Aizaya 35:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Vwẹ ogangan kẹ abọ rẹ oma rhọ igbo re nuẹ gbe ru ayen gan.

Aizaya 35:3 ပူးပေါင်းရင်းမြစ်များ

Ezra 1:6

ihwo re kẹrẹ ayen ejobi da vwẹ ekuakua rẹ idọnọ vẹ ọrọ vwọ cha ayen uko, vẹ ekuakua efa, eravwe kugbe erọvwo eghanghanre kugbe ẹkpẹvwẹ buebu ro nẹ udu rhe.

ỌBE RẸ JOB 16:5

Me sa vwẹ unu mẹ phi udu phihọ ovwan awọ, uchebro rẹ ẹbẹrunu mẹ ko fue emiavwe wẹn.

Ẹyano 17:12

Ẹkẹvuọvo abọ da rhe rhọ Mosis kọye ayen de mu oragha vwọ obotọ rọye, o de tidia enu rọye, Erọn vẹ Họ da kpare abọ rọye kpenu, ọvo ẹbẹre nana, ọvo ẹbẹre rivẹ; ọtiọye abọ rọye da kpọvi re te ọke rẹ ọnre vwọ ro otọ.

Daniẹl 10:18

Ofa, ọvo ro vwo urhoma kere ohwo da vwẹ obọ te vwe ọ da kẹ vwẹ ogangan.

Zẹfanaya 3:16

Vwẹ ẹdẹ yena kọ ta kpahe Jerusalẹm, wọ djẹ oshọ-ọ, E Zayọn, wọ jẹn abọ rhọ wẹ-ẹn.

Zekaraya 8:9

E nẹ Ọrovwohwo rẹ otuofovwi tare: We jẹn abọ rẹ ovwan gan, ovwan ri nyo eta nana ri nẹ unu rẹ emraro rhe na, rhanwe ẹdẹ ra vwọ tọn uchivwo rẹ uwevwi rẹ Ọrovwohwo rẹ otuofovwi phihọ nu na, rere a vwọ bọn uwevwi rẹ Ọghẹnẹ na.

Iyẹnrẹ Esiri ri Luk 22:32

ẹkẹvuọvo me da nẹ ẹrhovwo kẹwẹ rere esegbuyota wẹn vwo je she; ẹkẹvuọvo wo de kurhẹriẹ nu, gbe phi udu vwọ hẹ imoni wẹn awọ.

Iyẹnrẹ Esiri ri Luk 22:43

Amakashe da vwẹ oma phia kẹ nẹ odjuvwu rhe, rhe vwẹ ogangan kẹ.

Iruo rẹ Iyinkọn na 18:23

Rọ vwọ dia etiyin emerha o de vrẹn nẹ etiyin ko nẹ asan kpasan vwẹ ubrakpọ ri Galesha kugbe Frigia, ro vwo ruẹ idibo na gan.

Hibru 12:12

Fiki rẹ ọtiọye na gba kpare abọ rẹ ovwan ri gbe phihọ otọ na kpenu, ovwan riẹn igbo rẹ ovwan ri Sida na,

Iguẹdjọ 7:11

ọke wọ de nyo eta rẹ ayen cha ta, kẹsiẹye abọ wẹn ke cha gan vwọ họnre otu ofovwi na. Etiyin ọ vẹ Pura rẹ ọdihọ rọye da yanran kpo asan rẹ ihwo rẹ otu ofovwi na epha.

1 Samuẹl 23:17

Ọ da ta kẹ, Wọ djẹ oshọ-ọ; kidie obọ ri Sọl ọsẹ mẹ che se te we e; wọ cha dia ovie vwẹ Izrẹl, ke me vwọ kpahe owẹ, Sọl rẹ ọsẹ mẹ je riẹn ọnana dede.