹ etiyin, wọ vwẹ obọ te emu ogbegbe-e; yan ne uherevie rọye, ru oma wẹn fon, ovwan ihwo re ghwa ekuakua rẹ Ọrovwohwo.

Aizaya 57:14

Ka cha ta vwọ kpahọ nẹ, Bọn phihọ, bọn phihọ, rhuẹrẹ idjerhe na, si uchukurhe umwemwu rẹ idjerhe rẹ ihwo Mẹ no

Aizaya 60:21

Ihwo wẹn ejobi ke cha dia evwata; ayen ki che vwo otọ na bẹdẹ, eyoro cha rẹ ekankọn Mẹ, iruo re abọ Mẹ, rere a mrasan vwe urinrin kẹ vwẹ.

Aizaya 62:10

Wan anurhoro na, wan inurhoro na, rhuẹrẹ idjerhe na phihọ kẹ ihwo na; gbẹn gbẹn idjerhe rode na phihọ, tọrọ ibieragha nọ, kpare oka ke ihwo na mrẹ.

Aizaya 62:12

Ke se ayen ihwo efuanfon na, re Ọrovwohwo tan hirhe, ke se we nẹ Aguọnọ phia, orere re jẹ siọ.

Jerimaya 31:21

Ka eka phihọ idjerhe kẹ oma wẹn, ru obo ri sun we kẹ oma wẹn; nabọ roro idjerhe rode na, idjerhe wọ wan yaran na. Rhivwi, E ọmọtobẹ rẹ Izrẹl, rhivwi rhe irere wẹn nana.

Izikiẹl 43:12

Ọnana kọye urhi rẹ uwevwi rẹ ẹga na asan ejobi re riariẹ uwevwi na rọ hẹ obenu rẹ ugbenu na kọ dia asan rọ ma fon. Nighe, Ọnana urhi rẹ uwevwi rẹ ega na.

Izikiẹl 44:9

Vwẹ ọtiọye na e nẹ Ọrovwohwo Ọghẹnẹ tare. O vwo ọrhorha-a, ro jẹyavwọ vwẹ udu vẹ ugboma, vwẹ usun rẹ erhorha re hẹ ohri rẹ ihwo rẹ Izrẹl na, rọ gbe sa vwẹriẹ ẹshẹ mẹ na ọfa-a.

Joẹl 3:17

Ọtiọye ku wa cha riẹn nẹ Mẹvwẹ Ọrovwohwo Ọghẹnẹ wẹn, rọ dia Zayọn, ugbenu ọfuanfon mẹ na. Jerusalẹm kọ cha fon erhorha gbe cha wanvrẹn bẹdẹ-ẹ.

Livitikọs 26:6

Ke Me cha vwẹ ufuoma vwọ kẹ otọ na ejobi, ovwan de shevwerhẹ, emu kemu ọvuọvo rhe bru ovwan udu-u, ki mi si eranvwe re djoma nẹ otọ na, e gbi rhe phi ofovwi vwẹ otọ rẹ ovwan na-a.

Matiu 1:23

Nighe, ọmọtobẹ cha mrevun, ko vwiẹ ọmọshare, ke se odẹ rọye Immanuẹl, otọ rọye Ọghẹnẹ vẹ avwanre herọ.

Iyẹnrẹ Esiri ri Jọn 14:6

Jesu da ta kẹ, Mẹvwẹ hẹ idjerhe na, kugbe uyota na, kugbe arhọ na; ohwo ọvuọvo se bru Ọsẹ na rhe-e, ẹkẹvuọvo yẹ oma mẹ.

Iyẹnrẹ Esiri ri Jọn 7:17

ọ da dianẹ ohwo vwo ọhọre ro vwo ru ọhọre rọye gba, ko cha riẹn sẹ uyono na obọ rẹ Ọghẹnẹ o nurhe eyẹ se ogangan robọ mẹ me vwọ ta ota na.

Ẹfesọs 2:10

Kidie avwanre ekuakua rẹ iruo rọye, ra mare vwi Kristi Jesu vwọ kẹ iruo esiri, rẹ Ọghẹnẹ rhuẹrẹ vwọ hẹ otọ rhabae, nẹ avwanre yan nene ayen.

1 Tẹsalonaika 4:7

Kidie Ọghẹnẹ se avwanre rhe iruo rẹ inuhu-u, ẹkẹvuọvo vwẹ evun rẹ ẹfuọn.

2 Timoti 1:9

ro sivwi avwanre ro se avwanre rhe use ọfuanfon rọye, ọ dianẹ ki fiki rẹ iruo rẹ avwanre-e ẹkẹvuọvo kirobo rẹ uruemu vẹ ẹserọphẹ rọye epha rọ vwọ kẹ avwanre vwẹ ọma ri Krisfi Jesu rhahae rhe,

Hibru 12:14

Pharhe re wọ vẹ ihwo ejobi vwọ dia kugbe vwẹ ufuoma, kidie ẹfuọn tiọnana da kare ohwo, ohwo yena sa mrẹ Ọrovwohwo-o.

1 Pita 1:16

Kidie e siro nẹ, Ovwan ke fon, kidie me fonro.

2 Pita 3:13

Ẹkẹvuọvo kirobo rẹ ive rọye epha avwanre hẹrhẹ idjuvwu ekpokpọ kugbe akpọ rẹ ọvwata cha dia.

1 Jọn 2:20

Ẹkẹvuọvo Ọfuanfon Ọvuọvo na vwẹ evwri ghworo ovwan nure, yẹ ovwan ejobi riẹnrẹ.

1 Jọn 2:27

ẹkẹvuọvo evwoghworo na rẹ ovwan reyọ mie na ọ vẹ ovwan herọ, o rhe fo rere ohwo rhe yono ovwa-an; kirobo rẹ evwoghworo rọye yono ovwan emu kemu na, ọye na hẹ uyota, ọ dia efia-an, ọtiobo ro yono ovwan na, ovwan dia evun rọye ọtiọye.

Ẹvwọphia 21:27

Ẹkẹvuọvo obo ri jẹfuọn cha sa vwẹriẹ-ẹ, eyẹ ohwo kohwo ro gbe ẹgua eyẹ ofian, ẹkẹvuọvo jokpa rẹ ayen otu re si phihọ ọbe rẹ arhọ rẹ Omogodẹ na.