Aizaya 35:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Etiyin ẹro rẹ orhuẹro ko rhie, erhọn rẹ odierhọn ko phẹ ghwroro,

Aizaya 35:5 ပူးပေါင်းရင်းမြစ်များ

ỌBE RẸ JOB 33:16

etiyin ko rhiẹ erhọn rẹ ihwo, ọ me vwẹ obo re cha phia guegue ayen,

Une rẹ Ejiro 146:8

Ọrovwohwo na rhie ẹro ro rhuru. Ọrovwohwo na kpare otu re nuẹ kpotọ vrẹn; Ọrovwohwo na guọnọ ọvwata.

Ẹyano 4:11

Etiyin Ọrovwohwo da ta kẹ, “Ono re ma unu rẹ ohwo? Eyẹ ono re marọ diunu, dierhọn, yẹrẹ ohwo ro sa mrẹ orẹẹ, yẹrẹ orhuẹro? Ọ dia mẹvwẹ hẹ Ọrovwohwo na?

Isẹ 20:12

Orhọn ro nyo ẹme kugbe ẹro ro mrorẹ, Ọrovwohwo ọvo re ma ayen ivẹ na.

Aizaya 29:18

Vwẹ ẹdẹ yena idierhọn ki che nyo eta rẹ ọbe, vwẹ evun rẹ oma emuophihọ kugbe ebri rayen ẹro rẹ orhuẹro cha mrẹ.

Aizaya 42:16

Ki mi sun irhuẹro wan idjerhe rẹ ayen je riẹn dẹvo-o, vwe ada rẹ ayen jẹ rie-ẹn ki Mi sun ayen. Me rhẹriẹ ebri rọ hẹ obaro rayen phihọ urhukpẹ, asan chochohri ki mi ruo riẹriẹriẹ Enana keye imu ri mi che ru, Me gba cha sen aye-en.

Aizaya 42:18

Nyo, wẹ odierhọn, ni, wẹ orhuẹro, rere wọ mrorẹ,

Aizaya 43:8

Reyọ ihwo ri rhuẹro, dede na yi vwo ẹro, ri dierhọn, dede na yi Vwo erhọn.

Aizaya 48:8

Wo ji nyo dẹvo-o wo je riẹn devo-o, ne awanre rhe erhọn wẹn ji rhie-e. Kidie Me riẹnre nẹ wo se ru emu ogbarogba, ne nẹ ọke evwiẹ we rhe we onogbozighi.

Aizaya 50:4

Ọrovwohwo Ọghẹnẹ kẹ vwe ẹrenvwe rẹ ihwo re yonori, rere Me vwo riẹn obo ra sa vwẹ ota yọnrọn ohwo rẹ oma rhọ Irhiọkẹ kirhiọkẹ o vwo vrẹn, ọ rhọvwọ erhọn mẹ rọ vwo nyo kere ihwo re yonori

Aizaya 50:5

Ọrovwohwo Ọghẹnẹ rhie erhọn Me, Mi rhe vwo udu-u, Mi rhe chu uko kuo-o

Jerimaya 6:10

Kono me vuẹ ono me je kpokpa kẹ, rere ayen vwo nyo? Nighe, erhọn rayen rhurhuru, ayen sa kerhọ-ọn nighe, ota rẹ Ọrovwohwo kọ họhọ ehwẹjẹ kẹ ayen, oma rọye vwerha aye-en.

Matiu 12:22

Etiyin e de mu ohwo ọvo ro vwo erhi rẹ idẹbono vwo rhe, orhuẹro kugbe odiunu, o de sivwo, o de nyo ẹme ọ da ta ota.

Matiu 21:14

Te irhuẹro te ikpono de bro rhe evun rẹ uwevwi rẹ ega na; o de sivwi ayen.

Iyẹnrẹ Esiri ri Luk 4:18

Erhi rẹ Ọrovwohwo ọ hẹ oma mẹ, fikiridie ọ vwẹ evwri ghworo uvwe mi vwo gbe ikun esiri na kẹ ivwiogbere. O ji vwe rhi ghwoghwo obọesiono kẹ ighuvwu Orẹmrẹ kẹ otu ri rhuẹro, ufuoma ke otu re shenyẹ,

Iyẹnrẹ Esiri ri Jọn 11:37

Ẹkẹvuọvo evo rẹ ayen da ta, Kẹ ohwo nana ro se rhiẹ ẹro rẹ orhuẹro na gbi se ru ọshare nana ro de je ghwo?

Iyẹnrẹ Esiri ri Jọn 9:39

Jesu da ta, Fiki rẹ ẹdjọeguo me vwọ rhe akpọ na, rere ihwo re mrẹ orẹ-ẹ vwọ mrẹ orẹ, rere otu re mrẹ orẹ vwo rhuẹro.

Iruo rẹ Iyinkọn na 26:18

Wo che rhie ẹro rayen, rere ayen kurhẹriẹ nẹ ebri kpo urhukpẹ vwo nẹ ogangan rẹ Idẹbọnọ vwo bru Ọghẹnẹ, rere ayen mrẹ evwoghovwo rẹ imwemwu kugbe ẹdia vwẹ ohri rẹ ihwo rẹ esegbuyota ru fon vwẹ evun mẹ.

Ẹfesọs 5:14

Vwẹ ọtiọye na kọye ọ vwọ ta, We rọ vwerhẹ, rhọvwọ, ọ ro ghwuru, varhe, Kristi kọ kẹ wẹ orẹmrẹ.