Aizaya 35:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ ehavwo re rhorha ki hirhe phihọ oku, igbughu rẹ ame ke van nẹ otọ ọyaya rhe, asan rẹ erha da kọn ko che hirhe phihọ ighroghro, eghri ki hirhe phihọ ẹgo vẹ eghọrọgbọdọ

Aizaya 35:7 ပူးပေါင်းရင်းမြစ်များ

Une rẹ Ejiro 107:35

Ọ rhẹriẹ aton phihọ ẹtẹrhe rẹ ame, otọ ọyaya phihọ ogbugbu rẹ ame.

Aizaya 13:22

Ẹrha ki che kperi vwẹ uwevwi rẹ ẹhẹrhẹ rọye ehwa ke cha gọnọ vwẹ ighe esiri rayen; ọke rọye si kerire edẹ rọye gbi che kri-i.

Aizaya 19:6

igbo rẹ urhie na ki miovwi, eghọn rẹ Nile re Ijipt na ke ya kpo muotọ, ẹgo vẹ igbodigbo ejobi ki gbo kufia.

Aizaya 29:17

O gbe dianẹ ọmọke krẹ ri chekọ-ọ ri Lebanọn vwọ rhoma hirhe phihọ udju esiri, ra da vwẹ udju esiri na vwo roro egbo?

Aizaya 30:25

Vwi kenu kenu rẹ ugbenu rọ kpenu gangan kugbe igbenu itete na ejobi ke cha vọn ve etẹrhe re dje ve ame, vwẹ ẹdẹ rẹ ehwe rode na, re eherhe na de che she.

Aizaya 34:13

Inwe ke tanrhe vwe ogba ọgangan rọye, ekpia ve idjighe vwe asan odjahọ rọye. Erha ke cha kọghọ Etiyin, edia vwọ ke ogomugọ

Aizaya 41:18

Ki mi rhie urhie rẹ ame vwẹ ugbenu oyaya na, ogbugbu ke varhe vwẹ iyara na, ki mi hirhe aghwa na phihọ oku rẹ ame, otọ ọyaya na ko hirhe phihọ ogbugbu rẹ ame.

Aizaya 43:20

Eranvwe re djoma na se mu na ọghọ kẹ vwẹ, te erha te ogomugorọ, kidie Mi phi ame phiyọ evun rẹ aghwa, irhie phiyọ evun rẹ aton, re ihwo Me jẹreyọ vwọ mrẹ da,

Aizaya 48:21

Ro vwo sun ayen wan aton na urhuru rẹ ame si aye-en; ọ da vwẹ ame nẹ oragha kẹ ayen da; ọ bẹre oragha na ame da mwavwe no rhe.

Aizaya 49:10

owẹvwe eye urhuru rẹ ame che hwe aye-en, eye uvo gbaegbae vẹ odju che mu aye-en, kidie ohwo rọ re ehrọre kẹ ayen ko sun ayen, vwẹ oma rẹ ova rẹ ame kẹ etiyin e de sun ayen.

Izikiẹl 47:8

Ọ da ta kẹ vwẹ, Ame nana djẹ kpo ubrakpọ rẹ obaro ọnre yanran re fi obo Araba; ọke rẹ ame na da ra djẹ ro ame rẹ abadi na ro mudje kei na, ame na kọ cha vwerha.

Matiu 21:43

Eriyin na me ta kẹ ovwan nẹ, Ke che mie ovwan uvie rẹ Ọghẹnẹ na, ka vwọ kẹ ẹgborho ọfa, ro sa vwẹ emamo esiri phia vwẹ ọke rọye.

Iyẹnrẹ Esiri ri Luk 13:29

Ihwo ki nẹ obaro ọnre rhe vẹ obuko ọnre te obọhwẹre ọnre te obọrhe ọnre, ki che tidia vwẹ udoemu vwẹ uvie rẹ Ọghẹnẹ.

Iyẹnrẹ Esiri ri Jọn 4:14

ẹkẹvuọvo kohwo kohwo rọ da ame re me cha vwọ kẹ na urhuru rẹ ame gbi che hwe ọfa-a; ame re me cha vwọ kẹ na ko che hirhe phihọ ogbugbu rẹ ame ro duvwẹ cha re te arhọ ro vwo oba-a.

Iyẹnrẹ Esiri ri Jọn 7:38

Ọ ro se vwe gbuyota, kirobo rẹ ọbe ọfuanfon na tare, Irhie rẹ arhọ ke djẹ nẹ udu rọye rhe.

Iruo rẹ Iyinkọn na 26:18

Wo che rhie ẹro rayen, rere ayen kurhẹriẹ nẹ ebri kpo urhukpẹ vwo nẹ ogangan rẹ Idẹbọnọ vwo bru Ọghẹnẹ, rere ayen mrẹ evwoghovwo rẹ imwemwu kugbe ẹdia vwẹ ohri rẹ ihwo rẹ esegbuyota ru fon vwẹ evun mẹ.

Ẹvwọphia 18:2

O de kperi gangan tanẹ, Osheri, osheri, Babilọn rode na sheri Ọ rhi hirhe phihọ orere rẹ idẹbono, urhuẹn rẹ erhi kerhi ọbrabra, urhuẹn rẹ ọphran kọphran ro tuoma;

Iguẹdjọ 6:38

Ọtiọye oghinẹ ru. Ọke rọ vwọ rhọvwọ vwẹ urhiọke ride vwẹ ẹdẹ rivẹ na o de mu ophiẹn vẹ ẹton rẹ ogegede na koko, ro vwo mi ame rẹ irho ro tue kuo na ọ da vọn udjọkpọ rẹ ame.