Aizaya 35:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Etiyin ukpono ko pho kerẹ uzo, ẹrenvwe ro diunu kọ so ine rẹ aghọghọ. Kidie ame cha varhe vwẹ evun rẹ aghwa, ito ke cha djẹ nẹ aton rhe,

Aizaya 35:6 ပူးပေါင်းရင်းမြစ်များ

Nehemaya 9:15

Wọwẹ re vwẹ ikara nẹ odjuvwu rhe ro fue owẹvwe rayen wọ da kẹ ayen ame vẹ evun rẹ oragha rhe rere o fue urhuru rayen, wọwẹ re je ta ke ayen nẹ ayen ra reyọ otọ ru wo veri nẹ wọ vwọ kẹ ayen.

Une rẹ Ejiro 107:35

Ọ rhẹriẹ aton phihọ ẹtẹrhe rẹ ame, otọ ọyaya phihọ ogbugbu rẹ ame.

Une rẹ Ejiro 46:4

Urhie ọvo herọ rẹ ọkẹre rọye nẹrhẹ oma vwerha orere rẹ Ọghẹnẹ, ẹdia re ọfuanfon rẹ Ọro Me Kpenu.

Une rẹ Ejiro 51:15

E Ọrovwohwo, rhie ẹbẹrunu mẹ, rere unu mẹ vwọ vwẹ ejiro wẹn phia

Ẹyano 17:6

Nighe, Mi che mudia vwẹ obaro wẹn vwẹ asan oragha vwẹ obi Horẹb; ku wọ teye oragha na, ame ko che nẹ evun rọye rhe, rere ihwo na da. Mosis de ru ọtiọye, vwẹ irharo rẹ ekpako rẹ Izrẹl na.

Aizaya 30:25

Vwi kenu kenu rẹ ugbenu rọ kpenu gangan kugbe igbenu itete na ejobi ke cha vọn ve etẹrhe re dje ve ame, vwẹ ẹdẹ rẹ ehwe rode na, re eherhe na de che she.

Aizaya 32:2

Ovuọvo ko dia kere asan odjahọ vwọ ke aphọpho, Urhurho vw ọ ọke re ọgiribọ, kere uto re ame vwe otọ oyaya, kerẹ uhoho re oragha rode vwe otọ ophephe

Aizaya 32:4

Ohwo re udu rọye tuaho ko brorhiẹ re esiri, kugbe ẹrenvwe rọ phere ikọkọ ke ta ota fiotọ gbọnozẹ.

Aizaya 33:23

Ufi wẹn doghori ọ gbe sa yọnre ọkpọ na gan vwe asan rọ ẹpha-a eye o gbi jẹn aphiarin na riẹn abọ phia-n Te eranvwe re hweri te ekuakua re imu re, pha buebu na ka ghare ayen, ọmwo dede ko vwo ẹkẹn vwo.

Aizaya 35:1

Aghwa na kugbe otọ ọyaya na ke cha ghọghọ, aton na cha ghọghọ rọ de di ẹbe gbidigbidi, kerẹ igbodigbo,

Aizaya 42:11

Jẹn aton na kugbe ẹgborho re herọ kpare urhuru rayen, ẹko ri Kedar diare, jẹn ihwo re dia Sela so ine rẹ aghọghọ, jẹn ayen kperi nẹ enu rẹ igbenu na rhe.

Aizaya 44:3

Kidie mi ku ame phihọ otọ rẹ ọsha, ito ke dje nẹ otọ ọyaya rhe, Ki mi ku Erhi mẹ ku uvwiẹ wẹn erhọvwo mẹ vwọ kẹ emọ wẹn.

Aizaya 48:21

Ro vwo sun ayen wan aton na urhuru rẹ ame si aye-en; ọ da vwẹ ame nẹ oragha kẹ ayen da; ọ bẹre oragha na ame da mwavwe no rhe.

Aizaya 51:3

Kidie Ọrovwohwo se bru Zayọn uche, ko bru asan ra ghwọre ejobi na uche, ko ru aghwa rọye kerẹ Idẹn, aghọghọ vẹ omavwerhe keye a mrẹ vwọ, ẹkpẹvwẹ kugbe urhuru rẹ ine.

Joẹl 3:18

Vwẹ ẹdẹ yena udi ọvwevwerhe ko che sun nẹ igbenu na rhe, ame-ivie ki che sun nẹ igbenu itete na rhe, ukpọkẹre ri Juda ejobi ke cha djẹ ọkẹre rẹ ame, ogbugbu ọvo kọ cha djẹ nẹ uwevwi rẹ Ọrovwohwo rhe kọ cha kpọrhọ iyara ri Shitim.

Zekaraya 14:8

Ame ra arhọ cha djẹ nẹ Jerusalẹm rhe vwẹ edẹ yena, ubrọvo rayen da djẹ kpo urhie rọ he obaro ọnre ubrọvo rayen da djẹ kpo urhie rẹ obuko ọnre, ọ cha djẹ vwẹ ọkiuvo kerẹ ọke ohwahwa.

Malakae 4:2

Ẹkẹvuọvo vwọ kẹ ovwan re djẹ oshọ mẹ na uvo rẹ ọvwata cha bẹrẹ mu ayen, ọ vẹ esivwo vwẹ ibekpe rọye. Ku we che pho kerẹ upene rẹ erhuẹn ro nẹ urhuẹn rọye cha.

Ukeri 20:11

Etiyin Mosis da kpare obọ rọye kpenu ọ da vwẹ ọkpọ rọye na teyọ oragha na abivẹ; ame da mwavwe no rhe buebu, ukoko na da da, kugbe uchuru rayen.

Matiu 11:5

orhuẹro mrẹ orẹ, okpolo yanre, ehonvwoti e sivwi ayen, idierhọ nyo ẹme, irivwi vrẹre, iyẹnrẹ esiri na eghwoghwiro kẹ igbere.

Matiu 12:22

Etiyin e de mu ohwo ọvo ro vwo erhi rẹ idẹbono vwo rhe, orhuẹro kugbe odiunu, o de sivwo, o de nyo ẹme ọ da ta ota.

Matiu 21:14

Te irhuẹro te ikpono de bro rhe evun rẹ uwevwi rẹ ega na; o de sivwi ayen.

Iyẹnrẹ Esiri ri Luk 1:64

Siẹvuọvo na unu rọye de ghwe rhie awọẹrenwe rọye da ghwa rhan, ọ da ta ota, jiri Ọghẹnẹ.

Iyẹnrẹ Esiri ri Luk 11:14

Asakiephana kọ djẹ erhi rẹ idẹbono ro diunu; rẹ idẹbono na vwo no nure, odiunu na da ta ota, o de gbe ihwo na unu.

Iruo rẹ Iyinkọn na 3:2

Ọshare ọvo rọ dia okpono nẹ evun rhe re muẹ kẹdẹ kẹdẹ kpo Anurhoro rẹ uwevwi rẹ ẹga na re se nẹ Erhuvwu, etiyin kọye ọ da yara emu mie ihwo re ruẹ uwevwi rẹ ẹga na.

Iruo rẹ Iyinkọn na 8:7

Kidie irhi ri jẹfuọn na de vrẹn nẹ omarẹ otu buebu, ayen de kperi phia; etiyin e de sivwi ihwo buebu ri ghwoma kugbe ikpono.

Kolose 3:16

We gbe jẹn ota ri Kristi dia evun rẹ ovwan, rọ kẹ ovwan aghwanre buebu, rere ovwan yono ohwohwo, rere ovwan bru ohwohwo uche, vwẹ akpata, vẹ une rẹ ejiro kugbe ine rẹ erhi, rere wa vwẹ udu rẹ ovwan so ine vwevwerhe kẹ Ọghẹnẹ.

Ẹvwọphia 22:1

Etiyin ọ da vwẹ urhie rẹ ame rẹ arhọ na vwọ nẹ vwẹ, ọ pha ghologholo, rọ djẹ nẹ ekete rẹ Ọghẹnẹ na kugbe ọ rẹ Omogodẹ na cha

Ẹvwọphia 22:17

Erhi na kugbe Ọpha na ta, Yanrhe. E jẹn ohwo ro nyori ta, Yanrhe. E jẹn ohwo rẹ urhuru rẹ ame hwe yanrhe, e jẹn ohwo rọ guọnọre da ame rẹ arhọ na ọphẹ.